City Of Dreams 3 : सत्तेसाठी अंतिम लढा; 'सिटी ऑफ ड्रीम्स'च्या तिसऱ्या सीझनचा ट्रेलर आऊट

City Of Dreams 3 : 'सिटी ऑफ ड्रीम्स' या बहुचर्चित वेबसीरिचा तिसरा सीझन आता प्रेक्षकांच्या भेटीला आला आहे.

City Of Dreams 3

City Of Dreams 3 Season 3 Teaser Out : 'सिटी ऑफ ड्रीम्स' Citi Of Dreams) या बहुचर्चित वेबसीरिजचा तिसरा सीझन लवकरच प्रेक्षकांच्या भेटीला येणार आहे. नुकताच या सीरिजचा धमाकेदार ट्रेलर प्रेक्षकांच्या भेटीला आला आहे. या टीझरमधील दमदार डायलॉग प्रेक्षकांचं लक्ष वेधून घेणारे आहेत. 

दमदार डायलॉग असलेला 'सिटी ऑफ ड्रीम्स 3'चा टीझर

'सिटी ऑफ ड्रीम्स'च्या टीझरमध्ये अतुल कुलकर्णी (Atul Kulkarni) राज्याच्या राजकीय स्थितीबद्दल बोलताना दिसत आहेत. हा टीझर सध्या चर्चेचा विषय ठरत आहे. राज्याच्या राजकारणाचा नुसता खेळ बनवलाय, प्रत्येक जण पार्टी बदलतोय, तुमचा साहेब अजून रिटायर झालेला नाही, सत्तेसाठी अंतिम लढा, मी पार्टी सोडत नाही तोडतो, असे दमदार डायलॉग या सीरिजच्या टीझरमध्ये पाहायला मिळणार आहे. 

'सिटी ऑफ ड्रीम्स'चे दोन्ही सीझन प्रेक्षकांच्या पसंतीस उतरले आहेत. त्यानंतर प्रेक्षक या सीझनच्या तिसऱ्या पर्वासाठी उत्सुक आहेत. तिसऱ्या पर्वाची घोषणा झाल्यापासून प्रेक्षक या सीझनची आतुरतेने वाट पाहत आहेत. राजकारणाची पार्श्वभूमी असलेल्या या वेबसीरिजसाठी चाहते उत्सुक आहेत.

 

 

 

 

 

View this post on Instagram

 

 

 

 

 

 

 

 

 

 

 

A post shared by Disney+ Hotstar (@disneyplushotstar)

'सिटी ऑफ ड्रीम्स' या वेबसीरिजमध्ये गायकवाड कुटुंबीय केंद्रस्थानी आहे. वडील आणि मुलीमधील सत्तेसाठीचा संघर्ष या वेबसीरिजमध्ये दाखवण्यात आला आहे. या वेब सीरिजचा तिसरा सीझन या महिन्यात प्रेक्षकांना पाहायला मिळणार आहे. या सीझनमध्ये प्रेक्षकांना धमाकेदार ट्विस्ट पाहायला मिळणार आहे. 

'या' दिवशी प्रेक्षकांच्या भेटीला येणार 'सिटी ऑफ ड्रीम्स 3' (City Of Dreams 3 Season 3 Release Date)

'सिटी ऑफ ड्रीम्स 3' 26 मेपासून डिज्नी प्लस हॉटस्टारवर प्रेक्षकांना पाहायला मिळणार आहे. दुसऱ्या सीझनचा जिथे शेवट होतो तिथूनच तिसऱ्या सीझनची सुरुवात होणार आहे. या सीझनमध्ये अमेयराव गायकवाड पुन्हा एकदा सत्तेत येणार असल्याचं दाखवण्यात आलं आहे. अमेयराव गायकवाडचा अनोखा अंदाज या सीरिजमध्ये प्रेक्षकांना पाहायला मिळणार आहे.
नागेश कुकुनूर दिग्दर्शित या सीरिजमध्ये अतुल कुलकर्णी (Atul Kulkarni), प्रिया बापट (Priya Bapat) आणि सचिन पिळगावकर (Sachin Pilgaonkar) मुख्य भूमिकेत आहेत. 

संबंधित बातम्या