Sonu Sood : चंदीगढ व्हायरल व्हिडीओवर सोनू सूद म्हणाला,"आपल्या बहिणींच्या पाठीशी उभं राहा"

Sonu Sood : पंजाबमधील मोहाली येथील विद्यार्थिनींचा आंघोळ करतानाचा व्हिडीओ सोशल मीडियावर झाला आहे.

Sonu Sood

Sonu Sood On Chandigarh University MMS Scandal : पंजाबमधील (Punjab) मोहाली येथील चंदीगढ विद्यापीठातील (Chandigarh University) विद्यार्थिनींचा आंघोळ करतानाचा व्हिडीओ सोशल मीडियावर व्हायरल झाला आहे. आता या प्रकरणावर आता अभिनेता सोनू सूदनेदेखील प्रतिक्रिया दिली आहे. 

सोनू सूद ट्वीट करत म्हणाला आहे की,"चंदीगढ विद्यापीठात घडलेला प्रकार अत्यंत दुर्दैवी आहे. आता आपल्या बहिणींच्या पाठीशी उभं राहून एक जबाबदार समाजाचं कर्तव्य पार पाडण्याची वेळ आली आहे. ही आपल्यासाठी निर्णायक वेळ आहे. जबाबदारीनं वागा". सोनू सूदचं हे ट्वीट सध्या सोशल मीडियावर चांगलच व्हायरल होत आहे. 

Something that happened in Chandigarh University is very unfortunate. It’s time for us to stand with our sisters and set an example of a responsible society. These are testing times for us, not for the victims.
Be responsible 🙏

— sonu sood (@SonuSood) September 18, 2022

Chandigarh University incident very unfortunate, time to stand with our sisters, says actor Sonu Sood. Earlier in the day, protests broke out at a private university in Punjab's Mohali over "rumours" that some objectionable videos of women students were recorded.

— Press Trust of India (@PTI_News) September 18, 2022

नेमकं प्रकरण काय?

मोहालीत चंदीगड युनिव्हर्सिटीमधील विद्यार्थिनींचे आंघोळ करतानाचे व्हिडीओ व्हायरल झाले आहेत. धक्कादायक म्हणजे याच विद्यापीठातील एका विद्यार्थिनीनं 60 विद्यार्थिंनींचा आंघोळ करतानाचा व्हिडीओ शिमल्यात राहणाऱ्या एका मित्राला पाठवले होते. हे व्हिडीओ व्हायरल झाल्यानंतर विद्यार्थ्यांनी विद्यापीठ परिसरात मोठा गोंधळ घातला. त्यानंतर व्हिडीओ बनवणाऱ्या विद्यार्थिनीला पोलिसांनी ताब्यात घेतलं आहे.

आंघोळीचा व्हिडीओ व्हायरल झाल्यानंतर काही तरुणींनी आत्महत्या केल्याच्या बातम्या समोर आल्या होत्या. पण आता याबाबत पोलिसांनी स्पष्टीकरण देत कोणत्याही तरुणीनं आत्महत्येचा प्रयत्न केला नसल्याचं स्पष्ट केलं आहे. एमएमएस बनवणाऱ्या तरुणीला पोलिसांच्या ताब्यात देण्यात आलं आहे. पोलिसांनी या तरुणीविरुद्ध एफआयआर नोंदवला आहे. 

संबंधित बातम्या