Brahmastra Motion Poster Launch : अखेर प्रतीक्षा संपली, रणबीर - आलियाच्या 'ब्रह्मास्त्र' सिनेमाचे मोशन पोस्टर प्रदर्शित

Brahmastra Motion Poster Launch : प्रेक्षक प्रतीक्षा करत असलेल्या 'ब्रह्मास्त्र' सिनेमाचे मोशन पोस्टर प्रदर्शित झाले आहे. लवकरच सिनेमा प्रेक्षकांच्या भेटीला येणार आहे.

Brahmastra

Brahmastra Motion Poster Launch : बॉलिवूडचा अभिनेता रणबीर कपूर  (Ranbir Kapoor) आणि अभिनेत्री आलिया भट(Alia Bhatt) यांचा 'ब्रह्मास्त्र' (Brahmastra) हा सिनेमा लवकरच प्रेक्षकांच्या भेटीला येणार आहे. प्रेक्षक गेले अनेक दिवस 'ब्रह्मास्त्र' सिनेमाची प्रतीक्षा करत होते. अखेर आज सिनेमाचे मोशन पोस्टर प्रदर्शित करण्यात आले आहे. या मोशन पोस्टरमध्ये 
रणबीर कपूर आणि आलिया भट्टचा अनोखा अंदाज पाहायला मिळत आहे. या सिनेमाद्वारे रणबीर कपूर आणि आलिया भट्टची जोडी पहिल्यांदाच मोठ्या पडद्यावर दिसणार आहे. 

मोशन पोस्टरमध्ये काय आहे खास? 
मोशन पोस्टरमध्ये मोठ्या प्रमाणात ग्राफिक्सचा वापर करण्यात आला आहे. मोशन पोस्टरमध्ये रणबीर म्हणतो,"जगात काहीतरी घडत आहे, ईशा, जे लोकांच्या आकलनापलीकडचे आहे. काही जुन्या शक्ती आहेत, काही शस्त्रे आहेत."यानंतर आलिया म्हणजेच ईशा म्हणते, "हे सर्व का पाहतोयस? तू कोण आहेस शिवा?".

अमिताभ बच्चन यांनी शेअर केला व्हिडीओ
अमिताभ बच्चन यांनी एक व्हिडीओ शेअर करून त्याला कॅप्शन दिले, 'ब्रह्मास्त्र हे जगासोबत शेअर करण्याचा आमचा प्रवास अखेर सुरू होत आहे. लव्ह... लाइट... फायर... ब्रह्मास्त्रचा मोशन पोस्टर प्रदर्शित होत आहे. ' या व्हिडीओला नेटकऱ्यांची पसंती मिळत आहे. अयान मुखर्जीने  ब्रह्मास्त्र  चित्रपटाचे दिग्दर्शन केले आहे. 

काही दिवसांपूर्वी अयान मुखर्जीने या चित्रपटाच्या मेकिंगचे काही खास फोटो शेअर केले होते.  रिपोर्ट्सनुसार, ब्रह्मास्त्र हा चित्रपट 9 सप्टेंबर 2022 रोजी रिलीज होऊ शकतो.   ब्रह्मास्त्र हा पौराणिक कथानकावर आधारित चित्रपट आहे, असं म्हटलं जात आहे. रणबीर कपूर आणि आलिया भट्ट गेल्या अनेक दिवसांपासून एकमेकांना डेट करीत असल्याची चर्चा आहे. त्यामुळे या चित्रपटामध्ये या दोघांची केमिस्ट्री पाहण्यासाठी प्रेक्षक उत्सुक आहेत. 

संबंधित बातम्या