Brahmastra Motion Poster : 'लव्ह... लाइट... फायर...' ब्रह्मास्त्र चित्रपटाचा मोशन पोस्टर उद्या होणार रिलीज; अमिताभ बच्चन यांची खास पोस्ट
अमिताभ बच्चन (Amitabh Bachchan) यांनी नुकताच एक व्हिडीओ सोशल मीडियावर शेअर केला आहे.
Brahmastra Motion Poster : बॉलिवूडमधील प्रसिद्ध अभिनेता रणबीर कपूर (Ranbir Kapoor) आणि अभिनेत्री आलिया भट(Alia Bhatt) यांचा ब्रह्मास्त्र (Brahmastra) हा चित्रपट लवकरच प्रेक्षकांच्या भेटीस येणार आहे. बॉलिवूडचे महानायक अमिताभ बच्चन (Amitabh Bachchan) देखील या चित्रपटात प्रमुख भूमिका साकारणार आहेत. तसेच मौनी रॉय (Mouni Roy)आणि नागार्जुन(Nagarjuna) हे या चित्रपटात महत्वपूर्ण भूमिका साकारणार आहेत. अमिताभ बच्चन यांनी नुकताच एक व्हिडीओ सोशल मीडियावर शेअर केला आहे.
अमिताभ बच्चन यांनी एक व्हिडीओ शेअर करून त्याला कॅप्शन दिले, 'ब्रह्मास्त्र हे जगासोबत शेअर करण्याचा आमचा प्रवास अखेर सुरू होत आहे. लव्ह... लाइट... फायर... ब्रह्मास्त्रचा मोशन पोस्टर उद्या प्रदर्शित होत आहे. ' या व्हिडीओला नेटकऱ्यांची पसंती मिळत आहे. अयान मुखर्जीने ब्रह्मास्त्र चित्रपटाचे दिग्दर्शन केले आहे.
View this post on Instagram
काही दिवसांपूर्वी अयान मुखर्जीने या चित्रपटाच्या मेकिंगचे काही खास फोटो शेअर केले होते. रिपोर्ट्सनुसार, ब्रह्मास्त्र हा चित्रपट 9 सप्टेंबर 2022 रोजी रिलीज होऊ शकतो. ब्रह्मास्त्र हा पौराणिक कथानकावर आधारित चित्रपट आहे, असं म्हटलं जात आहे. रणबीर कपूर आणि आलिया भट्ट गेल्या अनेक दिवसांपासून एकमेकांना डेट करीत असल्याची चर्चा आहे. त्यामुळे या चित्रपटामध्ये या दोघांची केमिस्ट्री पाहण्यासाठी प्रेक्षक उत्सुक आहेत.
संबंधित बातम्या
बॉलिवूडला कोरोनाचा विळखा, करीनानंतर संजय कपूर आणि सोहेल खानच्या पत्नीला कोरोनाची लागण
Kangana Ranaut : कंगनाविरोधात अजामीनपात्र वॉरंट जारी करा, गीतकार जावेद अख्तर यांची अंधेरी दंडाधिकारी कोर्टाकडे मागणी
महत्त्वाच्या बातम्या
