Bigg Boss OTT 2 Contestants: शिझान खानची बहीण फलक ते नवाजुद्दीनची पत्नी आलिया; बिग बॉस ओटीटी 2 साठी 'या' सेलिब्रिटींच्या नावाची चर्चा
बिग बॉस ओटीटीचा पहिला सीझन करण जोहरने होस्ट केला होता. आता 'बिग बॉस ओटीटी सीझन 2' (Bigg Boss OTT 2) हा शो सलमान खान होस्ट करणार आहे.
BB OTT 2 Contestant List: 'बिग बॉस ओटीटी सीझन 2' (Bigg Boss OTT 2) या कार्यक्रमाची चर्चा सध्या सोशल मीडियावर होत आहे. हा शो एका वर्षानंतर डिजिटल प्लॅटफॉर्मवर पुनरागमन करत आहे. बिग बॉस ओटीटीचा पहिला सीझन 2021 मध्ये प्रेक्षकांच्या भेटीस आला होता. बिग बॉस ओटीटीचा पहिला सीझन करण जोहरने होस्ट केला होता. आता 'बिग बॉस ओटीटी सीझन 2' सलमान खान होस्ट करणार आहे. या शोमध्ये कोणकोणते स्पर्धक सहभागी होणार आहेत? हे जाणून घेण्यास प्रेक्षक उत्सुक आहेत. सध्या बिग बॉस ओटीटी 2 साठी या सेलिब्रिटींच्या नावाची चर्चा सोशल मीडियावर होत आहे. जाणून घेऊयात त्या सेलिब्रिटींबाबत...
अविनाश सचदेव
अविनाश सचदेव हा बिग बॉस ओटीटीच्या दुसऱ्या सीझनमध्ये सहभागी होणार आहे, असं म्हटलं जात आहे. अविनाश हा त्याच्या लव्ह लाईफ खूप चर्चेत होता. त्याने 2015 मध्ये त्याच्या इस प्यार को क्या नाम दूं या मालिकेमधील सह-अभिनेत्री शाल्मली देसाईसोबत लग्न केले, नंतर त्यांचा घटस्फोट झाला. त्याने 'छोटी बहू' या मालिकेतील अभिनेत्री रुबिना दिलीक हिला देखील डेट केले आहे.
आकांक्षा पुरी
अभिनेत्री आकांक्षा पुरी बिग बॉस ओटीटी 2 मध्ये सहभागी होणार आहे, असं म्हटलं जात आहे. आकांक्षा 'विघ्नहर्ता गणेश', 'कॅलेंडर गर्ल्स' आणि 'मिका दी वोटी' सारख्या प्रोजेक्ट्सचा भाग होती. आकांक्षा ही मिका द वोट या शोची विजेती ठरली.
आलिया सिद्दीकी
नवाज़ुद्दीन सिद्दीकीची पत्नी आलिया सिद्दीकी ही गेल्या काही दिवसांपासून तिच्या वैयक्तिक आयुष्यामुळे चर्चेत आहे. नवाज़ुद्दीन आणि आलिया यांच्यामध्ये गेल्या काही दिवसांपासून वाद सुरु आहे. आलिया ही बिग बॉस ओटीटी 2 मध्ये स्पर्धक म्हणून सहभागी होणार आहे, असं म्हटलं जात आहे.
फलक नाज
‘ससुराल सिमर का’, ‘देवों के देव...महादेव’, ‘राधा कृष्ण’ या शोमध्ये सहभागी झालेली फलक नाज ही आता बिग बॉस ओटीटी-2 मध्ये प्रेक्षकांच्या भेटीस येईल असं म्हटलं जात आहे. फलक ही शिझान खानची बहीण आहे.
जिया शंकर, मनीषा रानी,पलक पुरसवानी हे कलाकार देखील बिग बॉस ओटीटीच्या दुसऱ्या सीझनमध्ये सहभागी होतील, असं म्हटलं जात आहे.
इतर महत्वाच्या बातम्य
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
