Bhool Bhulaiyaa 2 : देशातच नाही तर विदेशातही 'भूल भुलैया 2' ब्लॉकबस्टर; नेटफ्लिक्सवर केला रेकॉर्ड

Bhool Bhulaiyaa 2 : 'भूल भुलैया 2' या सिनेमाने आता नेटफ्लिक्सवर एक खास रेकॉर्ड केला आहे.

Bhool Bhulaiyaa 2

Bhool Bhulaiyaa 2 : बॉलिवूड अभिनेता कार्तिक आर्यनचा (Kartik Aaryan) 'भूल भुलैया 2' (Bhool Bhulaiyaa 2) या सिनेमाने सिनेमागृहात धुमाकूळ घातल्यानंतर आता हा सिनेमा ओटीटीवर रिलीज झाला आहे. नेटफ्लिक्स या ओटीटी प्लॅटफॉर्मवर हा सिनेमा रिलीज झाला आहे. नेटफ्लिक्सवरील नोन इंग्लिश विभागात या सिनेमाने जगभरातून पहिला क्रमांक पटकावला आहे. हा रेकॉर्ड करणारा हा पहिला हिंदी सिनेमा आहे. 

आलिया भट्टच्या 'गंगूबाई काठियावाडी' सिनेमाला 'भूल भुलैया 2'ने टाकलं मागे

बॉलिवूड अभिनेत्री आलिया भट्टच्या 'गंगूबाई काठियावाडी' या सिनेमानेदेखील जगभरात अनेक रेकॉर्ड केले. पण आता या सिनेमालादेखील कार्तिक आर्यनच्या 'भूल भुलैया 2'ने मागे टाकलं आहे. कार्तिकने सोशल मीडियाच्या माध्यमातून यासंदर्भात माहिती दिली आहे. नेटफ्लिक्सने जाहीर केलेल्या जगभरातील टॉप सिनेमांच्या यादीत 'भूल भुलैया 2' पहिल्या क्रमांकावर आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by KARTIK AARYAN (@kartikaaryan)

'भूल भुलैया 2'ची कमाई

'भूल भुलैया 2' या सिनेमाने जगभरातील बॉक्स ऑफिसवर धुमाकूळ घालता आहे. आतापर्यंत या सिनेमाने बॉक्स ऑफिसवर 184 कोटी तर जगभरात या सिनेमाने 230 कोटींची कमाई केली आहे. तसेच नेटफ्लिक्स या ओटीटी प्लॅटफॉर्मवरदेखील हा सिनेमा धमाका करत आहे. 

'भूल भुलैया 2' ओटीटीवर रिलीज!

'भूल भुलैया 2' हा सिनेमा नेटफ्लिक्स या ओटीटी प्लॅटफॉर्मवर प्रदर्शित झाला आहे. त्यामुळे आता हा सिनेमा प्रेक्षकांना घरबसल्या पाहायला मिळत आहे. प्रेक्षकांना घरबसल्या मनोरंजनाची मेजवानी मिळाली आहे. ओटीटी प्लॅटफॉर्मवर सिनेमा प्रदर्शित झाल्यानंतरदेखील बॉक्स ऑफिसवर हा सिनेमा धमाका करत आहे. कार्तिक आर्यनची रूह बाबा ही भूमिका प्रेक्षकांच्या पसंतीस उतरली आहे. 

'भूल भुलैया 2' मध्ये कार्तिक आर्यनने रूह बाबा ही भूमिका साकारली आहे. 2007 मध्ये रिलीज झालेल्या भूल भुलैया चित्रपटाचा हा दुसरा भाग आहे.भूल भुलैया चित्रपटाच्या पहिल्या भागामध्ये अक्षय कुमार, अमिशा पटेल, विद्या वालन आणि शाइनी आहूजा या कलाकारांनी प्रमुख भूमिका साकारली होती. भूल भूलैया-2 मध्ये कार्तिक आर्यनसोबतच तब्बू, कियारा अडवाणी आणि राजपाल यादव यांनी प्रमुख भूमिका साकारली आहे. 

संबंधित बातम्या