विराटच्या वाढदिवशी पत्नी अनुष्काच्या खास शुभेच्छा

विराट कोहली पत्नी अनुष्का शर्माच्या साथीनं हरिद्वारमध्ये आपला वाढदिवस साजरा करत आहे. अनुष्काचे कौटुंबिक गुरु महाराज अनंतबाबा यांचा अनंतधाम आत्मबोध आश्रम हरिद्वारमध्ये आहे.

मुंबई : टीम इंडियाचा कर्णधार विराट कोहलीचा आज तिसावा वाढदिवस आहे. देशभरातून विराटवर शुभेच्छांचा वर्षाव होत आहे. यामध्ये विराटची पत्नी अभिनेत्री अनुष्का शर्मानं हटके स्टाईलमध्ये त्याला शुभेच्छा दिल्या. विराटच्या जन्मासाठी अनुष्काने देवाचे आभार मानले.

अनुष्काने आपल्या ट्विटर अकाऊंटवरून विराटला शुभेच्छा देताना म्हटलं की, "विराटच्या जन्मासाठी देवा धन्यवाद." अनुष्काने ट्वीटसोबत दोघांचा फोटोही शेअर केला आहे. गेल्या वर्षी 11 डिसेंबर 2017 ला विराट आणि अनुष्का यांचं लग्न झालं.

Thank God for his birth 😁🙏❤✨ pic.twitter.com/SzeodVBzum

— Anushka Sharma (@AnushkaSharma) November 5, 2018

विराट कोहली पत्नी अनुष्का शर्माच्या साथीनं हरिद्वारमध्ये आपला वाढदिवस साजरा करत आहे. अनुष्काचे कौटुंबिक गुरु महाराज अनंतबाबा यांचा अनंतधाम आत्मबोध आश्रम हरिद्वारमध्ये आहे. विराट आणि अनुष्का आज अनंतबाबांच्या आश्रमाला भेट देण्याची शक्यता आहे.

दोघं शनिवारी रात्री डेहराडूनच्या विमानतळावर उतरले. त्यानंतर त्यांचा मुक्काम नरेंद्रनगरमधल्या हॉटेल आनंदामध्ये होता. विराट आणि अनुष्का सात नोव्हेंबरपर्यंत हरिद्वारमध्ये राहणार असल्याची सूत्रांची माहिती आहे. त्यांच्या कार्यक्रमात ऋषिकेशमध्ये रिव्हर राफ्टिंग आणि कॅम्पिंगचाही समावेश आहे.