Antarpat : लव्ह मॅरेजच्या काळात गौतमी करतेय अरेन्ज मॅरेज; नियतीने धरला दुराव्याचा 'अंतरपाट'!

Antarpat : 'अंतरपाट' ही नवी मालिका लवकरच कलर्स मराठीवर सुरू होणार आहे. नुकताच या मालिकेचा लक्ष वेधून घेणारा प्रोमो आऊट झाला आहे.

Antarpat

Antarpat : काही दिवसांपासून नवनवीन मालिका रसिकांच्या भेटीला येत आहेत. वेगवेगळ्या जॉनरच्या या मालिका प्रेक्षकांचं चांगलच मनोरंजन करत आहेत. आता 'अंतरपाट' (Antarpat) नवी मालिका प्रेक्षकांच्या मनोरंजनासाठी सज्ज आहे. नुकतच या मालिकेचा लक्ष वेधून घेणारा प्रोमो आऊट झाला आहे.

लव्ह मॅरेजच्या काळात गौतमी करतेय अरेन्ज मॅरेज

'अबीर गुलाल' या नव्या मालिकेसोबत आता 'अंतरपाट' ही नवीन मालिका 10 जून पासून संध्याकाळी 7:30 वाजता रसिकांच्या  भेटीला येणार आहे. काही दिवसांआधी या नव्या मालिकेचा प्रोमो प्रदर्शित झाला असून, त्यात हळदीचा समारंभ सुरू असल्याचे दिसत होते. लव्ह मॅरेजच्या काळात अरेन्ज मॅरेज करणाऱ्या गौतमीला परफेक्ट जोडीदार मिळाल्याने ती अतिशय आनंदी आहे. गौतमीला आपल्या जोडीदारासोबत प्रत्येक स्वप्नं पूर्ण करायचे आहे. गौतमीला वाटतेय की, क्षितिज हा सर्वोत्तम आणि परिपूर्ण असा नवरा आहे, जसा तिला हवा होता, अगदी तसा.

 

 

 

 

 

View this post on Instagram

 

 

 

 

 

 

 

 

 

 

 

A post shared by @colorsmarathi

नियतीने धरला दुराव्याचा अंतरपाट!

आता 'अंतरपाट' या मालिकेचा अजून एक नवा प्रोमो नुकताच प्रदर्शित झाला असून  त्यात तुम्ही पाहू शकता की, उल्हासित, आनंदी वातावरण, लग्नाची लगबग, सजलेला  मंडप, पाहुण्यांचा सगळीकडे वावर दिसत आहे. गौतमी मंडपाकडे चालत येत असताना तिच्या चेहऱ्यावरचा आनंद  खूप काही सांगून जात आहे. तसेच मंडपात क्षितिजच्या मनात भलतीच घालमेल सुरु असल्याचे देखील दिसत आहे. सनई चौघडण्याच्या सुरामध्ये दोघांनी ही एकमेकांना वरमाळा घातल्या. सगळीकडे आनंदाचे वातावरण असतानाच,क्षितिज गौतमीला बोलतो की, मी एक तुझ्याकडे गोष्ट मागू का? गौतमी हसून म्हणते हो आणि मग क्षितिज तिच्या कडून घटस्फोट मागतो. काय असेल क्षितीजच्या मनात? लग्नाच्या शुभ प्रसंगी का आणि कशासाठी असे टोकाचे पाऊल उचलले असेल? काय लिहिले आहे गौतमीच्या नशिबात? नशिबाने मांडला लग्नाचा घाट, पण नियतीने धरला दुराव्याचा अंतरपाट!

'अंतरपाट' कधी होणार सुरू?

'अंतरपाट' या मालिकेत अशोक ढगे, रश्मी अनपट, रेशम टिपणीस या कलाकारांच्या प्रमुख भूमिका आहेत. ही गोष्ट नेमकी काय असणार, याची प्रेक्षकांना खूपच उत्सुकता लागली आहे. 'अंतरपाट' ही मालिका 10 जून पासून संध्याकाळी 7:30 वाजता  कलर्स मराठीवर आणि #JioCinema वर रसिकांना भेटायला येणार आहे.

संबंधित बातम्या