Animal : रणबीर-रश्मिकाच्या 'ॲनिमल' सिनेमावर सेन्सॉर बोर्डाची कात्री; इंटीमेट दृश्यांवर आक्षेप

Animal Update : अभिनेता रणबीर कपूरचा (Ranbir Kapoor) 'अॅनिमल' रिलीज होण्याआधी सिनेमात काही बदल करण्याचे निर्देश सेन्सॉर बोर्डाने दिले आहेत.

Ranbir Kapoor Rashmika Mandanna Animal

Ranbir Kapoor Rashmika Mandanna Animal Update : बॉलिवूड अभिनेता रणबीर कपूर (Ranbir Kapoor) आणि रश्मिका मंदाना (Rashmika Mandanna) यांचा 'अॅनिमल' (Animal) हा सिनेमा काही दिवसांपासून चर्चेत आहे. आता या सिनेमासंदर्भात नवी अपडेट समोर आली आहे. रणबीर-रश्मिकाच्या 'अॅनिमल' सिनेमातील इंटीमेट दृश्यांवर सेन्सॉर बोर्डाने कात्री चालवली आहे. 

रणबीर कपूर आणि रश्मिका मंदाना यांचा 'अॅनिमल' या सिनेमा सध्या चांगलाच चर्चेत आहे. काही दिवसांपूर्वी या सिनेमाचा टीझर प्रदर्शित झाला होता. टीझरला प्रेक्षकांचा चांगला प्रतिसाद मिळाला आहे. त्यामुळे सिनेप्रेमी आता सिनेमाची प्रतीक्षा करत आहेत. 'अॅनिमल' या सिनेमात रणबीर-रश्मिकाचे अनेक किसिंग सीन्स होते. पण आता सिनेमातील या दृश्यांवर सेन्सॉर बोर्डाने आक्षेप घेतला आहे.

'अॅनिमल'वर सेन्सॉर बोर्डाची कात्री (Censor Board cut intimate scene of Ranbir Kapoor and Rashmika Mandanna)

रणबीरच्या 'अॅनिमल'ची सध्या सर्वत्र चांगलीच क्रेझ आहे. नुकताच रणबीरने या सिनेमाचा प्री-रिलीज इवेंट आयोजित केला होता. दाक्षिणात्य मनोरंजनसृष्टीतील अनेक बड्या कलाकारांनी प्री-रिलीजला आपली उपस्थिती दर्शवली होती. आता सेन्सॉरने 'अॅनिमल' सिनेमाला A सर्टिफिकेट देण्यासोबत काही दृश्य हटवण्याचे निर्देश दिले आहेत. रणबीर-रश्मिकाच्या क्लोज अप सीन्ससह अनेक संवादही हटवण्यास सांगितलं आहे. तसेच काही शब्ददेखील बदलण्यास सांगितले आहेत. 'अॅनिमल' हा सिनेमा 18 वर्षांपुढील सिनेरसिकांना पाहता येणार आहे. 

'या' दिवशी प्रेक्षकांच्या भेटीला येणार अॅनिमल (Animal Release Date)

रणबीर कपूर आणि रश्मिका मंदाना यांचा 'अॅनिमल' हा सिनेमा 1 डिसेंबर 2024 रोजी प्रेक्षकांच्या भेटीला येणार आहे. या सिनेमासाठी जगभरातील सिनेरसिक उत्सुक आहेत. या सिनेमात बॉलिवूड अभिनेता बॉबी देओल (Boby Deol) नकारात्मक भूमिकेत दिसणार आहे. या सिनेमातील त्याचा लूक खूपच खतरणार आहे. 'अॅनिमल' हा सिनेमा बॉक्स ऑफिस गाजवायला आता सज्ज आहे.

'अॅनिमल' या सिनेमाच्या दिग्दर्शनाची धुरा संदीप रेड्डी वांगाने (Sandeep Reddy Vanga) सांभाळली आहे. वडील-मुलाच्या नात्यावर भाष्य करणारा हा सिनेमा आहे. अनिल कपूर (Anil Kapoor) यांनी या सिनेमात रणबीरच्या वडिलांची भूमिका साकारली आहे. येत्या 1 डिसेंबरला हा सिनेमा हिंदीसह तेलुगू, तामिळ, मल्याळम आणि कन्नड या भाषांमध्ये रिलीज होणार आहे. या सिनेमाने अॅडव्हान्स बुकिंगमध्येच कोट्यवधी रुपयांची कमाई केली आहे. रणबीरच्या आगामी सिनेमाची चाहत्यांना आता प्रतीक्षा आहे.

संबंधित बातम्या