Anant Ambani Radhika Merchant Pre Wedding : जेवणासाठी 210 कोटी, अंबानींच्या प्री वेडिंगवर किती हजार कोटींचा चुराडा? विराटची तेवढी संपत्ती नाही!

Anant Ambani Radhika Merchant Pre Wedding : मुकेश अंबानी (Mukesh Ambani) यांनी लाडका लेक अनंत अंबानी आणि राधिका मर्चेंट यांच्या प्री-वेडिंगवर लाखो रुपये खर्च केले आहेत.

Anant Ambani Radhika Merchant Pre Wedding

Anant Ambani Radhika Merchant Pre Wedding Function : देशातील श्रीमंत उद्योगपती मुकेश अंबानी (Mukesh Ambani) यांचा धाकटा मुलगा अनंत अंबानी (Anant Ambani) आणि राधिका मर्चेंट (Radhika Merchant) यांचा प्री-वेडिंग कार्यक्रम गेल्या दहा दिवसांपासून चांगलाच चर्चेत आहे. या प्री-वेडिंगने संपूर्ण जगाचं लक्ष वेधून घेतलं आहे. लाडक्या लेकाच्या प्री-वेडिंगवर अंबानींनी कोट्यवधी रुपये खर्च केले आहेत. त्यामुळे आता लग्नात अंबानी किती कोटी खर्च करणार याकडे सर्वांचं लक्ष लागलं आहे. 

अनंत अंबानी आणि राधिका मर्चेंट यांच्या प्री-वेडिंगला जगभरातील विविध क्षेत्रातील अनेक दिग्गज मंडळींनी हजेरी लावली होती. यात मार्क झुकरबर्ग, बिल गेट्स, रिहाना, एकॉन, सचिन तेंडुलकर, अमिताभ बच्चन, आनंद महिंद्रा आणि गौतम अडानी अशा अनेक मंडळींचा सहभाग आहे. गुजरातमधील जामनगरमध्ये 1 ते 3 मार्च दरम्यान हा भव्यदिव्य सोहळा पार पडला. 

अंबानींनी प्री-वेडिंगवर किती कोटी खर्च केले? (Anant-Radhika Pre-Wedding Function Budget)

डेली मेलच्या रिपोर्टनुसार, मुकेश अंबानी यांनी अनंत-राधिकाच्या प्री-वेडिंगवर एकूण 120 मिलियन डॉलर म्हणजेच 1259 कोटी रुपये खर्च केले आहेत. सर्वसामान्यांसाठी ही मोठी रक्कम असली तरी मुकेश अंबानी यांच्यासाठी मात्र ही रक्कम जास्त नाही. मुकेश अंबानी यांची एकूण संपत्ती 9.7 लाख कोटी रुपयांच्या आसपास आहे. टीम इंडियाचा खेळाडू विराट कोहलीची (Virat Kohli) एकूण संपत्ती 1050 कोटी रुपयांच्या आसपास आहे. जगातील सर्व क्रिकेटपटूंपेक्षा त्याची संपत्ती सर्वाधिक आहे. आता विराटच्या एकूण संपत्तीपेक्षा जास्त रक्कम अंबानींनी प्री-वेडिंगवर खर्च केल्याचं पाहायला मिळत आहे.

जेवणावर 210 कोटी रुपये खर्च

अंबानींच्या प्री-वेडिंगमध्ये फक्त जेवणावर 210 कोटी रुपये खर्च केले आहेत. इंडिया टुडेच्या रिपोर्टनुसार, जगभरातील लोकप्रिय सेलिब्रिटी रिहानाने आपल्या धमाकेदार सादरीकरणासाठी 8-9 मिलियन म्हणजेच 66-75 कोटी रुपये आकारले होते. 

अनंत-राधिका यांच्या प्री-वेडिंगमधील अनेक फोटो आणि व्हिडीओ सोशल मीडियावर व्हायरल होत आहेत. यात या कार्यक्रमाची भव्यता दिसून येत आहे. प्री-वेडिंगमध्ये शाहरुख खान, एमएस धोनी, दीपिका पादुकोण, रणवीर सिंह, रणबीर कपूर, आलिया भट्टसह अनेक बॉलिवूड सेलिब्रिटींनी हजेरी लावली होती. अत्यंत दिमाखदार अशा या कार्यक्रमाने संपूर्ण जगाचं लक्ष वेधून घेतलं आहे. आता अनंत-राधिकाच्या लग्नाची लोकांना उत्सुकता आहे.

ईशा अंबानीच्या लग्नापेक्षा महागडं प्री-वेडिंग

ईशा अंबानी आणि आनंद पीरामल 2018 मध्ये लग्नबंधनात अडकले होते. त्यामुळे अंबानींनी लेकीच्या लग्नावर फक्त 828 कोटी रुपये खर्च केले होते. ईशाच्या लग्नापेक्षा महागडं तिच्या भावाचं प्री-वेडिंग ठरलं आहे.

संबंधित बातम्या