Amruta Fadnavis: "या देवी सर्वभूतेषु..."; दिवाळीनिमित्त अमृता फडणवीस यांचं नवं गाणं प्रेक्षकांच्या भेटीला
सोशल मीडियावर एक पोस्ट शेअर करुन या गाण्याबाबत अमृता (Amruta Fadnavis) यांनी माहिती दिली.
Amruta Fadnavis: अमृता फडणवीस (Amruta Fadnavis) या सोशल मीडियावर त्यांनी गायलेली वेगवेगळी गाणी शेअर करत असतात. यंदा दिवाळीनिमित्त एक नवं गाणं अमृता यांनी गायलं आहे. जय लक्ष्मी माता असे या गाण्याचे बोल आहेत. सोशल मीडियावर एक पोस्ट शेअर करुन या गाण्याबाबत अमृता यांनी माहिती दिली.
युट्यूब चॅनलवर शेअर केलं गाणं
अमृता यांनी सोशल मीडियावर पोस्ट शेअर करुन त्यांच्या गाण्याबाबत माहिती दिली. त्यांनी पोस्टमध्ये लिहिलं, 'दिवाळी आणि लक्ष्मीपूजेच्या या शुभ प्रसंगी, माझी लक्ष्मी देवीची आरती ऐका आणि भक्तीत तल्लीन व्हा! प्रेम से बोलो, जय लक्ष्मी माता...' अमृता फडणवीस यांचे एक युट्यूब चॅनल देखील आहे. या चॅनलला 39 हजारपेक्षा जास्त नेटकऱ्यांनी सबस्क्राईब केलं आहे. या चॅनलवर अमृता यांनी या गाण्याचा संपूर्ण व्हिडीओ शेअर केला आहे. या व्हिडीओला कमेंट करुन अनेकांनी गाण्याचं कौतुक केलं आहे.
अमृता फडणवीस यांची पोस्ट
On this auspicious occasion of #Diwali2022 #LaxmiPuja , listen to my #LAXMI Aarti and get drenched in the spirit of divine devotion !
— AMRUTA FADNAVIS (@fadnavis_amruta) October 23, 2022
प्रेम से बोलो, ॐ जय लक्ष्मी माता …!
👉 https://t.co/sNLDo3P2lq pic.twitter.com/8zVQ3DwZih
नेटकऱ्यांनी केल्या कमेंट्स
अमृता यांच्या या गाण्यावर नेटकऱ्यांनी लाइक्स आणि कमेंट्सचा वर्षाव केला आहे. 'खूप छान गाणं आहे, तुम्हाला दिवाळीच्या शुभेच्छा' अशी कमेंट एका नेटकऱ्यानं केली, तर दुसऱ्या युझरनं कमेंट केली, ' जय लक्ष्मी माता, सुंदर गाणं'.
पाहा गाणं:
अमृता फडणवीस यांची गाणी
अमृता फडणवीस वेगवेगळी गाणी सोशल मीडियावर शेअर करतात. मोरया रे, वो तेरे प्यार का गम, तिला जगू द्या, शिव तांडव स्त्रोतम ही गाणी अमृता यांनी गायली आहेत. त्याचं 'वो तेरे प्यार का गम' या गाण्याला दोन मिलियनपेक्षा अधिक व्ह्यूज मिळाले आहेत.
अमृता फडणवीस या वेगवेगळ्या कार्यक्रमांमध्ये हजेरी लावतात. काही दिवसांपूर्वी त्यांनी बस बाई बस या कार्यक्रमात हजेरी लावली. या कार्यक्रमात अमृता यांनी अनेक प्रश्नांना उत्तरं दिली.
वाचा इतर महत्त्वाच्या बातम्या:
महत्त्वाच्या बातम्या
