एक्स्प्लोर

Allu Arjun : अल्लू अर्जुन 16 दिवसांनी दुबईहून घरी परतला, लेकीने केले हटके स्वागत

Allu Arjun : दाक्षिणात्य अभिनेता अल्लू अर्जुन 'पुष्पा'च्या यशानंतर 16 दिवसांनी दुबईहून घरी परतला आहे.

Written By : एबीपी माझा वेब टीम | Edited By: मंजिरी पोखरकर | Updated at : 30 Jan 2022 06:09 PM (IST)

Allu_Arjun

Allu Arjun : दाक्षिणात्य सुपरस्टार अल्लू अर्जुनचा 'पुष्पा: द राइज' (Pushpa : The Rise) सिनेमा बॉक्सऑफिसवर चांगलाच धुमाकूळ घालत आहे. या सिनेमाने बॉक्स ऑफिसवर चांगलीच कमाई केली आहे. टॉलिवूडपासून ते बॉलीवूडपर्यंत सर्वत्र पुष्पा सिनेमाची चर्चा सुरू आहे. अल्लू अर्जुन 16 दिवसांनंतर दुबई दौरा संपवून भारतात त्याच्या घरी परतला आहे. घरी पोहोचल्यावर त्याची लेक अरहानेचं त्याचं हटके स्वागत केलं आहे.

17 डिसेंबर रोजी सिनेमागृहात प्रदर्शित झालेला 'पुष्पा' सिनेमा प्रेक्षकांच्या पसंतीस पडला आहे. अल्लू अर्जन नेहमीच मुलांसोबतचे फोटो आणि व्हिडीओ सोशल मीडियावर शेअर करत असतो. आता त्याने त्याच्या इन्स्टाग्रामवर एक पोस्ट शेअर केली आहे. या पोस्टमध्ये अल्लू अर्जुनची मुलगी अरहा दिसत आहे. तिनं फुलांचा वापर करुन जमिनीवर 'वेलकम नाना' असा खास संदेश लिहिला आहे.

View this post on Instagram

A post shared by Allu Arjun (@alluarjunonline)

अरहाचा फोटो शेअर करत अल्लू अर्जुनने लिहिले आहे,'परदेशात 16 दिवस राहून घरी आल्यानंतर एवढं गोड स्वागत'. अल्लू अर्जुनची ही पोस्ट सध्या सोशल मीडियावर व्हायरल होत आहे. अल्लू अर्जुनची मुलगी बालकलाकार असून तिने अनेक दाक्षिणात्य चित्रपटांमध्ये काम केले आहे.

संबंधित बातम्या