मिलिंद आणि अंकिताचं आज लग्न? फोटो व्हायरल

काही फोटो सजावटीचे असून काही फोटोंमध्ये हातावर मेहंदी लावलेली अंकिता मिलिंद सोमणसोबत पोझ देताना दिसत आहे.

रायगड : एव्हरग्रीन मॉडेल आणि अभिनेता मिलिंद सोमण आणि त्याची गर्लफ्रेण्ड अंकिता कोवर यांच्या ब्रेकअपची चर्चा असताना, आता अलिबागला त्यांच्या लग्नाची जोरदार तयारी सुरु असल्याचं म्हटलं जात आहे. लग्नास्थळाचे काही फोटो सोशल मीडियावर व्हायरल होत आहेत. काही फोटो सजावटीचे असून काही फोटोंमध्ये हातावर मेहंदी लावलेली अंकिता मिलिंद सोमणसोबत पोझ देताना दिसत आहे. दोघांच्या कुटुंबातील सदस्य आणि नातेवाईकही उपस्थित असल्याचं फोटोंवरुन दिसत आहेत. या दोघांचं आजच (21 एप्रिल) लग्न होणार असल्याचं कळतं. मात्र मिलिंद सोमण आणि अंकिता कोवर यांच्याकडून अद्याप याबाबत कोणतीही घोषणा झालेली नाही. दरम्यान, काही दिवसांपूर्वी लॉटरी लागल्यामुळे 27 वर्षांच्या अंकिता कोवरने मिलिंद सोमणला रामराम केल्याची चर्चा रंगली होती. परंतु अंकिता आणि मिलिंदने आपापल्या इन्स्टाग्राम अकाऊंटवर एकमेकांसोबतचे फोटो शेअर करुन दोघांमध्ये सगळं आलबेल असल्याचे संकेत दिले होते. त्यामुळे ब्रेकअपची फक्त अफवा असल्याचं समोर आलं. मिलिंदचं वय 52 वर्ष असून त्याची गर्लफ्रेण्डे त्याच्यापेक्षा 25 वर्षांनी लहान आहे. मिलिंदचं हे दुसरं लग्न आहे. त्याआधी 2006 मध्ये त्याने त्याची फ्रेंच को-स्टार मॅलेन जॅम्पनोईसोबत लग्न केलं होतं. परंतु 2009 मध्ये त्यांचा घटस्फोट झाला. यानंतर मिलिंद सोमण अभिनेत्री सहाना गोस्वामीला डेट करत होता. सहाना मिलिंदपेक्षा 21 वर्षांनी लहान होती. त्या दोघांचं नातं चार वर्ष टिकलं. संबंधित बातम्या खरंच मिलिंद-अंकिताचं ब्रेकअप? गर्लफ्रेण्डची इन्स्टाग्राम पोस्ट प्यार झूठा, पैसा सच्चा, लॉटरीसाठी अंकिताने मिलिंदला सोडलं? मिलिंद सोमण-अंकिता कोवरच्या लग्नाचा मुहूर्त ठरला? बर्थ डे स्पेशल : नग्न जाहिरात ते 25 वर्ष लहान गर्लफ्रेण्ड, आयर्नमॅनची कहाणी आयर्नमॅन मिलिंद सोमणच्या मातोश्रींची 76 व्या वर्षी दौड