Rocky Aur Rani Ki Prem Kahani: 'पाटलीणबाई...';'रॉकी और रानी की प्रेम कहानी' चित्रपट पाहिल्यानंतर हेमंत ढोमेनं क्षितीचं केलं कौतुक
'रॉकी और रानी की प्रेम कहानी' (Rocky Aur Rani Ki Prem Kahani) हा चित्रपट सध्या प्रेक्षकांची मनं जिंकत आहे.या चित्रपटात मराठमोळी अभिनेत्री क्षिती जोगनं (Kshitee Jog) पूनम रंधावा ही भूमिका साकारली आहे.
Rocky Aur Rani Ki Prem Kahani: 'रॉकी और रानी की प्रेम कहानी' (Rocky Aur Rani Ki Prem Kahani) हा चित्रपट 28 जुलै 2023 रोजी प्रेक्षकांच्या भेटीस आला. या चित्रपटात मराठमोळी अभिनेत्री क्षिती जोगनं (Kshitee Jog) पूनम रंधावा ही भूमिका साकारली आहे. 'रॉकी और रानी की प्रेम कहानी' हा चित्रपट सध्या प्रेक्षकांची मनं जिंकत आहे. आता हा चित्रपट पाहिल्यानंतर क्षिती जोगचा पती अभिनेता हेमंत ढोमे (Hemant Dhome) यानं क्षितीसाठी एक खास पोस्ट शेअर केली आहे.
हेमंत ढोमेची पोस्ट
हेमंतनं क्षितीसोबतचा एक फोटो सोशल मीडियावर शेअर केला. या पोस्टला त्यानं कॅप्शन दिलं, 'पाटलीणबाई, आज तुझ्या आयुष्यातला अत्यंत महत्त्वाचा आणि मोठा दिवस! करण सरांच्या ॲाफिस मधून फोन आल्याचं तू मला सांगितलंस आणि घाई घाईत लुक टेस्ट आणि त्यांच्याबरोबरची तुझी मिटींग आणि तारखा आणि बाकी सगळं ठरलं बघता बघता सिनेमाचं शूट झालं… हा सगळा प्रवास मी जवळून पाहिला… प्रिमियर शो ला तुझ्या सोबत आलो… “He is my husband!” अशी तू सगळ्यांना ओळख करून देत होतीस… काय भारी फिलींग होतं ते! त्या शो नंतर कोण कोण येऊन तुझं कौतुक करत होते… काय कमाल वाटत होतं!'
पुढे त्यानं पोस्टमध्ये लिहिलं, 'आज आपण आपल्या मित्रांसोबत सिनेमा पाहिला.तुझं काम आज पुन्हा एकदा बारकाईने बघत होतो!तुझी आजवरची मेहनत, स्वतःच्या जिवावर सारंकाही करण्याची जिद्द हळू हळू फळाला येतेय...सिनेमा संपल्यावर गर्दीतून लोक तुला भेटायला आले आणि त्या साऱ्यांनी तुझ्या साठी टाळ्या वाजवल्या…त्या टाळ्या कधी संपुच नयेत असं वाटत राहिलं… तुझं कौतुक कधीच थांबु नये असं वाटत राहिलं… हे सारं मी साठवून ठेवलंय कायमचं आणि आज तुला आवडत नसताना ही पोस्ट लिहीतोय. इतक्या भव्य दिव्य सिनेमात, एवढ्या मोठ्या नटांमध्ये, त्या सगळ्या झगमाटात तू लख्खं चमकत होतीस… तुझ्या कामाने! कमाल!क्षिती मला तू कायमंच आनंद दिलायस पण रॉकी और रानी की प्रेम कहानी या चित्रपटाबद्दल Thank you! आपणंच हे सारं केलंय, हे सगळं आपलंच यश आहे असं खुळ्यागत वाटणारा तुझा या जगातला सगळ्यात मोठा चाहता…हेमंत. खूप खूप मोठी हो, love you! (टिपः सिनेमा लवकरात लवकर बघा आपल्या क्षितीचं काम तुम्हाला नक्की आवडेल!)'
View this post on Instagram
'रॉकी और रानी की प्रेम कहानी' या चित्रपटात रंधावा आणि चॅटर्जी या दोन कुटुंबाची गोष्ट दाखवण्यात येणार आहे. या चित्रपटात आलिया भट्ट आणि रणवीर सिंह यांच्यासोबतच जया बच्चन, धर्मेंद्र, क्षिती जोग, शबाना आझमी या कलाकारांनी महत्वाची भूमिका साकारली आहे.
वाचा इतर महत्वाच्या बातम्या:
महत्त्वाच्या बातम्या
