Anant Ambani-Radhika Merchant : 'हा आता सोहळा नाही राहिला, एक सर्कस झालीये...', अनंत अंबानीच्या लग्नावर अनुराग कश्यपच्या लेकीची खोचक टीका
Anant Ambani-Radhika Merchant : अनुराग कश्पयची लेक आलियाची आलिया कश्यपने टीका केली आहे. तसेच आमंत्रण असूनही ती या सोहळ्याला उपस्थित का राहिली नाही, यावरही तिने भाष्य केलं आहे.
Anant Ambani-Radhika Merchant : अनंत अंबानी (Anant Ambani) आणि राधिका मर्चंट (Radhika Merchant) यांची लगीनसराई सध्या सुरु आहे. त्यासाठी अनेक दिग्गजांची उपस्थिती सध्या मुकेश अंबानी (Mukesh Ambani) यांच्या घरी पाहायला मिळतेय. संपूर्ण बॉलीवूड अगदी झाडून सुरुवातीपासून मुकेश अंबानी यांच्या लेकाच्या प्रत्येक कार्यक्रमासाठी उपस्थित राहत आहे. जामनगरमध्ये झालेल्या प्री वेडिंगपासून ते अगदी नुकत्याच झालेल्या हळदी समारंभापर्यंत बरेच जण सहभागी होते. अनेकांनी या सोहळ्यात अगदी हिरीरीने सहभाग घेतला. त्याचे फोटो आणि व्हिडीओही सोशल मीडियावर व्हायरल होत आहेत. पण या सगळ्यावक एका प्रसिद्ध दिग्दर्शकाच्या लेकीने खोचक टिका केली असल्याचं पाहायला मिळतंय.
अनुराग कश्यपची लेक आलिया कश्यप हिने तिच्या सोशल मीडियावरुन काही कमेंट्स करत यावर भाष्य केलं आहे. तसेच या लग्नाचं आमंत्रण असूनही उपस्थित राहिलो नाही, याचं कारणही तिने सांगितलं आहे. त्यामुळे बॉलीवूडकरांनी हजेरी लावल्याला या सोहळ्यावर आता एका स्टारकीडकरुन होणारी टीका ही सोशल मीडियावर चर्चेचा विषय ठरला आहे.
आलिया कश्यपनं काय म्हटलं?
सोशल मीडियावर सध्या अनंत अंबानी आणि राधिकाच्या लग्नाचे प्रत्येक अपडेट येत आहे. त्यावर आलियानं आता हा एक लग्नसोहळा राहिला नसून ती सर्कस झाली असल्याचं म्हटलं आहे. तसेच ती देखील या सगळ्याची आता मजा घेत असल्याचं म्हणत आहे. दरम्यान या लग्नसोहळ्यातील संगीत समारंभात सहभागी होण्यासाठी आलियाला देखील आमंत्रण होतं, पण तिनं या लग्नाला उपस्थित राहण्यास नकार दिला. एखादं लग्न प्रमोट करण्यासाठी मी माझा आत्मसन्मान विकणार नाही, असं आलियाचं म्हणणं आहे. सध्या आलियाने केलेल्या या टीकेची बरीच चर्चा सुरु आहे.
संगीत सोहळ्याला दिग्गजांची हजेरी
दरम्यान या संगीत सोहळ्याला बॉलीवूडच्या अनेक कलाकारांनी हजेरी लावली होती. सलमान खान, आलिया भट्ट, रणबीर कपूर, माधुरी दीक्षित, सोनाली बेंद्रे, विद्या बालन हे कलाकार उपस्थित होते. तसेच अनंत अंबानीचा सलमान खान सोबतचा डान्स देखील विशेष चर्चेत आला आहे.
ही बातमी वाचा :
महत्त्वाच्या बातम्या
