Filmfare Awards 2023 : 'फिल्मफेअर 2023'मध्ये आलियाचा 'गंगूबाई काठियावाडी' ठरला सर्वोत्कृष्ट चित्रपट; जाणून घ्या विजेत्यांची संपूर्ण यादी...

Gangubai Kathiawadi : 'फिल्मफेअर पुरस्कार 2023'मध्ये आलिया भट्टचा (Alia Bhatt) 'गंगूबाई काठियावाडी' हा सिनेमा सर्वोत्कृष्ट चित्रपट ठरला आहे.

Gangubai Kathiawadi

Filmfare Awards 2023 Winners List : भारतीय सिनेसृष्टीतील मानाचा फिल्मफेअर पुरस्कार सोहळा (Filmfare Awards 2023) नुकताच पार पडला आहे. अत्यंत दिमाखदार आणि भव्यदिव्य अशा या पुरस्कार सोहळ्याच्या रेड कार्पेटवर अनेक सेलिब्रिटींनी आपल्या अदांनी सर्वांना घायाळ केलं. बॉलिवूडचा भाईजान सलमान खानने (Salman Khan) हा पुरस्कार सोहळा होस्ट केला. या पुरस्कार सोहळ्यात आलिया भट्टचा (Alia Bhatt) 'गंगूबाई काठियावाडी' (Gangubai Kathiawadi) हा सिनेमा सर्वोत्कृष्ट चित्रपट ठरला आहे. 'फिल्मफेअर 2023'मध्ये 'बधाई दो' ते 'ब्रह्मास्त्र' या सिनेमांनी बाजी मारली आहे. जाणून घ्या विजेत्यांची संपूर्ण यादी...

'फिल्मफेअर पुरस्कार 2023'च्या विजेत्यांची संपूर्ण यादी... (Filmfare Awards 2023 Winners List)

• सर्वोत्कृष्ट चित्रपट : गंगूबाई काठियावाडी (Gangubai Kathiawadi)
• सर्वोत्कृष्ट दिग्दर्शक : संजय लीला भन्साळी (गंगूबाई काठियावाडी) (Sanjay Leela Bhansali)
• सर्वोत्कृष्ट अभिनेता : राजकुमार राव (बधाई दो) (Rajkummar Rao - Badhaai Do)
• सर्वोत्कृष्ट अभिनेत्री : आलिया भट्ट (गंगूबाई काठियावाडी) (Alia Bhatt - Gangubai Kathiawadi)
• सर्वोत्कृष्ट सहाय्यक अभिनेता : अनिल कपूर (जुग जुग जियो) (Anil Kapoor - JugJuggJeeyo)
• सर्वोत्कृष्ट सहाय्यक अभिनेत्री - शीबा चड्ढा (बधाई दो) (Sheeba Chaddha - Badhaai Do)
• सर्वोत्कृष्ट संवाद : प्रकाश कपाडिया आणि उत्कर्षणी वशिष्ठ (गंगूबाई काठियावाडी) (Prakash Kapadia, Utkarshini Vashishtha)
• सर्वोत्कृष्ट पटकथा : अक्षय घिल्डियाल, सुमन अधिकारी आणि हर्षवर्धन कुलकर्णी (बधाई दो)
• सर्वोत्कृष्ट कथा : अक्षत घिल्डियाल आणि सुमन अधिकारी (बधाई दो)
• फिल्मफेअर जीवनगौरव पुरस्कार 2023 - प्रेम चोप्रा (Prem Chopra)

मुंबईतील जिओ वर्ल्ड कन्वेंशन सेंटरमध्ये यंदाचा 'फिल्मफेअर पुरस्कार सोहळा पार पडला. या पुरस्कार सोहळ्यात आलिया भट्टचा बोलबाला पाहायला मिळाला. 'गंगूबाई काठियावाडी' सिनेमाला 10 पुरस्कार मिळण्यासोबत आलियाला सर्वोत्कृष्ट अभिनेत्रीचा पुरस्कारदेखील मिळाला. तसेच संजय लीला भन्साळी यांना सर्वोत्कृष्ट दिग्दर्शकाचा पुरस्कार मिळाला. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Filmfare (@filmfare)

'गंगूबाई काठियावाडी' सिनेमाला 10 पुरस्कार, 'बधाई दो' सिनेमाला आठ आणि 'ब्रह्मास्त्र' या सिनेमाला चार पुरस्कार मिळाले आहेत. हा पुरस्कार सोहळा प्रेक्षकांना आज (28 एप्रिलला) कलर्स वाहिनीवर रात्री नऊ वाजता पाहायला मिळणार आहे. आलियाला सर्वोत्कृष्ट अभिनेत्रीचा पुरस्कार मिळाल्याने चाहते सोशल मीडियाच्या माध्यमातून तिचं अभिनंदन करत आहेत. 

संबंधित बातम्या