(Source: ECI/ABP News/ABP Majha)
Alia Ranbir Wedding Live Updates: आलिया आणि रणबीरचा पार पडला विवाह सोहळा; 'वास्तू' मध्ये बांधली लग्नगाठ
बॉलिवूडमधील प्रसिद्ध अभिनेता रणबीर कपूर आणि अभिनेत्री आलिया भट्ट हे लवकरच विवाह बंधनात अडकणार आहेत.
LIVE
Background
Alia Ranbir Wedding Live Updates : बॉलिवूडमधील प्रसिद्ध अभिनेता रणबीर कपूर (Ranbir Kapoor) आणि अभिनेत्री आलिया भट्ट (Alia Bhatt) हे लवकरच विवाह बंधनात अडकणार आहेत. आलिया आणि रणबीरच्या प्री वेडिंग फंक्शन्सला सुरुवात झाली असून 14 एप्रिलला दोघे सात फेरे घेणार आहेत. रणबीरची आई नीतू कपूर यांनी आलिया आणि रणबीरच्या लग्नाच्या तारखेसंदर्भात चाहत्यांना माहिती दिली आहे. आरके हाऊसमध्ये आज (14 एप्रिल) आलिया आणि रणबीर लग्नबंधनात अडकणार आहेत.
रणबीर कपूरची आई नीतू कपूर आणि बहीण रिद्धिमा कपूर यांनी मेहेंदीसोहळ्यानंतर एका मुलाखतीत म्हटले आहे, आलिया आणि रणबीरचे उद्या म्हणजेच 14 एप्रिलला लग्न होणार आहे. या लग्नासाठी प्रत्येकजण उत्साही आहे. करिश्मा कपूर, करीना कपूर, करण जोहरसह अनेक सेलिब्रिटींनी रणबीर-आलियाच्या प्री वेडिंग फंक्शन्सला हजेरी लावली होती.
अयान मुखर्जीनं दिल्या शुभेच्छा
अयाननं ब्रम्हास्त्रमधील गाण्याची झलक शेअर केली आहे. अयाननं हा व्हिडीओ शेअर करून कॅप्शनमध्ये लिहिले, ' आलिया आणि रणबीरसाठी खास... हे दोघे लवकर नव्या प्रवासाला सुरूवात करणार आहेत. हे दोघे माझ्या आयुष्यातील जवळचे व्यक्ती आहेत. तुम्हाला पुढच्या वाटचालीसाठी शुभेच्छा. 'रिपोर्टनुसार, आर. के. स्टुडिओमध्ये रणबीर आणि आलियाचा विवाह सोहळा पार पडणार आहे.
आलिया आणि रणबीरने त्यांच्या आगामी अयान मुखर्जी दिग्दर्शित 'ब्रह्मास्त्र' सिनेमाच्या सेटवर एकमेकांच्या प्रेमात पडले. 'ब्रह्मास्त्र' सिनेमा 9 सप्टेंबर रोजी सिनेमागृहात प्रदर्शित होणार आहे. हा सिनेमा हिंदी, तामिळ, तेलुगू, मल्याळम आणि कन्नड अशा पाच भाषेंत प्रदर्शित होणार आहे. आलिया आणि रणबीर लग्नानंतर लगेचच आगामी सिनेमाच्या शूटिंगला सुरुवात करणार आहेत. आलिया भट्ट तिच्या लग्नात सब्यसाची मुखर्जीचा पोशाख परिधान करणार आहे. आलिया-रणबीरच्या घराला आकर्षक रोषणाई करण्यात आली आहे. कपूर कुटुंबाचे वडिलोपार्जित घर असलेल्या आरके हाऊसमध्ये आलिया आणि रणबीरचा लग्नसोहळा पार पडणार आहे. आलिया-रणबीर पंजाबी रितीरिवाजानुसार लग्नबंधनात अडकणार आहेत. तर हनिमूनला स्वित्झर्लंडला जाणार आहेत.
फोटो काढण्यास बंदी!
आलिया आणि रणबीर यांच्या लग्न सोहळ्याची चर्चा सध्या सगळीकडे होत आहे. याच दरम्यान एक व्हिडीओ सोशल मीडियावर व्हायरल होत आहे. या व्हिडीओमध्ये घरात येणाऱ्या कर्मचाऱ्यांच्या मोबाईलवर स्टिकर लावण्यात येत आहे, असं दिसत आहे. सुरक्षेसाठी तैनात करण्यात आलेले वाउन्सर हे स्टिकर लावताना दिसत आहेत.
Alia Ranbir Wedding : आलिया-रणबीरने कापला केक
आलिया रणबीरचा आज शाही विवाहसोहळा पार पडला आहे. लग्नानंतर आलिया आणि रणबीरचे केक कापतानाचे फोटो समोर आले आहेत.
Alia Ranbir Wedding : कपूर कुटुंबाने आलिया भट्टचे केले हटके स्वागत
आलिया भट्ट आता कपूर घराण्याची सून झाली आहे. करीना कपूरपासून ते आदर जैनपर्यंत अनेकांनी आलियासाठी खास पोस्ट शेअर केली आहे.
Alia Ranbir Wedding : आलियाने लग्नानंतर खास पोस्ट शेअर करत चाहत्यांचे मानले आभार
आलियाने पोस्ट शेअर करत लिहिले आहे,"कुटुंब आणि मित्रमंडळींच्या उपस्थितीत आम्ही लग्नबंधनात अडकलो आहोत. आमच्या आयुष्यातील या खास दिवशी तुम्ही केलेल्या प्रेमाच्या वर्षावासाठी आभार". आलियाने सोशल मीडियावर पोस्ट शेअर करत हे खास कॅप्शन लिहिले आहे.
Alia-Ranbir Wedding : करीनाने शेअर केले मुलासोबतचे फोटो
आलिया भट्ट आणि रणबीर कपूर लग्नाच्या बेडीत अडकले आहेत. चाहते आता त्यांच्या फोटोची प्रतीक्षा करत आहेत. दरम्यान करीनाने लग्नसोहळ्यातील एक फोटो शेअर केला आहे. करीनाने तिच्या छोट्या मुलासोबतचा एक फोटो शेअर केला आहे.
[insta]
View this post on Instagram
[/insta]
Alia Ranbir Wedding : लग्नानंतर आलिया-रणबीर जाणार देवाच्या दर्शनाला
रणबीर कपूर आणि आलिया भट्ट लग्नाच्या दुसऱ्या दिवशी म्हणजेच शुक्रवारी मुंबईतील सिद्धिविनायक मंदिरात गणपती बाप्पाचे दर्शन घ्यायला जाणार आहेत.
महत्त्वाच्या बातम्या
ट्रेंडिंग न्यूज
