Punjab Election 2022: मावळते मुख्यमंत्री चन्नी यांनी बोलावली महत्त्वाची बैठक, आज राजीनामा देणार?

पंजाबचे मावळते मुख्यमंत्री चरणजीत सिंह चन्नी यांनी मंत्रीमंडळाची महत्त्वाची  बैठक बोलावली आहे.  या बैठकीत चन्नी आपल्या मुख्यमंत्री पदाचा राजीनामा देण्याची शक्यता आहे.

ChanniCharanjit Singh Channi

Punjab  Election 2022 : आम आदमी पार्टीने (Aam Aadmi Party) पंजाबमध्ये दमदार कामगिरी केली आहे. पंजाब विधानसभेच्या 117 जागांपैकी 92 जागा जिंकत आपने बहुमत मिळवले आहे. त्यामुळे पंजाबमध्ये आता आम आदमी पार्टीचे सरकार येणार आहे. दिल्लीनंतर दुसऱ्या राज्यात आप सरकार स्थापन करणार आहे. दरम्यान, आज पंजाबचे मावळते मुख्यमंत्री चरणजीत सिंह चन्नी (Punjab Chief Minister Charanjit Singh Channi) यांनी मंत्रीमंडळाची महत्त्वाची  बैठक बोलावली आहे.  या बैठकीत चन्नी आपल्या मुख्यमंत्री पदाचा राजीनामा देण्याची शक्यता आहे. तसेच सर्व मंत्रीमंडळ देखील राजीनामा देण्याची शक्यता आहे.
 
दरम्यान, आज पंजाबचे मुख्यमंत्री पदाचे उमेदवार भगवान मान हे अरविंद केजरीवाल यांची दिल्लीत भेट घेणार आहेत. अरविंद केजरीवाल यांना शपथ ग्रहण करण्याच्या कार्यक्रमाचे निमंत्रण देणार आहेत. शहीद भगतसिंह यांच्या गावामध्ये शपथविधीचा कार्यक्रम होणार असल्याचे भगवान मान यांनी सांगितले आहे.  खटकडकला हे भगतसिंह यांचे मुळ गाव आहे. त्याठिकाणी सर्व मंत्रीमंडळ शपथ ग्रहण करणार आहेत.
 
दिल्लीनंतर आता पंजाबमध्येही आप पक्षाची जादू चालली असून, अरविंद केजरीवालांच्या आप पक्षाने पंजाबच्या भूमीत ऐतिहासिक विजय मिळवला आहे. पंजाब विधानसभा निवडणुकीच्या निकालामध्ये अरविंद केजरीवाल यांच्या आप पक्षाने एकहाती विजय मिळवत 117 पैकी 92 जागांवर विजयी पताका फडकावली आहे. आप पक्षाने पंजाबमध्ये सत्ताधारी काँग्रेससह भाजप तसेच अकाली दलाला मात दिली आहे. पंजाबमध्ये विद्यमान मुख्यमंत्री चरणजीत सिंह चन्नी, पंजाब काँग्रेस अध्‍यक्ष नवजोत सिंह सिद्धू, माजी मुख्यमंत्री प्रकाशसिंह बादल अशा दिग्गजांना पराभव धक्का बसला आहे. 

पंजाब 

एकूण जागा : 117

आम आदमी पार्टी : 92
बहुजन समाज पक्ष : 1
भारतीय जनता पक्ष : 2
अपक्ष : 1
काँग्रेस : 18
शिरोमणी अकाली दल : 3

महत्त्वाच्या बातम्या: