Maharashtra Vidhansabha Election 2024: मोठी बातमी: महायुती राज ठाकरेंच्या मदतीची बिनशर्त परतफेड करणार; निवडक मतदारसंघात मनसेच्या उमेदवारांना पाठिंबा?
Maharashtra Vidhansabha Election 2024: आता महायुती आणि मनसेच्या पुढील निर्णयाकडे सगळ्यांचं लक्ष लागलं आहे.
Maharashtra Vidhansabha Election 2024 मुंबई: महाराष्ट्र विधानसभेच्या निवडणुकीची (Maharashtra Vidhansabha Election 2024) घोषणा झाल्यानंतर राज्यातील राजकीय घडामोडींना वेग आला आहे. याचदरम्यान एक मोठी माहिती समोर आली आहे. आगामी विधानसभा निवडणुकीत महायुतीकडून मनसेला काही जागांवर बिनशर्त पाठिंबा देण्याची शक्यता आहे.
लोकसभा 2024 च्या निवडणुकीत मनसेप्रमुख राज ठाकरे (Raj Thackeray) यांनी महायुतीला बिनशर्त पाठिंबा दिला होता. कोणत्याही अटी न ठेवता राज ठाकरे यांनी पंतप्रधान नरेंद्र मोदी यांच्यासाठी महायुतीला बिनशर्त पाठिंबा देत असल्याचं जाहीर केलं होतं. आता राज ठाकरेंनी लोकसभेला केलेल्या मदतीची बिनशर्त परतफेड महायुतीकडून केली जाणार असल्याचं खात्रीलायक सूत्रांच्या माहितीनूसार समोर येत आहे.
एकनाथ शिंदे,देवेंद्र फडणवीस आणि राज ठाकरेंमध्ये चर्चा-
काही जागांवर पाठिंबा देण्याबाबत मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि मनसेप्रमुख राज ठाकरे यांच्यात चर्चा झाल्याची माहिदी देखील समोर येत आहे. मुंबईतील एका पंचतारांकित हॉटेलमध्ये शनिवारी रात्री शिंदे-फडणवीस-ठाकरेंमध्ये दोन तास चर्चा झाली. शिवडी, वरळी, माहिमसह काही मतदारसंघांवर ही चर्चा झाल्याचं समोर येत आहे. त्यामुळे आता महायुती आणि मनसेच्या पुढील निर्णयाकडे सगळ्यांचं लक्ष लागलं आहे.
विधानसभा निवडणुकीत राज ठाकरेंची स्वतंत्रपणे लढण्याची तयारी-
लोकसभा निवडणुकीत राज ठाकरे यांनी पंतप्रधान मोदी यांचे नेतृत्व देशासाठी महत्त्वाचे असल्याचे सांगत महायुतीला बिनशर्त पाठिंबा दिला होता. पण हा पाठिंबा केवळ लोकसभा निवडणुकीपुरताच असेल, असेही राज ठाकरे यांनी स्पष्ट केले होते. राज ठाकरे यांच्या या निर्णयावर महाविकास आघाडीने बरीच टीका केली होती. त्यामुळे राज ठाकरे यांनी लोकसभा निवडणुकीत एकही उमेदवार उभा केला नव्हता. मात्र, आता विधानसभा निवडणुकीत राज ठाकरे यांनी स्वतंत्रपणे लढण्याची तयारी केली आहे. या पार्श्वभूमीवर महायुतीकडून राज ठाकरे यांनी लोकसभा निवडणुकीला केलेल्या मदतीची बिनशर्त परतफेड केली जाईल, असे सांगितले जाते.
राज ठाकरेंनी आतापर्यंत घोषित केलेले मनसेच्या उमेदवारांची यादी-
1. बाळा नांदगावकर - शिवडी, मुंबई
2. दिलीप धोत्रे - पंढरपूर
3. लातूर ग्रामीण - संतोष नागरगोजे
4. हिंगोली विधानसभा - बंडू कुटे
5. चंद्रपूर - मनदीप रोडे
6. राजुरा - सचिन भोयर
7. यवतमाळ - राजू उंबरकर
राज्यात 20 नोव्हेंबरला मतदान-
महाराष्ट्रात विधानसभेसाठी 20 नोव्हेंबरला मतदान होणार आहे. तर 23 नोव्हेंबरला मतमोजणी पार पडणार आहे.
संबंधित बातमी:
महत्त्वाच्या बातम्या
ट्रेंडिंग न्यूज
