Parvati Assembly Election 2024 : पर्वती मतदारसंघात भाजपच्या माधुरी मिसाळांनी मारला विजयाचा चौकार; अश्विनी कदमांना धक्का, पुन्हा भाजपचा गुलाल
Parvati Assembly Election 2024 : माधुरी मिसाळ यांना पक्षांतर्गत असल्याचं बोललं जात आहे. महापालिकेतील भाजपचे गटनेते श्रीनाथ भीमाले आणि भाजपचे नगरसेवक राजेंद्र शिळीमकर यांनी उमेदवारीसाठी मोठी फिल्डिंग लावलेली होती.
Parvati Assembly Election 2024 : पर्वती विधानसभा मतदारसंघ हा भाजपचा बालेकिल्ला मानला जातो. माधुरी मिसाळ या भाजपकडून सलग तीन टर्म मतदारसंघाच्या आमदार राहिल्या आहेत. यावेळी त्यांच्यासमोर राष्ट्रवादी काँग्रेस शरद पवार यांच्या पक्षाच्या अश्विनी कदम यांचं आव्हान समोर होते. मात्र पर्वती मतदारसंघातून भाजपच्या माधुरी मिसाळ विजयी झाल्या आहेत. (Parvati Assembly Election 2024)
महाराष्ट्र विधानसभा निवडणुकीसाठी झालेल्या मतदारसंघातील मतमोजणी पूर्ण झाली आहे. पर्वती मतदारसंघातून (Parvati Assembly Election 2024) भाजपच्या माधुरी मिसाळ विजयी झाल्या आहेत. भाजपच्या माधुरी मिसाळ यांना एकूण 118193 मते मिळाली आहेत. त्यांनी राष्ट्रवादीच्या (शरद पवार गट) अश्विनी नितीन यांचा 54660 मतांनी पराभव केला आहे. या मतदारसंघात सुरुवातीपासूनच एकतर्फी चित्र निर्माण होत होते. सुरुवातीच्या ट्रेंडपासून अंतिम निकालापर्यंत भाजपच्या उमेदवार माधुरी मिसाळ यांनी आपली आघाडी कायम ठेवली आहे. दुसऱ्या क्रमांकावर अश्विनी नितीन यांना एकूण 63533 मते मिळाली. 20 व्या फेरीपर्यंत पार्वती मिसाळ यांना एकूण 118193 मते मिळाली. या विधानसभा जागेवर त्या 54660 मतांनी पुढे होत्या.
नुकत्याच झालेल्या लोकसभा निवडणुकीत या मतदारसंघातून मुरलीधर मोहोळ यांना 29 हजाराचं मताधिक्य मिळालं होतं. या विधानसभा मतदारसंघात एकूण मतदारांची संख्या 4 लाख 16 हजार आहे आणि हा विधानसभा मतदारसंघ पुण्यात (Parvati Assembly Election 2024) पर्वती, दांडेकर पूल, स्वारगेट या सगळ्या भागांचा बनलेला आहे. मोठ्या हाउसिंग सोसायटी आणि काही झोपडपट्ट्यांचा भाग आणि काही बैठी घरं अशी या मतदारसंघाची रचना आहे. त्यामुळे मतदारांमध्ये देखील विविधता या मतदारसंघात पाहायला मिळते. या मतदारसंघात देखील वाहतूक कोंडी सुरक्षा, सार्वजनिक वाहतूक व्यवस्थेचा उडालेला बोजवारा पावसाचं साचलेलं पाणी या मतदारसंघातल्या मुख्य समस्या आहेत यात समस्यांना अनुसरून ही निवडणूक लढली जावी आणि आपले प्रश्न सुटावे अशी नागरिकांची अपेक्षा आहे.
पर्वती मतदारसंघात कशी आहे परिस्थिती
भाजपने जाहीर केलेल्या पहिल्या उमेदवार यादीमध्ये सलग चौथ्यांदा माधुरी मिसाळ यांना उमेदवारी जाहीर केली आहे. 2009 पासून माधुरी मिसाळ पर्वती मतदारसंघाच्या आमदार आहेत. सलग चार वेळा निवडून आलेले भाजपचे माजी नगरसेवक सभागृह नेते श्रीनाथ भिमाले यांनी आमदारकीसाठी दावा केला होता. मात्र, तरीदेखील माधुरी मिसाळ यांनी उमेदवारी जाहीर करण्यात आली आहे. काँग्रेस आणि राष्ट्रवादी काँग्रेस शरदचंद्र पवार पक्ष या दोन्ही पक्षांमध्ये चुरस निर्माण झाली आहे.
2019 ला मिळालेले मताधिक्य
माधुरी मिसाळ - 97012
अश्विनी कदम - 60245
महत्त्वाच्या बातम्या
ट्रेंडिंग न्यूज
