एक्स्प्लोर

नव्या मुख्यमंत्र्याच्या नावावर शिक्कामोर्तब कसं होणार? शिंदेंच्या शिलेदाराने नेमकं सांगितलं; दीपक केसरकरांनी सस्पेन्स संपवला

विधानसभा निवडणुकीचा निकाल जाहीर झाला आहे. या निवडणुकीत महायुतीने जोरदार मुसंडी मारली आहे. या निवडणुकीत महाविकास आघाडीला 50 चाही आकडा गाठता आला नाही.

Written By : अभिषेक मुठाळ | Edited By: प्रज्वल ढगे | Updated at : 24 Nov 2024 03:56 PM (IST)

deepak kesar said cm candidature will decide in delhi eknath shinde devendra fadnavis maharashtra vidhan sabha election 2024 result नव्या मुख्यमंत्र्याच्या नावावर शिक्कामोर्तब कसं होणार? शिंदेंच्या शिलेदाराने नेमकं सांगितलं; दीपक केसरकरांनी सस्पेन्स संपवला

deepak kesarkar (फोटो सौजन्य- फेसबुक)

Source : facebook

मुंबई : राज्याच्या विधानसभा निवडणुकीचा (Vidhan Sabha Election 2024 Result) निकाल जाहीर झाला आहे. या निवडणुकीत महायुतीला स्पष्ट बहुमत मिळालं आहे. दरम्यान, निकालानंतर आता राज्याचा आगामी मुख्यमंत्री कोण? असं विचारलं जात आहे. त्यासाठी मुंबईत राजकीय घडामोडींना वेग आला आहे. एकनाथ शिंदे (Eknath Shinde) यांच्या पक्षाच्या नेत्यांनी मुख्यमंत्रिपद शिंदे यांच्याकडेच राहावे, अशी मागणी केली आहे. तर भाजपाच्या नेत्यांनीही फडणवीस (Devendra Fadnavis) यांच्याकडे राज्याचे नेतृत्त्व सोपवले पाहिजे, अशी भूमिका घेतली आहे. असे असतानाच आता शिंदे यांच्या पक्षाचे नेते दीपक केसरकर यांनी मुख्यमंत्रिपदाविषयी महत्त्वाची माहिती दिली आहे.

मुख्यमंत्रिपदाचा निर्णय दिल्लीत होणार?

दीपक केसरकर (Deepak Kesarkar) यांना राज्याचा नवा मुख्यमंत्री कोण याबाबत विचारण्यात आले. यावर बोलताना 25 नोव्हेंबर रोजी शपथ घ्यायला हवी. कारण सध्याच्या विधानसभेची मुदत 26 नोव्हेंब रोजी संपणार आहे, असं त्यांनी सांगितलं. तसेच मुख्यमंत्रिपदाबाबतचा अंतिम निर्णय हा दिल्लीत घेतला जाणार आहे. फडणवीस आणि शिंदे ही जोडी आहे. या जोडीने विधानसभा निवडणुकीत चमत्कार केला आहे, असं कौतुकही त्यांनी केलंय.

शपथविधी नेमका कुठे होणार?

यासह राज्याच्या नव्या मुख्यमंत्र्यांचा मुंबईतील वानखेडे मैदानावर शपथविधी होण्याची शक्यता आहे. शिवाजी पार्क मैदान मिळवताना तांत्रिक अडचणी येत आहेत. त्यामुळे शपथविधी वानखेडेवरच होऊ शकतो, असा अंदाज त्यांनी व्यक्त केला आहे.

दरम्यान, एकनाथ शिंदे आणि देवेंद्र फडणवीस हे दोन्ही नेते मुख्यमंत्रिपदाचे दावेदार मानले जात आहेत. दोन्ही पक्षांना मुख्यमंत्रिपद आमच्याकडेच राहावे असे वाटत आहे. त्यामुळे याबाबत नेमका काय निर्णय होणार? याकडे सर्वांचेच लक्ष लागले आहे.