CA Day 2020: 1 जुलैलाच सीए डे का साजरा केला जातो? आयसीएआयशी संबंधित या विशेष गोष्टी जाणून घ्या

ICAI कडून चार्टर्ड अकाउंटंट्सला लायसेन्स दिले जाते. ही भारतातील सर्वात जुनी व्यावसायिक संस्था आहे. विशेष म्हणजे येथे आरक्षण नाही.

संग्रहित छायाचित्र

नवी दिल्ली : चार्टर्ड अकाउंटंट डे म्हणजेच सीए डे हा देशभर दरवर्षी 1 जुलै रोजी साजरा केला जातो. सन 1949 या दिवशी संसदेच्या कायद्याद्वारे भारतीय चार्टर्ड अकाउंटंट्स ऑफ इंडिया (ICAI) ची स्थापना झाली. आयसीएआयच्या स्थापनेच्या दिवशी सनदी लेखापालचा सन्मान करण्यासाठी दर वर्षी सीए डे साजरा केला जातो.

आयसीएआय ही सदस्यांच्या संख्येच्या बाबतीत जगातील दुसर्‍या क्रमांकाची व्यावसायिक लेखा व वित्तीय संस्था आहे. या दिवसाचे महत्त्व लक्षात घेऊन मोदी सरकारने 1 जुलै रोजी देशभरात जीएसटी लागू करण्याचा निर्णय घेतला होता.

ICAI संबंधित काही खास गोष्टी

• आयसीएआय स्वतः सनदी लेखाकार अभ्यासक्रम घेतात, तसेच विविध परीक्षा घेते. ही संस्था सर्व चार्टर्ड अकाऊंटंटना परवाना देते.
• अमेरिकन इन्स्टिट्यूट ऑफ सर्टिफाइड पब्लिक अकाउंटंट्स (सीपीए) नंतर सदस्यतेच्या बाबतीत ही जगातील दुसरी सर्वात मोठी व्यावसायिक लेखा संस्था आहे. या संस्थेत सुमारे अडीच लाख सभासद नोंदणीकृत आहेत.
• आयसीएआय पॉलिसी बनविण्यात आरबीआय, सेबी, एमसीए, कॅग, आयआरडीए इत्यादी सरकारी संस्थांना मदत करते.
• येथे कोणतीही व्यक्ती निर्धारित परीक्षांमध्ये भाग घेऊ शकते. तीन वर्षांच्या व्यावहारिक प्रशिक्षणानंतर एक व्यक्ती आयसीएआयचा सदस्य होऊ शकतो.
• विशेष म्हणजे येथे कोणतेही आरक्षण नाही. येथील पदाधिकाऱ्यांची निवडणूकही आरक्षणाच्या अटीशिवाय केली जाते.
• आयसीएआयने सीए गोपालदास पद्मसे कपाडिया यांना पहिले प्रमाणपत्र दिले. गोपाळदास हे संस्थेचे पहिले अध्यक्ष होते.