SSC Result 2024 : दहावीचा निकाल वेबसाईटवर जाहीर; झटपट निकाल पाहण्यासाठी 'या' वेबसाईट्स फॉलो करा!

SSC Result 2024 : दुपारी एक वाजल्यापासून बोर्डाच्या वेबसाईटवर निकाल जाहीर करण्यात आला असून विद्यार्थ्यांना त्यांच्या निकालाची प्रतही डाऊनलोड करता येणार आहे. 

SSC Result 2024

Source : एबीपी माझा ग्राफिक्स टीम

Maharashtra Board SSC 10th Result 2024 : पुणे : राज्याचा दहावी परीक्षेचा निकाल जाहीर झाला आहे. यंदा दहावीचा निकाल 95.81 टक्के इतका लागला आहे. यंदाच्या निकालातही कोकण विभागाने 99.01 टक्क्यांसह अव्वल ठरला आहे. तर 97.21 टक्क्यांसह मुलींनी यंदाही बाजी मारली आहे. 1 मार्च ते 26 मार्च 2024 यादरम्यान दहावीची परीक्षा झाली होती. यंदा 15 लाख 60 हजार 164 विद्यार्थ्यांनी दहावीची परीक्षा दिली होती. त्यापैकी 14 लाख 84 लाख 441 विद्यार्थी उत्तीर्ण झाले आहेत. दरम्यान, दुपारी एक वाजल्यापासून बोर्डाच्या वेबसाईटवर निकाल जाहीर करण्यात आला असून विद्यार्थ्यांना त्यांच्या निकालाची प्रतही डाऊनलोड करता येणार आहे.                                 

निकाल जाहीर करण्यापूर्वी महाराष्ट्र राज्य माध्यमिक आणि उच्च माध्यमिक शिक्षण मंडळाच्यावतीनं पत्रकार परिषद घेण्यात आली. पत्रकार परिषदेतून निकालासंदर्भातील ठळक माहिती देण्यात आली आहे. शैक्षणिक वर्ष 2023 -2024 मध्ये दहावीच्या परीक्षेसाठी नोंदणी करणाऱ्या विद्यार्थ्यांच्या संख्येत वाढ झाली आहे. दहावीच्या परीक्षेसाठी 16 लाख 9 हजार 544 विद्यार्थ्यांनी नोंदणी केली आहे. या सर्व विद्यार्थ्यांसह पालकांचीही निकालाची उत्सुकता शिगेला पोहोचली आहे. आता दुपारी एक वाजता बोर्डाच्या अधिकृत वेबसाईटवर निकाल जाहीर केले जाणार आहेत. विद्यार्थ्यांना एक वाजल्यापासून निकाल पाहता येतील, तसेच, निकालाची प्रत विद्यार्थी डाऊनलोडही करू शकणार आहेत.                 

दहावीचा निकाल कुठे पाहाल?                              

• https://mahresult.nic.in
• http://sscresult.mkcl.org  
• https://sscresult.mahahsscboard.in
• https://results.digilocker.gov.in
• https://results.targetpublications.org/

कसा पाहाल निकाल? 

स्टेप 1 : महाराष्ट्र राज्य माध्यमिक आणि उच्च माध्यमिक शिक्षण मंडळाच्या mahresult.nic.in या वेबसाईटला भेट द्या. 

स्टेप 2 : होमपेजवरील दहावीच्या निकालाच्या लिंकवर क्लिक करा. 

स्टेप 3 : तुमच्या लॉगीन डिटेल्स, परीक्षा क्रमांक, आईचं नाव नोंदवा.

स्टेप 4 : स्क्रीनवर तुमचा निकाल उपलब्ध होईपर्यंत थांबा. 

स्टेप 5 : निकाल उपलब्ध झाल्यानंतर तो पीडीएफ फॉरमॅटमध्ये डाऊनलोड करा किंवा त्याची प्रिंट आऊट घ्या. 

दहावीचा निकाल ऑनलाईन पद्धतीनं जाहीर झाल्यानंतर विद्यार्थ्यांना त्याची छापील प्रत काही दिवसांनतर त्यांच्या संबंधित शाळांमध्ये उपलब्ध होईल.

विभागनिहाय निकाल (टक्केवारी)

पुणे : 96.44 टक्के 
नागपूर : 94.73 टक्के 
छत्रपती संभाजीनगर : 95.19 टक्के 
मुंबई : 95.83 टक्के 
कोल्हापूर : 97.45 टक्के 
अमरावती :  95.58 टक्के 
नाशिक : 95.28  टक्के 
लातूर : 95.27 टक्के 
कोकण : 99.01  टक्के 

महत्त्वाच्या इतर बातम्या :