JEE Advanced Result 2022: IIT मुंबई झोनचा आर के शिशिर देशात पहिला, 29 विद्यार्थी टॉप 100 मध्ये
JEE Advanced Result 2022: JEE Advanced 2022 निकाल जाहीर करण्यात आला असून आयआयटी मुंबई झोनचा आर के शिशिर देशात प्रथम आला आहे
JEE Advanced Result 2022 : इंडियन इन्स्टिट्यूट ऑफ टेक्नॉलॉजी बॉम्बे (IIT Bombay) ने आज संयुक्त प्रवेश परीक्षा (JEE Advanced 2022) चा निकाल जाहीर करण्यात आला आहे. उमेदवार अधिकृत वेबसाइट- jeeadv.ac.in वर स्कोअरकार्ड डाउनलोड करू शकतात. निकालासोबत जेईई अॅडव्हान्स 2022 ची गुणवत्ता यादीही जाहीर करण्यात आली.
IIT मुंबई झोनचा आर. के. शिशिर देशात प्रथम
JEE Advanced 2022 निकाल जाहीर करण्यात आला असून आयआयटी मुंबई झोनचा आर के शिशिर देशात प्रथम आला आहे. तर आयआयटी दिल्ली झोनची तनिष्का काबरा ही देशातून मुलींमध्ये प्रथक क्रमांकावर आहे. आयआयटी मुंबई झोनचे 29 विद्यार्थ्यांनी देशातील टॉप 100 मध्ये स्थान पटकावले आहे. आयआयटी मुंबई झोनच्या आर.के. शिशिरने 360 पैकी 314 गुण मिळवून देशात पहिला क्रमांक पटकावला आहे
IIT मुंबई झोन मधील देशातील (टॉप 20) मध्ये येणाऱ्या टॉपर्सची नावे -
आर. के. शिशिर - रँक 1
प्रतीक साहू - रँक 7
माहीत गढीवाला - रँक 9
विशाल बयसानी - रँक13
अरिहंत वशिष्ठ - रँक 17
JEE Advanced 2022 परीक्षेत कोण ठरले अव्वल?
JEE Advanced 2022 RK शिशिरने JEE Advanced मध्ये अव्वल स्थान पटकावले आहे. तनिष्का काबरा मुलींमध्ये अव्वल ठरली आहे. तर या परीक्षेत 40712 विद्यार्थी यशस्वी झाले आहेत. देशभरातील 23 IIT मध्ये प्रवेश घेण्यासाठी JEE Advanced परीक्षा घेतली जाते. ही परीक्षा उत्तीर्ण होणारी मुले बॅचलर ऑफ इंजिनीअरिंग, बी.टेक आणि इतर तंत्रज्ञान अभ्यासक्रमांसाठी अर्ज करू शकतात.
परीक्षेसाठी एकूण 1,55,538 विद्यार्थी बसले
JEE Advanced 2022 परीक्षेसाठी एकूण 1,55,538 विद्यार्थी बसले होते त्यातील 40,172 विद्यार्थी हे पुढील प्रवेश साठी पात्र ठरले आहे. या परीक्षेत 360 पैकी 55 गुण हे पात्रतेसाठी आवश्यक आहे. त्यानुसार हे 40,172 विद्यार्थी पुढील प्रवेशासाठी पात्र ठरले आहेत.
124 शहरांमध्ये 577 केंद्रांवर परीक्षा घेण्यात आली
28 ऑगस्ट रोजी जेईई अॅडव्हान्सची परीक्षा घेण्यात आली होती. या परीक्षेसाठी सुमारे अडीच लाख विद्यार्थ्यांनी अर्ज केले होते. त्यातील केवळ 1.56 लाख उमेदवार परीक्षेला बसले होते. ही परीक्षा 124 शहरांमध्ये 577 केंद्रांवर परीक्षा घेण्यात आली. 23 इंडियन इन्स्टिट्यूट ऑफ टेक्नॉलॉजी (IIT) मध्ये एकूण 16,598 जागा आहेत, ज्यासाठी ही परीक्षा घेण्यात आली होती. गेल्या वर्षीच्या तुलनेत यंदा जागांच्या संख्येत वाढ झाली आहे. तसेच महिला उमेदवारांसाठी 1,567 अतिरिक्त जागा राखीव ठेवण्यात आल्या आहेत. एकूण जागांची संख्या 2021 मधील 16,232 वरून यावर्षी 16,598 पर्यंत वाढली आहे.
निकाल असा डाउनलोड करा
सर्व प्रथम, JEE Advanced च्या jeeadv.ac.in अधिकृत साईटला भेट द्या.
यानंतर, उमेदवार होम पेजवर उपलब्ध JEE Advanced 2022 Result वर क्लिक करा.
नंतर उमेदवार लॉगिन तपशील प्रविष्ट करा आणि सबमिट वर क्लिक करा.
यानंतर उमेदवाराचा निकाल स्क्रीनवर दिसेल.
आता निकाल तपासा आणि पेज डाउनलोड करा
उमेदवारांनी निकालाची हार्ड कॉपी सोबत ठेवावी.
संबंधित बातम्या
JEE Advanced Result 2022 : JEE-Advance चा निकाल जाहीर; असा' डाउनलोड करा निकाल
Education Loan Information:
Calculate Education Loan EMI
महत्त्वाच्या बातम्या
