JEE Advanced Result 2022 : JEE-Advance चा निकाल जाहीर; 'असा' डाउनलोड करा निकाल

JEE Advanced Result 2022 : इंडियन इन्स्टिट्यूट ऑफ टेक्नॉलॉजी बॉम्बे (IIT Bombay) तर्फे आज संयुक्त प्रवेश परीक्षा (JEE Advanced 2022) चा निकाल जाहीर करण्यात आला आहे.

JEE Advanced Result 2022,

JEE Advanced Result 2022 : इंडियन इन्स्टिट्यूट ऑफ टेक्नॉलॉजी बॉम्बे (IIT Bombay) तर्फे आज संयुक्त प्रवेश परीक्षा (JEE Advanced 2022) चा निकाल जाहीर करण्यात आला आहे. उमेदवार अधिकृत वेबसाइट- jeeadv.ac.in वर स्कोअरकार्ड डाउनलोड करू शकतात. निकालासोबत जेईई अॅडव्हान्स 2022 ची गुणवत्ता यादीही जाहीर करण्यात आली.

उमेदवार लॉगिन क्रेडेंशियल्स- ऍप्लिकेशन नंबर, पासवर्ड वापरून JEE Advanced 2022 फायनल आंसर की देखील ऍक्सेस करू शकतात. 28 ऑगस्ट रोजी झालेल्या JEE Advanced 2022 साठी 1.56 लाख उमेदवारांनी परीक्षा दिली होती.

निकाल असा डाउनलोड करा

सर्व प्रथम, JEE Advanced च्या अधिकृत साईटला भेट द्या jeeadv.ac.in.
यानंतर, होम पेजवर उपलब्ध JEE Advanced 2022 Result वर क्लिक करा.
नंतर उमेदवार लॉगिन तपशील प्रविष्ट करा आणि सबमिट वर क्लिक करा.
यानंतर उमेदवाराचा निकाल स्क्रीनवर दिसेल.
आता निकाल तपासा आणि पेज डाउनलोड करा
उमेदवारांनी निकालाची हार्ड कॉपी सोबत ठेवावी.

16 हजारांहून अधिक जागांवर उमेदवारांना प्रवेश

IIT-Bombay ने आज 11 सप्टेंबर रोजी सकाळी 10 वाजता संयुक्त प्रवेश परीक्षा (JEE Advanced 2022) 2022 चा निकाल जाहीर केला आहे. या परीक्षेत बसलेले उमेदवार त्यांचे JEE Advanced स्कोअरकार्ड अधिकृत वेबसाइट jeeadv.ac.in वर तपासू शकतात. पार्थ भारद्वाज या परीक्षेत अव्वल ठरला आहे. या परीक्षेद्वारे 23 IIT च्या 16 हजारांहून अधिक जागांवर उमेदवारांना प्रवेश दिला जाणार आहे. जेईई-अ‍ॅडव्हान्स निकालातील विद्यार्थ्यांच्या ऑल इंडिया रँकींगसह कॅटेगरी रँक देखील जाहीर केला आहे.

गेल्या वर्षी इतके उमेदवार पात्र
JEE-Advanced परीक्षा 28 ऑगस्टला देशातील 225 परीक्षा शहरांमध्ये दोन शिफ्टमध्ये घेण्यात आली. तज्ज्ञांच्या मते, मागील वर्षांप्रमाणे यंदाही कटऑफ कमी होण्याची शक्यता आहे. या वर्षी JEE-Advanced परीक्षा एकूण 360 गुणांसाठी घेण्यात आली होती, ज्यामध्ये पेपर-1 आणि पेपर-2 दोन्ही 180-180 गुणांचे होते. गेल्या वर्षी 41 हजार 862 विद्यार्थी समुपदेशनासाठी पात्र ठरले होते. यामध्ये सर्वसाधारण प्रवर्गातील 17 हजार 57, ओबीसीचे 9 हजार 150, ईडब्ल्यूएस प्रवर्गातील 5 हजार 144, अनुसूचित जातीचे 7 हजार 747 आणि एसटीचे 2 हजार 764 विद्यार्थ्यांचा समावेश होता.