Santosh Ladda Robbery : संतोष लड्डा दरोडा प्रकरणात 16 जणांना अटक, 60 तोळे सोने जप्त, एका आरोपीचा एन्काऊंटर; आतापर्यंत काय घडलं?
Santosh Ladda House Robbery Case : उद्योजक संतोष लड्डा यांच्या घरी टाकण्यात आलेल्या दरोड्यात साडे पाच किलो सोने आणि 32 किलो चांदी चोरण्यात आली आहे. या प्रकरणात आतापर्यंत 16 जणांना अटक करण्यात आली आहे.
संभाजीनगर : उद्योजक संतोष लड्डा दरोडा प्रकरणी आणखी चार जणांना अटक करण्यात आली आहे. त्यामुळे या प्रकरणात अटक करण्यात आलेल्या आरोपींची संख्या ही 16 वर पोहोचली आहे. तर एका आरोपीचा एन्काऊंटर करण्यात आला आहे. अटक करण्यात आलेल्यांमध्ये दोन सोनारांचा समावेश आहे. आतापर्यंत या चोरीमध्ये 60 तोळे सोने जप्त करण्यात आलं आहे. तर चोरीच्या गुन्ह्यात वापरलेली दोन पिस्तुल आणि एक गाडीही जप्त करण्यात आली आहे.
दरोड्यातील आरोपी गंगणे याने आपल्या वाट्याला आलेलं सोनस सोहेल नावाच्या व्यक्तीला दिलं होतं. तर सोहेलने ते सोनं शाहरुख नावाच्या सोनाराकडे दिलं. शाहरुख हा छोटा सोनार असल्याने त्याने आशिष बाकलीवाल या मोठ्या सोनाराला वीस तोळे सोने विकलं. त्यातून आलेले पैसे गंगणेचे सासरे आणि पत्नीला दिले.
गुरुवारी अटक केलेले आरोपी
1. आशिष जयकुमार बाकलीवाल, वय 42 वर्षे, व्यवसाय सोने व्यापार, रा. भालचंद्र मेंशन, दिलीपसिंग कॉलनी, वजिराबाद, नांदेड.
2. शेख शाहरुख शेख रफीक, वय 32 वर्षे, व्यवसाय सोने कारगीर, रा. अकबर फंक्शन हॉल, देगलूर नाका, नांदेड.
3. शेख सोहेल शेख मुस्तफा, वय 26 वर्षे, व्यवसाय मजुरी, रा. झारे गल्ली, अंबाजोगाई, बीड.
4. शेख शाहेद शेख गफार, वय 23 वर्षे, व्यवसाय मजुरी, रा. जिरे गल्ली, अंबाजोगाई, बीड.
Santosh Ladda House Robbery Case : नेमकं प्रकरण काय?
छत्रपती संभाजीनगरच्या वाळूजमधील उद्योजक संतोष लड्डा यांच्या निवासस्थानी काही दिवसांपूर्वी मोठा दरोडा पडला होता. या दरोडाच्या घटनेत संशयित असलेल्या एका आरोपीचा पुणे शाखेच्या पथकाने एन्काऊंटर केलाय. या दरोड्यात साडेपाच किलो सोनं 32 किलो चांदी आणि 70 हजार रुपयांचा मुद्देमाल चोरी झाल्याचा गुन्हा दाखल झाला होता.
दरोडाच्या घटनेतील संशयित आरोपी अमोल खोतकर यांने गोळीबार करून पळण्याचा प्रयत्न केला. त्यावेळी पोलिसांनी केलेल्या प्रत्युत्तरात्मक गोळीबारात त्याचा मृत्यू झाला असं पोलिसांकडून सांगण्यात आले आहे.
पोलिसांनी दिलेल्या माहितीनुसार, संशयित आरोपी अमोल खोतकर आपल्या गर्लफ्रेंड सह एका हॉटेलमध्ये येत असल्याची पोलिसांना माहिती मिळाली होती. रात्री अकरा वाजता खोतकर वडगाव कोल्हाटी येथे हसबे यांच्या हॉटेल जवळ कार घेऊन तो आला असता पोलिसांना समोर पाहताच त्याने गोळी झाडली. कार वेगात चालवत पळून जाण्याचा प्रयत्न केला. त्यानंतर एसपीआय रवीकिरण गच्चे यांनी प्रत्युत्तर दाखल गोळीबार करत खोतकरचा एन्काऊंटर केला.
ही बातमी वाचा:
महत्त्वाच्या बातम्या
