एक्स्प्लोर

Santosh Deshmukh Case: 'निवडणुका झाल्याने मी आता मोकळा झालोय....' संतोष देशमुखांना मारण्यापूर्वी वाल्मिक कराडने फोनवरुन कोणाला फर्मान सोडलं?

Beed Crime news: संतोष देशमुखांच्या हत्येपूर्वी वाल्मिक कराड अन् आवादा कंपनीच्या अधिकाऱ्याचे बोलणे, त्या ऑडिओ क्लीपमध्ये नेमकं काय? 'आहे त्या परिस्थितीत बंद करा'

By : रोहित धामणस्कर | Updated at : 04 Mar 2025 07:23 AM (IST)

Santosh Deshmukh case Walmik karad

बीड: मस्साजोग गावचे सरपंच संतोष देशमुख हत्याप्रकरणी सीआयडीने दाखल केलेल्या आरोपपत्रातील धक्कादायक तपशील समोर आल्याने राज्यात एकच खळबळ उडाली आहे. या आरोपपत्रात संतोष देशमुख (Santosh Deshmukh Murder Case) यांना हाल हाल करुन मारतानाचे व्हिडीओ, फोटो आणि फोनवरील संभाषणांचा समावेश आहे. यापैकी एक ऑडिओ क्लीप सध्या व्हायरल होत आहे. संतोष देशमुख यांना ठार मारण्यापूर्वी वाल्मिक कराड (Walmik Karad) आणि आवादा कंपनीच्या अधिकाऱ्यामध्ये फोनवरुन बोलणे झाले होते. यावेळी वाल्मिक कराड याने पवनचक्की प्रकल्पाचे काम बंद करण्याचे फर्मान सोडले होते. हे काम आहे त्या परिस्थितीत बंद करा, असा दम वाल्मिक कराड याने पवनचक्की कंपनीचे अधिकारी सुनील शिंदे (Sunil Shinde) यांना दिला होता. 23 नोव्हेंबरला राज्यातील विधानसभा निवडणुकीचा निकाल जाहीर झाला होता. त्यानंतर 9 डिसेंबरला संतोष देशमुख यांची निर्घृणपणे हत्या करण्यात आली. निवडणुका संपल्याने मी आता मोकळा झालोय, असे वाल्मिकने या संभाषणात म्हटले आहे. या संभाषणाचा तपशील पोलिसांच्या हाती लागला होता. हा तपशील पोलिसांनी आरोपपत्रात जोडला आहे. (Beed Crime news)