Pune Crime News: सोन्याला फोन करून बोलवलं, गार्डनमध्ये दबा धरून बसले अन् सपासप वार; पुण्यात मित्रानेच काढला मित्राचा काटा
Pune Crime News: पुण्यामध्ये अल्पवयीन व तरुणांच्या वाढत्या गुन्हेगारी प्रवृत्तीने पुन्हा एकदा डोकं वर काढलं आहे.
Pune Crime News: पुण्यामध्ये अल्पवयीन व तरुणांच्या वाढत्या गुन्हेगारी प्रवृत्तीने पुन्हा एकदा डोकं वर काढलं आहे. गेल्या काही दिवसांपासून शहरात गुन्हेगारीचं प्रमाण वाढत असून, त्यातही चंदननगर (Chandan Nagar) परिसरातील एक धक्कादायक घटना समोर आली आहे. येरवडा जवळील ऑक्सिजन पार्कमध्ये मित्रांनीच एका 19 वर्षीय तरुणाचा निर्घृण खून केल्याने एकच खळबळ उडाली आहे.
Pune Crime News: वाद मिटवण्यासाठी बोलावले, पण उद्यानात घेरून खून
शनिवारी रात्री आठच्या सुमारास ही घटना घडली. लखन उर्फ सोन्या सकट (वय 19) असे खून झालेल्या तरुणाचे नाव आहे. प्राथमिक माहितीनुसार, लखन आणि आरोपी यांच्यात शुक्रवारी रात्री किरकोळ कारणावरून वाद झाला होता. हे वाद मिटवण्यासाठी लखन शनिवारी रात्री आपल्या मित्रासह ऑक्सिजन पार्कमध्ये गेला. मात्र याच वेळी आरोपींनी आधीच योजना आखून ताकत केली होती.
Pune Crime News: उद्यानात दबा धरून बसलेले आरोपी
आरोपी प्रथमेश दर्डू आणि यश गायकवाड हे धारदार शस्त्रांसह उद्यानातच दबा धरून बसले होते. लखन उद्यानात येताच त्याच्यावर अचानक हल्ला करण्यात आला. या हल्ल्यात आरोपींनी लखनच्या हातांवर, पायांवर, पोटावर, तोंडावर आणि डोक्यावर सलग 20 ते 25 वार केले. वारांची तीव्रता इतकी होती की त्याचा जागीच मृत्यू झाला.
Pune Crime News: ऑक्सिजन पार्क परिसरात खळबळ
जुन्या मुंढवा रस्त्यालगतचे ऑक्सिजन पार्क हे दररोज गर्दीने भरलेले उद्यान आहे. मात्र, येथे असा थरकाप उडवणारा खून घडल्यामुळे स्थानिक परिसरात भीतीचे वातावरण निर्माण झाले आहे. घटनेची माहिती मिळताच पोलीस उपायुक्त सोमय मुंडे, सहायक आयुक्त प्रांजली सोनावणे, वरिष्ठ पोलीस निरीक्षक सीमा ढाकणे यांनी घटनास्थळी धाव घेतली आणि तपासाला सुरुवात केली आहे. आरोपींच्या हालचाली, उद्यानातील सीसीटीव्ही फुटेज आणि त्या दिवशी उद्यानात उपस्थित असणाऱ्यांची चौकशी सुरू आहे.
Pune Crime News: तरुण गुन्हेगारीबाबत गंभीर प्रश्नचिन्ह
पुण्यात एका 19 वर्षीय तरुणाचा जुन्या भांडणातून इतक्या निर्दयी पद्धतीने खून झाल्याने अनेक प्रश्न निर्माण होत आहेत. तरुणांमध्ये वाढत चाललेली हिंसक प्रवृत्ती, किरकोळ कारणांवरून होणारे जीवघेणे वाद, सार्वजनिक स्थळी सुरक्षिततेचे अभाव यावर अधिक गांभीर्याने लक्ष देण्याची मागणी नागरिकांकडून होत आहे.
आणखी वाचा
महत्त्वाच्या बातम्या
