धक्कादायक! उल्हासनगरमध्ये 3 वर्षीय मुलीचा अर्धवट जळालेला मृतदेह सापडला, परिसरात खळबळ 

उल्हासनगरमध्ये (Ulhasnagar) एक धक्कादायक घटना घडली आहे. एका 3 वर्षीय मुलीचा अर्धवट जळालेला मृतदेह (burnt body) सापडला आहे.

Ulhasnagar News

Source : Ulhasnagar News

Ulhasnagar News : उल्हासनगरमध्ये (Ulhasnagar) एक धक्कादायक घटना घडली आहे. एका 3 वर्षीय मुलीचा अर्धवट जळालेला मृतदेह (burnt body) सापडला आहे. गेल्या 4 दिवसांपासून ही मुलगी बेपत्ता होती.  आज या चिमुकल्या मुलीचा मृतदेह सापडला आहे. या घटनेमुळं परिसरात एकच खळबळ उडाली आहे. 

उल्हासनगरमध्ये तीन वर्षीय मुलीचा अर्धवट जळलेला मृतदेह सापडल्याने परिसरात खळबळ उडाली आहे. उल्हासनगर कॅम्प 5 मधील हिललाईन पोलीस स्टेशनच्या जवळ ही घटना घडली आहे. चार दिवसांपासून मुलगी बेपत्ता होती. यानंतर आज हिललाईन पोलीस स्टेशनच्या मागे या मुलीचा मृतदेह सापडला  आहे. दरम्यान, प्रकरणाचा पोलीस अधिक तपास करत आहेत. 

पोलीस अधिकारी नेमकं काय म्हणाले? 

दरम्यान, या घटनेबाबात पोलिस उपायुक्त सचिन गोरे (Deputy Commissioner of Police Sachin Gore)  यांनी दिलेल्या माहितीनुसार, 18 तारखेला मुलगी बेपत्ता झाल्याचा गुन्हा दाखल करण्यात आला होता. महिला पोलीस अधिकाऱ्यांकडे या घटनेचा तपास दिला होता. त्यानंतर आज मुलीचा मृतदेह आढळला आहे. यानंतर पोलीसांचे पथक, क्राईम ब्रँचच्या पथकाचे अधिकारी तपास करत आहेत. दरम्यान, मुलीचा मृतदेह पीएम साठी पाठवत आहोत. पीएमनंतर मुलीच्या मृत्यूचं कारण कळेल अशी माहिती पोलीस अधिकाऱ्यांनी दिली. दोन दिवसांपासून ही मुलगी बेपत्ता होती. सव्वा तीन वर्षांची ही मुलगी असल्याचे पोलीस अधिकाऱ्यांनी सांगितले. तपासातून अद्यार काही निष्पन्न झालेलं नाही. पोलीस अधिकचा तपास करत आहेत. तपास पूर्ण झाल्यानंतर तपासातील सर्व गोष्टी सांगणार असल्याचे पोलीस अधिकारी म्हणाले. 

बदलापूरची घटना ताजी असतानाच उल्हासनगरमध्ये लहान मुलीचा मृतदेह सापडल्यानं खळबळ

दरम्यान, गेल्या काही दिवसांपूर्वीच बदलापूर (Badlapur) मधील एका नामांकित शाळेमधील दोन चिमुकल्या मुलींवर अत्याचार (Badlapur School Sexual Assault Case) झाल्याची घटना घडली होती. या शाळेमध्ये लहान मुलीवर अत्याचारची घटना घडल्यानंतर संपूर्ण महाराष्ट्रात या घटनेचे तीव्र पडसाद उमटले होते. या घटनेवरुन राज्यातील राजकीय वातावरण देखील तापल्याचं पाहायला मिळालं होतं. या घटनेवरुन राजकीय नेते ऐकमेकांवर आरोप प्रत्यारोप केले होते. अशातच ठाणे जिल्ह्यातील उल्हासनगर भागात एका सव्वा तीन वर्षाच्या चिमुकलीचामृतदेह आढळून आल्यानं खळबळ उडाली आहे. या घटमुळं पुन्हा एकदा राज्यातील कायदा सुव्यवस्थेच्या संदर्भात चर्चा होत आहे. 

 

महत्वाच्या बातम्या: