आधी नोकरकपात, आता 80 टक्के कर्मचाऱ्यांना पगारवाढ, देशातील सर्वात मोठ्या कंपनीचा मोठा निर्णय, जाणून घ्या सविस्तर माहिती 

भारतातील सर्वात मोठ्या माहिती तंत्रज्ञान सेवा देणाऱ्या कंपनीने मोठा निर्णय घेतला आहे.

TCS Salary Hike

Source : Getty Images

TCS Salary Hike : भारतातील सर्वात मोठी माहिती तंत्रज्ञान सेवा कंपनी टाटा कन्सल्टन्सी सर्व्हिसेस (TCS) पुढील महिन्यापासून म्हणजेच सप्टेंबरपासून त्यांच्या कर्मचाऱ्यांना वेतनवाढ देणार आहे. TCS च्या प्रशासनानेच याबाबतची माहिती दिली आहे. यापूर्वी, TCS ने 12000 कर्मचाऱ्यांना कामावरून काढून टाकण्याचा निर्णय घेतला होता. याला कर्मचारी संघटनांनी तीव्र विरोध केला होता. यासोबतच, TCS ने जागतिक परिस्थितीचा हवाला देत पगारवाढीवर बंदी घालण्याची घोषणा देखील केली होती. मात्र, आता कर्मचाऱ्यांचा पगार वाढवण्याचा निर्णय घेतला आहे. 

80 टक्के कर्मचाऱ्यांचे वेतन वाढेल

TCS चे मानव संसाधन अधिकारी मिलिंद लक्कड आणि नियुक्त CHRO के. सुदीप यांनी बुधवारी कर्मचाऱ्यांना पाठवलेल्या मेलमध्ये म्हटले आहे की, पगारवाढ 1 सप्टेंबरपासून लागू होईल. भविष्यासाठी संस्थेला तयार करण्याच्या' व्यापक धोरणाचा भाग म्हणून कंपनीने 12000 हून अधिक कर्मचाऱ्यांना कामावरून काढून टाकण्याचा निर्णय घेतला असताना, प्रतिभेला पुरस्कृत करणे आणि टिकवून ठेवणे या उद्देशाने TCS ने हे पाऊल उचलले आहे. यासाठी तंत्रज्ञानात गुंतवणूक, कृत्रिम बुद्धिमत्ता (एआय) तैनात करणे, बाजार विस्तार आणि कर्मचारी पुनर्रचना यावर लक्ष केंद्रित केले जाईल.

कर्मचाऱ्यांसाठी दिलासा

टीसीएसमध्ये वाय ने सुरू होणारी ग्रेड रचना आहे, जी प्रशिक्षणार्थीला दिली जाते. यानंतर, कंपनीच्या कर्मचाऱ्यांचे पद C1, C2, C3, C4, C5 आणि B पर्यंत जाते आणि शेवटी CXO पर्यंत जाते. गेल्या आठवड्यात, बाजार विश्लेषकांनी असे सूचित केले होते की टाळेबंदीनंतर उर्वरित कर्मचाऱ्यांचे वेतन वाढवता येऊ शकते. असे मानले जाते की भविष्यात इतर कंपन्या देखील याच धर्तीवर निर्णय घेऊ शकतात.

गेल्या आठवड्यातच टाटा समूहाची आघाडीची आयटी कंपनी टाटा कन्सल्टन्सी सर्व्हिसेस (TCS) ने एक मोठा निर्णय घेतला होता. ज्याचा परिणाम येत्या काही महिन्यात हजारो कर्मचाऱ्यांच्या (employees) नोकऱ्यांवर (Job) होऊ शकतो. कंपनीने स्पष्ट केले आहे की ती 2026 या आर्थिक वर्षात (एप्रिल 2025 ते मार्च 2026) त्यांच्या जागतिक कर्मचाऱ्यापैकी सुमारे 2 टक्के कपात  करणार आहे. याचा थेट परिणाम 12000 हून अधिक कर्मचाऱ्यांवर होणार आहे. सध्या कंपनीत सुमारे 6.13 लाख कर्मचारी काम करत आहेत. त्यानुसार, सुमारे 12 हजार 200 लोकांना कपातीचा फटका बसू शकतो. ही कपात टीसीएसच्या सर्व देशांना आणि कार्यक्षेत्रांना प्रभावित करेल, जिथे कंपनी काम करत आहे.

महत्वाच्या बातम्या: