एक्स्प्लोर

Tata Technologies Ipo : तुम्हाला टाटा टेक्नॉलॉजीच्या आयपीओची लॉटरी लागली? असं चेक करा अलॉटमेंट स्टेट्स

Tata Technologies Ipo Share Allotment : टाटा समूहाच्या या आयपीओने एकाच वेळी अनेक विक्रम मोडीत काढले. टाटा टेक्नॉलॉजीच्या आयपीओला आतापर्यंत सर्वाधिक प्रतिसाद मिळाला.

Written By : एबीपी माझा वेब टीम | Edited By: श्रीकांत भोसले | Updated at : 27 Nov 2023 08:33 PM (IST)

Tata Technologies Ipo Share Allotment

Source : File Pic

Tata Technologies News : टाटा टेक्नॉलॉजीज (Tata Technologies) मंगळवारी (दि. 28 नोव्हेंबर) IPO शेअर्स अलॉटमेंट करण्याची शक्यता आहे. गुंतवणूकदारांना आयपीओद्वारे शेअर्स हे लॉटरी पद्धतीने देण्यात आले आणि संपूर्ण प्रक्रिया रजिस्ट्रारच्या देखरेखीखाली पार पडली असल्याचे वृत्त आहे. टाटा समूहाचा (Tata Group) 19 वर्षांतील हा पहिला IPO होता आणि त्याला गुंतवणूकदारांकडून उत्साहाने प्रतिसाद मिळाला. कंपनीचा 3,042.5 कोटी रुपयांचा IPO शुक्रवारी शेवटच्या दिवशी 69.43 वेळा सबस्क्राइब झाला. कंपनीने यासाठी ऑफरची किंमत निश्चित केली आहे. टाटा मोटर्सच्या (Tata Motors) या कंपनीने प्रति इक्विटी शेअर 500 रुपये निश्चित केले आहेत.

टाटा समूहाच्या या आयपीओने एकाच वेळी अनेक विक्रम मोडीत काढले. टाटा टेक्नॉलॉजीच्या आयपीओला आतापर्यंत सर्वाधिक प्रतिसाद मिळाला. टाटा टेक्नोलॉजीने 475 ते 500 रुपये प्रति शेअर किंमत बॅण्ड ठेवण्यात आला होता. टाटा टेक्नोलॉजीचा शेअर्स ग्रे मार्केटमध्ये सध्या 420 रुपयांच्या प्रीमियमवर व्यवहार करत आहे. म्हणजेच ते 920 रुपयांमध्ये सूचीबद्ध होण्याची अपेक्षा आहे. शेअर्सचे वाटप 28 नोव्हेंबर म्हणजेच मंगळवारी होऊ शकते. त्याची सूची 30 नोव्हेंबर म्हणजेच गुरुवारी होऊ शकते. टाटा समूहाचा 19 वर्षांतील हा पहिला IPO आहे. यापूर्वी 2004 मध्ये टाटा कन्सल्टन्सी सर्व्हिसेसचा आयपीओ आला होता.