स्विगीमधील कर्मचाऱ्यांना मिळणार नारळ? किती कर्मचाऱ्यांची जाणार नोकरी
फूड डिलिव्हरी करणारी कंपनी स्विगीमध्ये देखील नोकरकपात होण्याची शक्यता आहे. यामुळं शेकडो लोकांच्या नोकऱ्या जाण्याची शक्यता आहे.
Swiggy News : मागील वर्षी अनेक कंपन्यांनी नोकरकपात (layoffs) केली होती. त्यामुळं अनेक तरुणांना बेरोजगारीचा सामना करावा लागला होता. जागतिक मंदीचा मोठा फटका कंपन्यांना बसला होता. अशातच आता यावर्षी देखील काही कंपन्या नोकरकपात करण्याची शक्यता वर्तवली जात आहे. फूड डिलिव्हरी करणारी कंपनी स्विगीमध्ये देखील नोकरकपात होण्याची शक्यता आहे. यामुळं शेकडो लोकांच्या नोकऱ्या जाण्याची शक्यता आहे.
फूड डिलिव्हरी कंपनी स्विगी लवकरच आपला IPO लॉन्च करणार आहे. मात्र, त्याआधी कंपनीने मोठा निर्णय घेतला आहे. कंपनी आपल्या कर्मचाऱ्यांची संख्या कमी करण्याच्या तयारीत आहे. यामुळं कंपनीत पुन्हा एकदा कपातीचा टप्पा सुरू होईल आणि शेकडो लोकांच्या नोकऱ्या गमवाव्या लागतील. या प्रकरणाची माहिती सूत्रांनी दिली आहे. स्विगी आपल्या कंपनीतील सुमारे 6 टक्के कर्मचाऱ्यांनी कमी करण्याचा विचार करत आहे. याचा अर्थ सुमारे 350 ते 400 लोकांना नोकऱ्या गमवाव्या लागणार आहेत.
कंपनीचा खर्च वाढला, नफ्यावर परिणाम
सुत्रांनी दिलेल्या माहितीनुसार, कंपनीचा खर्च इतका वाढला आहे की त्याचा परिणाम तिच्या नफ्यावर होऊ लागला आहे. त्यामुळं कंपनीने नोकरकपातीची योजना तयार केली आहे. यामध्ये कंपनीतील तंत्रज्ञान, कॉल सेंटर आणि कॉर्पोरेट भूमिकांमध्ये काम करणाऱ्या कर्मचाऱ्यांनाच सर्वाधिक फटका बसणार आहे. ही नोकरकपात एका झटक्यात होणार नसल्याचे सूत्रांचे म्हणणे आहे. त्याऐवजी, येत्या काही आठवड्यांत ते हळूहळी केली जाणार आहे. कंपनीच्या वरिष्ठ व्यवस्थापकांना याबाबत माहिती देण्यात आली आहे.
आर्थिक स्थिती सुधारण्यासाठी कंपनी घेणार निर्णय
स्विगी आता फायदेशीर आहे, परंतु त्याची नवीन सेवा Instamart लोकप्रिय करण्यासाठी पैसे वाया घालवत आहे. स्विगीने आपल्या प्रतिस्पर्धी झोमॅटोच्या ब्लिंकइटला टक्कर देण्यासाठी ही सेवा सुरू केली आहे. त्याचवेळी, रिलायन्स-अनुदानित झेप्टो आणि टाटा समूह-अनुदानित बिग बास्केट इन्स्टंट देखील बाजारात Instamart ला आव्हान देत आहेत. दरम्यान, खर्च कमी करण्यासाठी स्विगी आपले वित्त अनुकूल करत आहे. अलीकडे, पेटीएम आणि फोनपे सारख्या कंपन्यांनी स्वतःला किफायतशीर बनवण्यासाठी त्यांच्या व्यवसायाची पुनर्रचना केली आहे.
महत्त्वाच्या बातम्या
ट्रेंडिंग न्यूज
