मत्स्यशेतीतून शेतकरी बनले करोडपती, एकाच गावात 40 मत्स्यकेंद्र, वर्षभरात मिळतो दीड ते 2 कोटींचा नफा
Success Story : अलिकडच्या काळात अनेक शेतकरी (Farmers) यशस्वी मत्स्यशेती (Fish farming) करत आहेत. या माध्यमातून शेतकरी लाखो रुपयांचा नफा कमावत आहेत.
Fish farming Success Story : अलिकडच्या काळात अनेक शेतकरी (Farmers) यशस्वी मत्स्यशेती (Fish farming) करत आहेत. या माध्यमातून शेतकरी लाखो रुपयांचा नफा कमावत आहेत. आज आपण मत्स्यशेतीतून कोट्यावधी रुपयांची उलाढाल करणाऱ्या एका गावाची यशोगाथा (Success Story) पाहणार आहेत. या गावात 40 हून अधिक मत्स्यकेंद्र आहेत. या माध्यमातून येथील शेतकरी वर्षभरात दीड ते दोन कोटी रुपयांचा नफा मिळवत आहेत.
माशांची विविध राज्यात होते विक्री
मत्स्यपालनातून कमी खर्चात जास्त नफा मिळवता येतो. उत्तर प्रदेशातील रामपूरमधील धनौरा गावातील शेतकरी मत्स्यपालनातून मोठी कमाई करत आहेत. विशेष म्हणजे या गावात 40 हून अधिक मासे उबवणी केंद्रे आहेत. या भागातील नापीक जमीन असल्याने लोकांनी मत्स्यपालन सुरू केले आणि हळूहळू संपूर्ण गावात मोठे तलाव आणि हॅचरी बांधण्यात आल्याचे शेतकऱ्यांनी सांगितले. आता येथे करोडो मत्स्यबीज तयार होतात, जे यूपी, बिहार, मध्यप्रदेश, राजस्थान, हरियाणा, पंजाबसह विविध राज्यांमध्ये जातात. मत्स्यपालन व्यवसाय करणाऱ्या एका शेतकऱ्याने दिलेल्या माहितीनुसार, आम्ही 2003 पासून मत्स्यपालन करत आहोत. आम्ही एकूण 18 एकर जमिनीवर मत्स्यबीजाचे काम करतो. यामध्ये विविध प्रकारचे मासे तयार केले जातात. या माशांची विक्री उत्तर प्रदेशातील स्थानिक बाजारपेठेसह बिहार, मध्य प्रदेश, राजस्थान, हरियाणा, पंजाबसह विविध राज्यांमध्ये केली जाते. या विक्रीतून शेतकऱ्यांना मोठा नफा मिळत आहे. नापिक असणाऱ्या जमिनीवर अनेक शेतकऱ्यांनी मत्स्यशेतीचा प्रयोग केला आहे.
मत्स्यकेंद्र सुरु करण्यासाठी 15 लाख रुपयांचं अनुदान
शेतकऱ्यांनी दिल्या माहितीनुसार मत्स्यकेंद्र सुरु करण्यासाठी सरकारकडून 15 लाख रुपयांचे अनुदान मिळते. पण प्रकल्पासाठी एकूण खर्च हा 25 लाख रुपये होतो अशी माहिती शेतकऱ्यांनी दिली आहे. त्यामुळं शेतकऱ्यांना हा प्रकल्प सुरु करण्यासाठी सरकारची चांगली मदत होते. मत्स्य विभागाच्या डॉक्टरांचा सल्ला घेऊन त्यांनी लिहून दिलेल्या औषधांचाही वापर आम्ही करतो असे शेतकऱ्यांनी सांगितले.
एका वर्षात दीड ते 2 कोटींची कमाई
मत्स्यपालनाइतका नफा मिळवून देणारा दुसरा चांगला व्यवसाय नसल्याची माहिती शेतकऱ्याने दिली आहे. माशांची योग्य काळजी घेतल्यास एका शेतकऱ्याला वर्षभरात दीड ते दोन कोटी रुपये सहज मिळू शकतात. व्यापारी स्वत: तलावावर येऊन सर्व मासे खरेदी करून घेऊन जातात अशी माहिती शेतकऱ्यांनी दिली.
महत्वाच्या बातम्या:
success story: बांबूच्या मळ्यातून धुळ्याचा हा शेतकरी वर्षाकाठी कमवतो 25 लाख, शाश्वत शेतीची कास धरत साधली आर्थिक प्रगती
Before You Go
Ladki Bahin Yojana Beneficiary List Check : लाडकी बहीण योजनेतून तुमचं नाव हटवलं तर नाही ना? चेक करा!
महत्त्वाच्या बातम्या
