स्वातंत्र्य दिनानिमित्त SBI चा मोठा निर्णय! अग्निवीरांसाठी सुरु केली खास योजना , जाणून घ्या सविस्तर माहिती
79 व्या स्वातंत्र्यदिनानिमित्त भारत सरकारच्या अल्पकालीन अग्निपथ भरती कार्यक्रमांतर्गत भरती झालेल्या अग्निवीरांसाठी (Agniveer) स्टेट बँक ऑफ इंडिया (SBI) ने एक विशेष वैयक्तिक कर्ज योजना सुरू केली आहे.
SBI Scheme Agniveer News : 79 व्या स्वातंत्र्यदिनानिमित्त भारत सरकारच्या अल्पकालीन अग्निपथ भरती कार्यक्रमांतर्गत भरती झालेल्या अग्निवीरांसाठी (Agniveer) स्टेट बँक ऑफ इंडिया (SBI) ने एक विशेष वैयक्तिक कर्ज योजना सुरू केली आहे. एसबीआयने आज या योजनेची घोषणा केली आहे. या कर्ज योजनेअंतर्गत, एसबीआयमध्ये पगार खाते असलेल्या अग्निवीरांना कोणत्याही हमीशिवाय 4 लाख रुपयांपर्यंत कर्ज मिळू शकेल. यासोबतच, त्यावर कोणताही प्रक्रिया शुल्क आकारला जाणार नाही.
अग्निवीर जवानांसाठी विशेष कर्ज योजना
परतफेडीचा कालावधी अग्निपथ योजनेच्या सेवा कालावधीनुसार असेल. याशिवाय, बँक 30 सप्टेंबर 2025 पर्यंत सर्व संरक्षण कर्मचाऱ्यांना किमान 10.50 टक्के व्याजदर देत आहे. एसबीआयचे अध्यक्ष सी. एस. शेट्टी यांनी दिलेल्या माहितीनुसार, एसबीआयमध्ये, आम्हाला असे वाटते की जे आपल्या स्वातंत्र्याचे रक्षण करत आहेत त्यांना त्यांचे भविष्य घडविण्यासाठी आमच्या अटळ पाठिंब्याची आवश्यकता आहे. ही शून्य-प्रक्रिया शुल्क ही फक्त सुरुवात आहे. आम्ही येणाऱ्या काळात भारताच्या नायकांना सक्षम बनवणारे उपाय तयार करत राहू. हा उपक्रम अग्निवीरांसाठी दीर्घकाळ उपलब्ध असलेल्या संरक्षण वेतन पॅकेजद्वारे भारताच्या सशस्त्र दलांच्या कल्याणासाठी बँकेच्या दीर्घकालीन वचनबद्धतेचा एक भाग आहे.
अग्निवीरांची पहिली तुकडी 2026 मध्ये निवृत्त होणार
14 जून 2022 रोजी केंद्रीय मंत्रिमंडळाने भारतीय तरुणांसाठी सशस्त्र दलात सेवा करण्यासाठी एक आकर्षक भरती योजना मंजूर केली. या योजनेला अग्निपथ योजना असे नाव देण्यात आले होते. त्याअंतर्गत भरती होणाऱ्या तरुणांना अग्निवीर म्हटले जाते. या योजनेत, तरुणांना चार वर्षांसाठी सैन्यात सेवा करण्याची संधी मिळते, त्यानंतर ते निवृत्त होतील. अशा प्रकारे, 2026 च्या अखेरीस, अग्निपथ योजनेअंतर्गत भरती झालेली पहिली तुकडी निवृत्त होईल. दरम्यान, या कर्ज योजनेअंतर्गत, एसबीआयमध्ये पगार खाते असलेल्या अग्निवीरांना कोणत्याही हमीशिवाय 4 लाख रुपयांपर्यंत कर्ज मिळू शकेल. यासोबतच, त्यावर कोणताही प्रक्रिया शुल्क आकारला जाणार नाही. या कर्जाचा मोठा फायदा अग्निवीरांना होणार आहे.
अग्नीवीर ही भारतीय सशस्तर दलात भरती होण्याची मोठी संधी आहे. या योजनेअंतर्गत, तरुण चार वर्षांसाठी सशस्त्र दलात सेवा करू शकतात. या योजनेत निवडलेल्या तरुणांना अग्निवीर म्हणून ओळखले जाते. या योजनेद्वारे निवडलेल्या तरुणांना 4 वर्षांसाठी सशस्त्र दलात काम करण्याची संधी मिळते. या योजनेचा उद्देश हा तरुण आणि तंदुरुस्त तरुणांना देशाच्या संरक्षणासाठी तयार करणे हा आहे.
महत्त्वाच्या बातम्या
