सरकारच्या 'या' भन्नाट योजनेचा लाभ घ्या, 3 लाखांचं कर्ज मिळवा, आत्तापर्यंत 2 लाख तरुणांना 1751 कोटींचा लाभ
पीएम विश्वकर्मा योजना (PM Vishwakarma scheme) ही कारागीर आणि कारागीरांना मदत करण्यासाठी सुरु केली आहे. सप्टेंबर 2023 मध्ये सुरु करण्यात आली आहे.
PM Vishwakarma scheme: केंद्र सरकारनं (Central Govt) अनेक योजना (PM Vishwakarma scheme) सुरु केल्या आहेत. सर्वसामान्य लोकांना, युवकांना रोजगाराचं साधन उपलब्ध व्हावं हा मागाचा उद्देश आहे. यातीलच एक योजना म्हणजे पीएम विश्वकर्मा योजना (PM Vishwakarma scheme). ही योजना (Yojana) कारागीर आणि कारागीरांना मदत करण्यासाठी सुरु केली आहे. सप्टेंबर 2023 मध्ये सुरु करण्यात आली आहे. ज्यामध्ये सरकार कारागीर आणि कारागीरांना परवडणाऱ्या व्याजदरावर कर्ज देते.या कर्जाच्या मदतीने एखाद्याच्या कौशल्याच्या आधारे छोटा व्यवसाय सुरू करता येतो.
2 लाख लोकांनी घेतला योजनेचा लाभ
अलीकडेच पीएम विश्वकर्मा योजनेंतर्गत (PM Vishwakarma scheme) लाभ मिळालेल्या लोकांची आकडेवारी समोर आली आहे. राज्यसभेत एका प्रश्नाला उत्तर देताना अर्थ राज्यमंत्री पंकज चौधरी म्हणाले की, पीएम विश्वकर्मा योजनेचा लाभ गेल्या एका वर्षात 2.02लाख लोकांपर्यंत पोहोचला आहे आणि त्याअंतर्गत 1751 कोटी रुपयांचे कर्ज देण्यात आले आहे. या योजनेत पारंपरिक काम करणाऱ्या 18 कामगारांचा समावेश करण्यात आला आहे. पीएम विश्वकर्मा योजनेअंतर्गत कमाल 3 लाख रुपयांपर्यंत कर्ज उपलब्ध आहे. यावर तुम्हाला 5 टक्के व्याज द्यावे लागणार आहे.
कर्ज कोणत्या कारणासाठी उपलब्ध?
पीएम विश्वकर्मा योजना कारागीर आणि कारागीरांना लक्षात घेऊन तयार करण्यात आली आहे. या योजनेत 18 पारंपारिक कामगारांचा समावेश करण्यात आला आहे, ज्यात सुतार, बोटी बनवणारे, लोहार, हातोडा आणि उपकरणे बनवणारे, सोनार, कुंभार, दगड कामगार, चर्मकार, गवंडी, गालिचे, झाडू आणि टोपली बनवणारे, धुलाई, शिंपी, मासेमारीचे जाळे तयार करणारे इत्यादींचा समावेश या योजनेत करण्यात आला आहे.
किती मिळणार कर्ज?
पीएम विश्वकर्मा योजनेअंतर्गत कमाल 3 लाख रुपयांपर्यंत कर्ज उपलब्ध आहे. ज्यावर 5 टक्के व्याज द्यावे लागेल. कर्जाची रक्कम लाभार्थींना 2 हप्त्यांमध्ये दिली जाईल. पहिल्या टप्प्यात 1 लाख तर दुसऱ्या टप्प्यात 2 लाखांचे कर्ज दिले जाते.
कसा कराल अर्ज?
पीएम विश्वकर्मा योजना अधिकृत वेबसाइट pmvishwakarma.gov.in द्वारे ऑनलाइन अर्ज करता येईल. वेबसाइट ओपन केल्यानंतर तुम्हाला Apply Online या पर्यायावर क्लिक करावे लागेल आणि आवश्यक माहिती भरल्यानंतर तुम्हाला नोंदणी पूर्ण करावी लागेल. नोंदणीसाठी लाभार्थ्याकडे आधार कार्ड, पॅनकार्ड, उत्पन्नाचा दाखला, ओळखपत्र, रहिवासी प्रमाणपत्र आणि बँक पासबुक असणे बंधनकारक आहे.
महत्वाच्या बातम्या:
लाडकी बहीण सुरुच ठेवणार, 2100 रुपये देणार, निकषाबाहेर जे असतील त्यांचा पुनर्विचार करु : देवेंद्र फडणवीस
महत्त्वाच्या बातम्या
