Petrol Diesel Price: क्रूड ऑईल महागलं; देशात काही शहरांतील किमतींमध्ये किरकोळ बदल, महानगरांतील दर मात्र स्थिरच

Petrol Diesel Price: भारतीय तेल कंपन्यांकडून देशात पेट्रोल-डिझेलचे दर जाहीर करण्यात आले आहेत. आजही देशातील पेट्रोल-डिझेलचे दर स्थिर आहेत.

Petrol and Diesel Price Today

Petrol Diesel Price on 7 April 2023: गेल्या काही दिवसांपासून कच्च्या तेलाच्या किमतीत (Crude Oil Price) चढ-उतार सुरूच आहे. आजच्या कच्च्या तेलाच्या किमतींबाबत बोलायचं झालं तर शुक्रवार 7 एप्रिल रोजी किमतीत किंचित वाढ नोंदवण्यात आली आहे. ब्रेंट क्रूड ऑईलच्या (Brent Crude Oil)  किमतींत 0.15 टक्क्यांच्या किंचित वाढीसह, ते प्रति बॅरल 85.12 डॉलर्सच्या आसपास व्यवहार करत आहे. दुसरीकडे, डब्ल्यूटीआय क्रूड ऑईलच्या (WTI Crude Oil) किंमतीबद्दल बोलायचं झालं तर, 0.11 टक्क्यांच्या वाढीनंतर ते प्रति बॅरल 80.70 डॉलर्सच्या आसपास व्यवहार करत आहे. या वाढीनंतर आज देशातील अनेक शहरांमध्ये पेट्रोल आणि डिझेलच्या दरांत (Petrol Diesel Price)  किंचित वाढ झाली असली तरी देशातील चारही महानगरांमध्ये दर स्थिर आहेत.

आज सकाळी पेट्रोल आणि डिझेलचे दर भारतीय तेल कंपन्यांकडून जारी करण्यात आले. तेल कंपन्यांनी 7 एप्रिल रोजी जारी केलेल्या नव्या दरांनुसार, शुक्रवारी सलग 322व्या दिवशी इंधनाच्या दरांत कोणताही बदल झालेला नाही. देशाची राजधानी दिल्लीत पेट्रोलचा दर 96.72 रुपये प्रति लिटर आणि डिझेलचा दर 89.62 रुपये प्रति लिटर आहे. तर देशाची आर्थिक राजधानी मुंबईत पेट्रोलची किंमत 106.31 रुपये आहे, तर डिझेलची किंमत 94.27 रुपये प्रति लिटर आहे.

Petrol Diesel Price Today : देशांतील मोठ्या शहरांतील पेट्रोल-डिझेलचे दर

देशातील महानगरं	पेट्रोल (प्रति लिटर)	डिझेल (प्रति लिटर)
दिल्ली	96.72 रुपये	89.62 रुपये
मुंबई	106.31 रुपये	94.27 रुपये
कोलकाता	106.03 रुपये	92.76 रुपये
चेन्नई	102.63 रुपये	94.24 रुपये

Petrol Diesel Price Today : राज्यात कोणत्या शहरात किती दर? 

• नागपूर : पेट्रोल 106.04 रुपये प्रति लिटर, डिझेल 92.59 रुपये प्रति लिटर
• पुणे : पेट्रोल105.84 रुपये प्रति लिटर, डिझेल 92.36 रुपये प्रति लिटर 
• कोल्हापूर : पेट्रोल 106.47 रुपये प्रति लिटर, डिझेल 93.01 रुपये प्रति लिटर
• छत्रपती संभाजीनगर : पेट्रोल 108 रुपये, डिझेल 95.96 रुपये प्रति लिटर 
• परभणी : पेट्रोल  109.45 रुपये प्रति लिटर, डिझेल 95.81 रुपये प्रति लिटर
• नाशिक : पेट्रोल 106.77 रुपये प्रति लिटर, डिझेल 93.27 रुपये प्रति लिटर

Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या

इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.

इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.

पेट्रोल आणि डिझेलच्या किंमती (Petrol Diesel Price) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).