Investment Tips : पोस्ट ऑफिस स्कीम, बँक एफडी की PPF? कुठे गुंतवणूक करणे फायदेशीर? पाहा व्याज दर
Investment Tips : अनेकांचा कल सुरक्षित गुंतवणूक योजनांकडे अधिक असतो. विविध गुंतवणूक योजनांमधील व्याज दर भिन्न असतात.
Investment Tips : देशातील सुरक्षित गुंतवणूक पर्यायांमध्ये बँक आणि पोस्ट ऑफिस एफडी, पीपीएफ, राष्ट्रीय बचत प्रमाणपत्र आणि ज्येष्ठ नागरिक बचत योजना आदींचा समावेश आहे. अल्पबचत योजना नागरिकांना नियमित बचत करण्यास प्रवृत्त करते. त्यावर निश्चित व्याज दिले जाते, हे व्याज दर सरकार ठरवते. सरकार दर तीन महिन्यांनी त्यांच्या हिताचा निर्णय घेते. तर बँका स्वतः त्यांच्या मुदत ठेवीवर (FD) मिळणारे व्याज ठरवतात.
बँकांच्या एफडीवर मिळणारे व्याज
HDFC बँकेत FD वर जास्तीत जास्त 7.75 टक्के व्याज देत आहे. एसबीआय एफडीवर वार्षिक 7.50 टक्के व्याज देत आहे. सरकार लहान बचत योजनांवर 4 टक्के ते 8.2 टक्के व्याज देत आहे. सरकार ऑक्टोबर-डिसेंबर 2023 साठी अशा योजनांवरील व्याजदरांमध्ये या महिन्याच्या शेवटी सुधारणा करेल. यामध्ये बदलाला फारसा वाव नसल्याचे मानले जाते.
अल्प बचत योजनेवरील व्याज
बचत खाते : 4 टक्के
एक वर्ष पोस्ट ऑफिस एफडी : 6.9 टक्के
दोन वर्षाची पोस्ट ऑफिस एफडी : 7.0 टक्के
3 वर्षांची पोस्ट ऑफिस एफडी : 7 टक्के
5 वर्ष पोस्ट ऑफिस FD : 7.5 टक्के
5 वर्षे आरडी : 6.70 टक्के
राष्ट्रीय बचत प्रमाणपत्र (NSC) : 7.7 टक्के
किसान विकास पत्र : 7.5 टक्के (115 महिन्यांत प्रौढ)
सार्वजनिक भविष्य निर्वाह निधी : 7.1 टक्के
सुकन्या समृद्धी खाते (Sukanya Samridhi Yojna) : 8.0 टक्के
ज्येष्ठ नागरिक बचत योजना : 8.2 टक्के
मासिक उत्पन्न योजना: 7.4 टक्के
स्मॉल सेव्हिंग स्कीम योजनेचे तीन प्रकार आहेत. बचत योजना, सामाजिक सुरक्षा योजना आणि मासिक उत्पन्न योजना. बचत योजनांमध्ये 1 ते 3 वर्षांची ठेव योजना, 5 वर्षांची आरडी, राष्ट्रीय बचत प्रमाणपत्र (NSC) आणि किसान विकास पत्र (KVP) सारखी बचत प्रमाणपत्रे देखील समाविष्ट आहेत. सामाजिक सुरक्षा योजनांमध्ये सार्वजनिक भविष्य निर्वाह निधी (PPF), सुकन्या समृद्धी योजना आणि ज्येष्ठ नागरिक बचत योजना यांचा समावेश होतो.
(Disclaimer : ही बातमी वाचकांच्या माहितीसाठी आहे. कोणत्याही गुंतवणूक योजनेत गुंतवणूक करताना जोखीम समजून घ्या. या गुंतवणूक योजनांमधील अटी-नियम समजून घ्या. गुंतवणूक योजनेत गुंतवणूक करण्यापूर्वी आर्थिक सल्लागारांचा सल्ला घ्यावा.)
Before You Go
Shiv Sena SC Hearing Special Report : निवडणूक आयोगावर गंभीर आरोप..शिवसेनेच्या सुनावणीत काय घडलं?
महत्त्वाच्या बातम्या
