EPFO : पीएफ खातेधारकांनी लवकरात लवकर करुन घ्या ई-नॉमिनेशन, मिळतील 'हे' जबरदस्त फायदे

EPFO E-Nomination : ईपीएफओ (EPFO) पीएफ खातेधारकांना लवकरात लवकर ई-नॉमिनेशन (E-Nomination) केले नसेल तर 31 मार्चपूर्वी करुन घ्या. प्रत्येक व्यक्तीच्या पगाराचा काही भाग पीएफ म्हणून दर महिन्याला कापला जातो. हे पैसे कर्मचाऱ्याला त्याच्या निवृत्तीनंतर दिले जातात. परंतु, अनेक वेळा खातेदाराच्या मृत्यूनंतर पीएफ खात्यात जमा केलेले पैसे खातेदाराच्या नॉमिनीला दिले जातात. परंतु, असे अनेक लोक आहेत ज्यांनी अद्याप त्यांच्या पीएफ खात्यात नॉमिनी जोडलेला नाही. त्यामुळे त्यांचे मोठे नुकसान होऊ शकते. आज आम्ही तुम्हाला पीएफ खात्यातील ई-नॉमिनेशनचे तीन मोठे फायदे सांगणार आहोत.

पैसे काढण्यात कोणतीही अडचण येणार नाही
जर तुम्ही अद्याप तुमच्या पीएफ खात्यात नॉमिनीचे नाव टाकले नसेल तर तुम्हाला भविष्यात मोठ्या समस्येला सामोरे जावे लागू शकते. नॉमिनी न जोडल्यास, तुम्ही वैद्यकीय खर्च आणि कोविड आणीबाणी व्यतिरिक्त इतर गरजांसाठी पैसे काढू शकणार नाही. त्यामुळे, जर तुम्ही अद्याप ई-नॉमिनेशनचे केले नसेल, तर ती आजच करा.

7 लाखांपर्यंत विम्याचा लाभ
पीएफ खातेधारकांना कर्मचारी पेन्शन योजना आणि कर्मचारी ठेव लिंक्ड विमा योजना (EDLI) मधून 7 लाखांपर्यंतच्या विम्याचा लाभ मिळतो. परंतु, तुमच्या खात्यात ई-नॉमिनेशनची प्रक्रिया पूर्ण झाल्यावरच या योजनांचा लाभ घेता येईल. एखाद्या खातेदाराचा अपघाती मृत्यू झाल्यास, नामांकित व्यक्तीला कर्मचारी ठेव लिंक्ड विमा योजनेंतर्गत विम्याची रक्कम मिळेल.

ई-नॉमिनेशन करण्याची प्रक्रिया

1. पीएफ खात्यामध्ये ई-नॉमिनेशनची प्रक्रिया पूर्ण करायची असल्यास, EPFO ​च्या अधिकृत वेबसाइट  https://www.epfindia.gov.in/site_en/index.php  वर क्लिक करा.

2. येथे Service पर्याय निवडा.
3. त्यानंतर तुमचा UAN नंबर आणि पासवर्ड टाका.
4. लॉगिन केल्यानंतर, तुमच्या नॉमिनीचा आधार क्रमांक, नाव, जन्मतारीख इत्यादी सर्व माहिती भरा.
5. यानंतर, शेवटी सेव्ह ईपीएफ नामांकन भरून तुमचे ई-नॉमिनेशन पूर्ण करा.

महत्त्वाच्या इतर बातम्या :

• Security Alert : सावधान! तुमच्या फोनमध्ये 'हा' धोकादायक अ‍ॅप आहे? फेसबुकवरून डेटा चोरतो, लगेच डिलीट करा
• Car : पेट्रोल की डिझेल कार? सर्वोत्तम कार कशी निवडावी? 'या' गोष्टींची काळजी घ्या
• RBI Recruitment 2022 : रिझर्व्ह बँक ऑफ इंडियामध्ये बंपर भरती, 'या' तारखेपासून करता येणार अर्ज

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha