Upcoming IPO Release: पुढील आठवड्यात चार मोठ्या कंपन्या आपला IPO जारी करणार, वाचा सविस्तर
सोना कॉमस्टार (Sona Comstar), श्याम मेटलिक्स (Shyam Metalics), डोडला डेअरी (Dodla Dairy) आणि केआयएमएस रुग्णालये (KIMS Haspitals) या कंपन्या आपला IPO बाजारात आणणार आहेत.
गेल्या काही आठवड्यांच्या शांततेनंतर IPO मार्केटमध्ये आता पुन्हा हालचाली वाढल्या आहेत. पुढील आठवड्यात एक-दोन नव्हे तर 4 कंपन्या त्यांचा इश्यू जारी करणार आहेत. यामध्ये सोना कॉमस्टार (Sona Comstar), श्याम मेटलिक्स (Shyam Metalics), डोडला डेअरी (Dodla Dairy) आणि केआयएमएस रुग्णालये (KIMS Haspitals) आहेत.
यावर्षी म्हणजे 2021 मध्ये आतापर्यंत 19 IPO आले आहेत, ज्याद्वारे 29,000 कोटींपेक्षा जास्त रक्कम जमा झाली आहे. यामध्ये ब्रूकफिल्ड REIT आणि पॉवरग्रीड इन्फ्रास्ट्रक्चर इन्व्हेस्टमेंट ट्रस्टचा समावेश आहे. पुढील आठवड्यात येत असलेले 4 आयपीओ एकूण 9,122.92 कोटी रुपये जमा करु शकतात.
Sona BLW Precision Forgings (Sona Comstar)
देशातील सर्वात मोठी ऑटो पार्ट्स निर्माता कंपनी सोना कॉमस्टारचा आयपीओ 14 जून रोजी खुला होईल आणि 16 जून रोजी बंद होईल. याची किंमत बँड 285-291 निश्चित केली गेली आहे. कंपनीने यातून 5500 कोटी रुपये उभे करण्याची योजना आखली आहे. यात 300 कोटींचा फ्रेश इश्यू आणि 5,350 कोटी रुपयांचा ऑफर फॉर सेलचा समावेश आहे. कंपनीने फ्रेश इश्यूद्वारे जमा केलेली 241.12 कोटी रुपये रक्कम कर्ज फेडण्यासाठी वापरणार आहे. यामध्ये किमान 51 शेअर्सची बोली लावता येईल.
श्याम मेटलिक्स अँड एनर्जी लि. (Shyam Metalics and Energy Ltd)
श्याम मेटलिक्स अँड एनर्जी लि. (Shyam Metalics and Energy Ltd) चे आयपीओ 14 जून रोजी खुले होतील आणि 16 जून रोजी बंद होतील. कंपनी इश्यूमधून 909 कोटी रुपये जमा करण्याची तयारी करत आहे. इश्यूची प्राईज बँड 303-306 कोटी रुपये आहे. त्याचा लॉट साइज 48 शेअर्सचा आहे. हा आयपीओ 11 जून रोजी अँकर इन्वेस्टर्ससाठी खुला होईल. या पब्लिक इश्यूसाठी कंपनी 657 कोटी रुपयांचे फ्रेश इक्विटी शेअर्स जारी करेल.
त्याचबरोबर कंपनीचे प्रमोटर आणि विद्यमान इन्वेस्टर ऑफर फॉर सेल (OFS) मार्फत 252 कोटी रुपयांचे शेअर्स जारी केले जातील. या आयपीओद्वारे उभारलेले 657 कोटी रुपये कंपनी स्वतःचे आणि त्याच्या सहयोगी कंपनी SSPL चे कर्ज फेडण्यासाठी वापरेल.
डोडला डेअरी (Dodla Dairy)
हैदराबादस्थित कंपनी डोडला डेअरीचा आयपीओ 16 जून रोजी खुला होईल आणि 18 जून रोजी बंद होईल. इश्यूची प्राईज बँड 421-428 रुपये निश्चित केली गेली आहे. आयपीओमध्ये 50 कोटींचा फ्रेश इश्यू असेल आणि 1,09,85,444 शेअर्सच्या विक्रीची ऑफर असेल. विक्रीच्या ऑफरमध्ये टीजीपी डोडला डेअरी 92 लाख शेअर्स, डोडला सुनील रेड्डी 4,16,604 इक्विटी शेअर्स, दोडला फॅमिली ट्रस्ट 10,41,509 इक्विटी शेअर्स आणि दोडला दीपा रेड्डी. रेड्डी) 3,27,331 शेअर्सची विक्री करणार आहेत. डोडला सुनील रेड्डी, डोडला फॅमिली ट्रस्ट आणि डोडला दीपा रेड्डी हे प्रमोटर ग्रुपचा एक भाग आहेत. या आयपीओचा लॉट साइज 35 शेअर्सचा आहे.
किम्स रुग्णालये (KIMS Hospitals)
कृष्णा इन्स्टिट्यूट ऑफ मेडिकल सायन्सेसचा (KIMS Hospitals) आयपीओ 16 जून रोजी खुलो होईल आणि 18 जून रोजी बंद होईल. या आयपीओचा प्राईज बँड 815-825 रुपये आहे. आयपीओमध्ये 200 कोटींचा फ्रेश इश्यू आणि 2,35,60,538 इक्विटी शेअर्स विक्रीची ऑफर असेल. ऑफर फॉर सेलमध्ये जनरल अटलांटिक सिंगापूर केएचचे (General Atlantic Singapore KH) 1,60,03,615 इक्विटी शेअर्स आहेत. डॉ. भास्कर राव 3,87,966 शेअर्स, राजश्री (Rajyasri Billineni) यांचे 7,75,933 इक्विटी शेअर्स आहेत. Bollineni Ramanaiah Memorial Hospitals च्या मालकीचे 3,87,966 इक्विटी शेअर्स आणि इतर भागधारक 60,05,058 इक्विटी शेअर्सची विक्री करतील. आयपीओमध्ये 20 कोटी रुपयांचे शेअर्स कर्मचार्‍यांसाठी राखीव आहेत. इश्यूचा लॉट साइज 18 शेअर्सचा असेल. कंपनी आयपीओकडून उभारलेल्या पैशाचा उपयोग आपल्या कामकाजाच्या गरजा भागवण्यासाठी करेल आणि 150 कोटींचे कर्ज फेडेल.
महत्त्वाच्या बातम्या
