BR Shetty: 18000 कोटींची कंपनी विकली 74 रुपयांना, 'या' कारणामुळं करोडपती झाला कंगाल 

दुबईच्या आरोग्य क्षेत्रावर एकेकाळी राज्य करणारे मूळ भारतीय असलेले करोडपती बी आर शेट्टी यांना आपली 18000 कोटी रुपयांची कंपनी अवघ्या 74 रुपयांना विकली आहे.

BR Shetty

BR Shetty : दुबईच्या आरोग्य क्षेत्रावर एकेकाळी राज्य करणारे मूळ भारतीय असलेले उद्योगपती बी आर शेट्टी (BR Shetty) यांनी आपली 18000 कोटी रुपयांची कंपनी अवघ्या 74 रुपयांना विकली आहे. फक्त एका ट्विटमुळं करोडपती असलेल्या बी आर शेट्टी यांना कंगाल व्हावं लागलं आहे. हा प्रकार घडण्याचे नेमके कारण काय? यामागील कारण जाणून तुम्हाला आश्चर्य वाटेल.

भारतीय वंशाचे उद्योगपती बी आर शेट्टी यांचे नाव एकेकाळी करोडपती उद्योगपतींच्या यादीत समाविष्ट होते. मात्र, एका ट्विटने त्यांना कंगाल केलं आहे. बी आर शेट्टी हे एकूण 18,000 कोटी रुपयांचा म्हणजेच सुमारे 3.15 अब्ज डॉलर्सचे मालक होते. त्यांच्याकडे दुबईत अनेक व्हिला, रोल्स रॉयस आणि मेबॅक सारख्या आलिशान कार आणि खासगी जेट विमान होते. पण बदलत्या काळानुसार बी आर शेट्टींच्या 18,000 कोटी रुपयांच्या कंपनीचे मूल्य केवळ 74 रुपये झाले. गेल्या दशकात एक कंपनी दिवाळखोरीत निघाली आहे.

बी.आर.शेट्टी यांनी कंपनीची सुरुवात कशी केली 

बावगुथू रघुराम शेट्टी कामाच्या नवीन संधी शोधण्यासाठी केवळ 8 डॉलर्स घेऊन आखाती देशात पोहोचले होते. रात्रंदिवस मेहनत घेऊन त्यांनी UAE मध्ये NMC Health नावाची सर्वात मोठी आरोग्य कंपनी स्थापन केली होती. काही वर्षांतच त्यांचे नाव दुबईसह जगातील श्रीमंतांच्या यादीत आले. बीआर शेट्टी यांनी बुर्ज खलिफा या जगातील सर्वात उंच इमारतीत दोन मजले 25 दशलक्ष डॉलर्समध्ये खरेदी केले होते. हे करोडपती भव्य पार्ट्यांसाठीही ओळखले जात होते. 

2019 मध्ये एका ट्विटने सगळ्या संपत्तीवर फिरवले पाणी

2019 मध्ये, यूके स्थित कंपनी मडी वॉटर्सच्या ट्विटने बी आर शेट्टीची कंपनी दिवाळखोर केली. मड्डी वॉटर हे कार्सन ब्लॉक नावाच्या शॉर्ट सेलरद्वारे चालवले जात होते. या ट्विटनंतर या शॉर्ट सेलर कंपनीने बी आर शेट्टी यांच्या कंपनीचा अहवाल प्रसिद्ध केला. कंपनीवर 1 अब्ज डॉलर्सचे कर्ज लपवल्याचा गंभीर आरोप करण्यात आला होता. हा अहवाल आल्यानंतर, एनएमसी आरोग्याची स्थिती इतकी वाईट झाली की 18,000 कोटी रुपयांचे मार्केट कॅप असलेली कंपनी इस्रायल आणि यूएईस्थित कंपनीला अवघ्या 1 डॉलरला विकली गेली. यानंतर, त्याच्या मूल्यांकनात सतत घट होत गेली आणि शेवटी ही कंपनी केवळ 1 डॉलरच्या किंमतीला विकली गेली.

महत्त्वाच्या बातम्या: