EPFO कडून मोठी घोषणा, आता 5 लाख रुपयांपर्यंत पीएफ अॅडव्हान्स मिळणार, कर्मचाऱ्यांकडून निर्णयाचं स्वागत
EPFO नं जारी केलेल्या आकडेवारीनुसार एप्रिल महिन्यात 19.14 लाख सदस्य जोडले गेले. ईपीएफओनं पीएफ अॅडव्हान्ससंदर्भात मोठी घोषणा केली आहे.
नवी दिल्ली : ईपीएफओच्या सदस्यांना दिलासा देणारी अपडेट समोर आली आहे. जर तुम्हाला पीएफच्या खात्यातून काही कारणांसाठी अॅडव्हान्स म्हणून पैसे काढायचे असतील तर वाट पाहावी लागणार नाही. सरकारनं ऑटो क्लेम सेटलमेंटची मर्यादा 1 लाख रुपयांवरुन 5 लाख रुपये करण्यात आली आहे. ही माहिती केंद्रीय श्रम आणि रोजगार मंत्री मनसुख मांडवीय यांनी दिली आहे.
ईपीएफओनं पीएफ अॅडव्हान्स क्लेम सेटलमेंटची ऑटो अप्रुव्हलची प्रक्रिया करोना संसर्गाच्या काळात सुरु केली होती. लोकांना कमी कालावधीत पैसे उपलब्ध व्हावेत यासाठी ही प्रक्रिया सुरु करण्यात आली होती. आतापर्यंत ऑटो क्लेम सेटलमेंटच्या दाव्यांसाठी रक्कम काढण्याची मर्यादा 1 लाख रुपयांपर्यंत होती. ती 5 लाख रुपयांपर्यंत वाढवण्यात आली आहे. याचा फायदा आपत्कालीन स्थितीमध्ये ज्यांना पैसे हवेत त्यांच्यासाठी फायदेशीर ठरेल.
सोशल मीडियावर निर्णयाचं स्वागत
सोशल मिडिया प्लॅटफॉर्म एक्सवर या निर्णयासंदर्भात नेटकऱ्यांनी एपीएफओचं कौतुक केलं. एका यूजरनं म्हटलं की ईपीएफओनं हे चांगलं पाऊल उचललं आहे. ज्यांना पैशांची तातडीनं गरज असते त्यांना 5 लाख रुपयांपर्यंतच्या ऑटो क्लेम सेटलमेंटच्या नियमाचा फायदा होईल. ही फक्त सुविधा नसून कर्मचाऱ्यांचा सन्मान आहे.
एप्रिलच्या नव्या 19 लाख सदस्यांची नोंदणी
ईपीएफओच्या एप्रिलच्या आकडेवारीनुसार 19.14 लाख सदस्य जोडले गेले. मार्च 2025 च्या तुलनेत 31.31 टक्के वाढ झाली आहे. गेल्या वर्षीच्या एप्रिलच्या तुलनेत 1.17 टक्के वाढ झाली आहे. नव्या सदस्यांच्या नोंदणीमध्ये 18 ते 25 लाख तरुणांचा समावेश आहे. तरुणांच्या आकडेवारीची संख्या 4.89 लाख इतकी आहे. जी नव्या सदस्यांचा 57.67 टक्के इतकी आहे.
महाराष्ट्र टॉपवर
ईपीएफओकडे एप्रिलमध्ये नोंदणी झालेल्या एकूण सदस्याच्या संख्येत महाराष्ट्र आघाडीवर आहे. महाराष्ट्रातून सर्वाधिक सदस्यांची नोंदणी करण्यात आली.एप्रिलमध्ये 15.77 लाख सदस्य पुन्हा ईपीएफओशी जोडले गेले.
पीएफ खात्यातून पैसे कसे काढायचे?
ईपीएफओ खात्यातून पैसे काढण्यासाठी तुम्हाला ईपीएफओ यूएएन पोर्टलवर लॉगीन करावं लागेल. तुमचा यूएएन क्रमांक आणि पासवर्ड नोंदवून लॉगीन करा. यानंतर तुम्हाला ऑनलाईन सर्व्हिसेस पर्यायावर क्लिक करा. यानंतर क्लेम फॉर्म 31 वर क्लिक करुन पुढे जा. यानंतर तुम्हाला तुमचा बँक खाते क्रमांक नोंदवावा लागेल. बँक खाते क्रमांक नोंदवून तो वेरिफाय केल्यानंतर पुढचे पर्याय उपलब्ध होतील. पीएफ खाते पासबूक क्रमांक निवडून आणि कोणत्या कारणासाठी रक्कम हवीय ती नोंदवा. यानंतर किती रक्कम काढायची आहे, ती नोंदवा. यानंतर आधार ओटीपीद्वारे फॉर्म सबमिट करा. ऑटो क्लेम सेटलमेंटमुळं तीन ते चार दिवसात पैसे खात्यात येऊ शकतील.
महत्त्वाच्या बातम्या
