Ways to Save Money | तज्ञांच्या मते पैसे वाचवण्याचे जिनियस मार्ग!

जतन केलेला पैसा म्हणजे कमावलेला पैसा असतो. आर्थिक तज्ञ किम्बर्ले उझेल सुचवतात की काही सोप्या नियमांचे पालन केल्यास मोठा फरक पडू शकतो.

संग्रहित छायाचित्र

कोरोना महामारीमुळे जगभरातील अर्थचक्र विस्कटले आहे. अशात सर्वसामान्यांचे तर प्रचंड हाल होत आहे. कोट्यवधी लोक या काळात बेरोजगार झाले आहे. त्यामुळे पैशांचे व्यवस्थापन आता प्रत्येकासाठी महत्वाचे झाले आहे. जतन केलेला पैसा म्हणजे कमावलेला पैसा असतो. आर्थिक तज्ञ किम्बर्ले उझेल सुचवतात की काही सोप्या नियमांचे पालन केल्यास मोठा फरक पडू शकतो. चला तर मग पैशाचे व्यवस्थापन कसे करावे याविषयी जाणून घेऊ.

द मनी मूव्हमेंटचे संस्थापक म्हणतात, की "तुमची मानसिकता, तुमच्या खर्चाच्या सवयी किंवा तुमचे आर्थिक भविष्य बदलण्यास कधीही उशीर झालेला नाही." "बचत करणे कठीण किंवा कंटाळवाणे नाही. कधीकधी आपल्याला फक्त चौकटीच्या बाहेर थोडा विचार करण्याची आवश्यकता असते. आपल्या सभोवतालचे सकारात्मक प्रोत्साहन आणि कल्पना अनंत आहेत. पर्सनल कम्पॅरिझन साइट फाइंडर डॉट कॉमचे (Personal comparison site Finder.com) सीईओ जॉन ओस्टलर म्हणाले की कोविड 19 संकट हे तुमच्या आर्थिक पुनर्मूल्यांकनाची संधी असू शकते.

ते म्हणाले, की “ कोरोना महामारीनंतर जगभरात काही लोकांनी डिस्पोजेबल उत्पन्न बाजूला ठेवणे सुरू केले आहे. कोरोनामुळे अनेकांनी त्यांचे उत्पन्न थोड्या अधिक बारकाईने तपासले, खर्च करण्याच्या सवयी, बचत आणि भविष्यातील आर्थिक उद्दिष्टांबद्दल अधिक विचार केला."

खरेदी आणि खर्च कमी करून पैसे वाचवण्याच्या तज्ञांच्या कल्पना

1. खरेदी करताना वेळ मर्यादा निश्चित करा
फॉर्च्युन 500 टेक कंपन्यांचे कार्यकारी बेक्का पॉवर्स सुचवतात की सर्जनशील खरेदी करताना खर्च कमी करू शकतो.
खरेदी करायला जाण्यापूर्वी काय घ्यायचं आहे? तेच घेऊन लगेच माघारी फिरा.
लोकं दोन वस्तूंसाठी स्टोअरमध्ये जातात अन् त्यांची कार्ट (गाडी) पूर्ण भरेपर्यंत खरेदीच करतात.
"तुम्हाला माहिती आहे का की स्टोअर तुम्हाला खरेदी करण्यासाठी ठेवण्यात आले आहेत? विशेषतः, किराणा आणि किरकोळ दोन्ही स्टोअर. तुम्हाला जास्त खरेदी करण्यापासून रोखण्यासाठी स्वतःवर वेळ मर्यादा निश्चित करा."

छंद म्हणून शॉपिंग करायचं सोडून द्या
ब्रायना फायरस्टोनचे संस्थापक, मनी मॅनेजमेंट साइट द स्कूल ऑफ बेट्टी म्हणतात की छंद म्हणून शॉपिग करणे सोडून द्या.
सर्व्हेक्षणानुसार व्यक्त नसलेली लोकं इतरांच्या तुलनेत जास्त खरेदी करतात. त्यामुळे अनेक लोकं व्यस्त राहण्यासाठी कामाची यादीच तयार करतात.
तुम्हाला स्वतःला खरोखरच वस्तूंची गरज आहे का? की फक्त आवडतं म्हणून खरेदी करता? असा प्रश्न स्वतःला विचारा.

सेकंडहँड खरेदी करा
नॉर्वेजियन खरेदी/पुनर्विक्री प्लॅटफॉर्म आणि सामाजिक बाजारपेठचे सह-संस्थापक आणि मुख्य कार्यकारी अधिकारी एरिक रिमे सूचित करतात की सेकंडहँड फॅशन "पैसे आणि पर्यावरण दोन्ही कसे वाचवू शकतात." तुम्ही कमी पैशात चांगले ब्रँड सेकंडहँडमध्ये घेऊ शकतात.

अनावश्यक अॅप्स डिलीट करा..
फाइंडर डॉट कॉमचे जॉन ओस्टलर म्हणतात, की आपण गरज नसताना अनेक अॅप्सचे सबस्क्रिप्शन घेऊन ठेवतो. तेव्हा पुन्हा एकदा विचार करा की ही अॅप्स आपल्याला आवश्यक आहे का? नसेल तर अनसबस्क्राईब करा.

फ्रिलान्स..
अमेझ या बिझनेस बँकिंग अॅपचे यूके एमडी स्टीव्ह टकलालसिंग सांगतात की फ्रिलान्स काम करताना पैसे वाचवण्याच्या भरपूर संधी आहेत.

कॅश-बॅक शॉपिंग पोर्टल वापरा
गुंतवणूक सल्लागार आणि लाईफलायडआऊटचे संस्थापक रॉजर मा यांनी सांगितले की कॅश-बॅक शॉपिंग पोर्टलचा वापर केल्यानेही तुमचे पैसे वाचण्याची शक्यता वाढते.