Bank Strike : संप पुढे ढकलला; मार्चमध्ये 'या' तारखेला होणार संप, जाणून घ्या

मिळालेल्या माहितीनुसार हा संप आता पुढील महिन्यात मार्चमध्ये होणार आहे.

Bank-Strike-3

Bank Strike : बँकांच्या खाजगीकरणाच्या निषेधार्थ, कर्मचारी आणि कामगार संघटनांनी फेब्रुवारी महिन्यात दोन दिवसांचा संप जाहीर केला होता, सेंट्रल ट्रेड युनियन (CTU)आणि इतर संघटनांनी 23 आणि 24 फेब्रुवारी रोजी बँक संपाची घोषणा केली होती, मात्र आता मिळालेल्या माहितीनुसार हा संप आता पुढील महिन्यात मार्चमध्ये होणार आहे. जाणून घ्या सविस्तर

 

हा संप आता पुढील महिन्यात मार्चमध्ये होणार
23 आणि 24 फेब्रुवारीला हा संप पुकारण्यात आला होता. मात्र आता यावर ताजे अपडेट असे आले आहे की, हा संप आता 28 आणि 29 मार्चपर्यंत पुढे ढकलण्यात आला आहे. या संपात देशभरातील सर्व बँकांचे कर्मचारी सहभागी होणार आहेत. ऑल इंडिया बँक एम्प्लॉईज असोसिएशन (AIBEA) च्या केंद्रीय समितीने या संपात सहभागी होण्याचा निर्णय घेतला आहे. सार्वजनिक क्षेत्रातील बँकांच्या खाजगीकरणाच्या सरकारच्या योजनेला विरोध करण्यासाठी बँक संघटनांनी गेल्या महिन्यात 16 आणि 17 डिसेंबर रोजी संप केला होता. त्यानंतर बँक संपाचा परिणाम एसबीआय, पीएनबी, सेंट्रल बँक आणि आरबीएल बँकेच्या कामकाजावर झाला. चेक क्लिअरन्स, फंड ट्रान्सफर, डेबिट कार्ड यासंबंधीचे कामही रखडले होते.

खासगीकरणाच्या विरोधात आंदोलनाची घोषणा

ऑल इंडिया बँक ऑफिसर्स कन्फेडरेशन (एआईबीओसी) ने सरकारी बँकांच्या खासगीकरणाच्या विरोधात आंदोलनाची घोषणा केली होती. हा संप देशातील सार्वजनिक क्षेत्रातील बँकांना वाचवण्यासाठी असल्याचे बँक कर्मचाऱ्यांच्या संघटनांनी म्हटले आहे. बँकांच्या खासगीकरणामुळे सर्वसामान्य नागरिकांच्या बँकिंग अधिकाराचे हनन होण्याची भीती व्यक्त केली जात आहे. सार्वजनिक क्षेत्रातून बँक उद्योग गेल्यास याचा मोठा फटका सामान्य नागरिकांना अधिक बसणार आहे. या देशातील सामान्य नागरिकांचे बँकिंग अधिकार आणि त्याद्वारे आर्थिक विकासासाठी मिळणाऱ्या सोयी सवलती वाचवण्यासाठी असल्याचे बँक कर्मचाऱ्यांनी म्हटले आहे

विलनीकरण अथवा खासगीकरण करण्याचे सूतोवाच

अर्थमंत्री निर्मला सीतारामन यांनी 1 फेब्रुवारी 2021 रोजी सादर केलेल्या अर्थसंकल्पात बँकांच्या खाजगीकरणाची घोषणा केली होती. आता सरकारने त्यादृष्टीने वेगाने तयारी सुरू केली आहे. याशिवाय सरकार या संसदेच्या हिवाळी अधिवेशनात बँकिंग कायदा दुरुस्ती विधेयक आणण्याच्या तयारीत असल्याचेही सांगण्यात येत आहे. केंद्र सरकार सार्वजनिक क्षेत्रातील काही मोजक्याच बँका ठेवणार आहे. इतर बँकांचे विलनीकरण अथवा खासगीकरण करण्याचे सूतोवाच याआधीच करण्यात आले आहे. बँकाच्या खासगीकरणाबाबत यूनायटेड फोरम ऑफ बँक यूनियनने (UFBU) संप पुकारला आहे. UFBU हा सरकारी बँकांच्या हे यूनियनचा संयुक्त मंच आहे. UFBU ने 23 आणि 24 फेब्रुवारीला संप पुकारणार आहे. या अगोदर यूनायटेड फोरम ऑफ बँक यूनियनने दोन सरकारी बँकांच्या खासगीकरणाच्या विरोधात 15 आणि 16 मार्च 2021  संप पुकारला होता. त्यानंतर 16 आणि 17 2021 डिसेंबरला बँकिंग कायदा अधिनियम 2021 च्या विरोधात संप पुकारला होता.

 

इतर महत्त्वाच्या बातम्या :

 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha