राम मंदिर परिसरात लावणार 56 प्रजातींची रोपे, महाराष्ट्रातून 7 हजाराहून अधिक कुंड्या आणि रोपे दाखल
Ayodhya Ram Mandir Inauguration : राम मंदिर परिसरात 56 प्रजातींची अनेक रोपे लावली जात आहेत. यामध्ये महाराष्ट्रातून 7 हजाराहून अधिक कुंड्या आणि विविध प्रकारची झाडे अयोध्येत पोहोचली आहेत.
Ayodhya Ram Mandir Inauguration : राम मंदिर उद्घाटनाचा (Ayodhya Ram Mandir) सोहळा काही तासांवर आला आहे. उद्या (22 जानेवारी) राम मंदिर उद्घाटन सोहळा संपन्न होणार आहे. या पार्श्वभूमीवर राम मंदिर परिसरात 56 प्रजातींची अनेक रोपे लावली जात आहेत. यामध्ये महाराष्ट्रातून 7 हजाराहून अधिक कुंड्या आणि विविध प्रकारची झाडे अयोध्येत पोहोचली आहेत. सध्या देशी-विदेशी फुलांनी राम मंदिर सजवण्यात आलं आहे.
राम मंदिर परिसरात 56 प्रजातींची झाडे लावण्यात येणार आहेत. यामध्ये अॅग्लोनेमा रेड-लिपस्टिक, पिंक, अलोकॅशिया ब्लॅक वेल्वेट- कुकुलटा, वेस्टिल, फिलोडेंड्रॉन रिंग ऑफ फायर-बर्किन, झेनाडू, रेड काँगो, पिंक फायर, पिंक प्रिन्सेस, डायफेनबॅचिया व्हाईट इत्यादी प्रमुख आहेत. रामजन्मभूमी तीर्थ क्षेत्र ट्रस्ट आणि उत्तर प्रदेश वन विभागाच्या वतीने येथे अभिषेक कार्यक्रमासाठी रोपे असलेल्या कुंड्यांची सजावट करण्यात येत आहे. या कुंड्यांमध्ये विविध प्रकारची देशी-विदेशी फुले असतील.
22 जानेवारीला संपूर्ण राम मंदिर परिसर सजवला जाणार
22 जानेवारीला संपूर्ण राम मंदिर परिसर सजवला जाणार आहे. फुलांच्या सजावटीबरोबरच येथे कुंड्याही बसविल्या जात आहेत. त्यासाठी महाराष्ट्रातून साडेसात हजारांहून अधिक कुंड्या आणि झाडे आली आहेत. तीर्थ क्षेत्र ट्रस्ट आणि उत्तर प्रदेश वनविभागाच्या वतीने या परिसरात सजावट करण्यात येत आहे. झाडे आणि वनस्पतींच्या सुगंधाने पर्यटक मंत्रमुग्ध व्हावेत, हा उद्देश आहे. राम मंदिर परिसरात 56 प्रजातींची रोपे लावली जात आहेत. यामध्ये अॅग्लोनेमा रेड-लिपस्टिक, पिंक, अलोकेशिया ब्लॅक वेल्वेट- कुकुलटा, वेस्टिल, फिलोडेंड्रॉन रिंग ऑफ फायर-बर्किन, झेनाडू, रेड काँगो, पिंक फायर, पिंक प्रिन्सेस, डायफेनबॅचिया व्हाईट, होमलोमेना ब्रॉन्झ, कॅलेडियम मिक्स, मेलपिघिया श्रीराम, ड्रॅकेना, ड्रॅकेना, सेफलेरा, व्हेरिगेटेड, लोरोपेटालम, रडार माचेरा, डायफेनबॅचिया बोमनी, मॉन्स्टेरा डेलिसिओसा, आर्केड मिक्स, पीस लिली इत्यादींचा समावेश आहे.
नक्षत्र वाटिका
जन्मभूमी संकुलात स्थापन झालेल्या नक्षत्र वाटिकेचे सौंदर्यही थक्क करणारे आहे. हिरवाई लक्षात घेऊन नक्षत्र वाटिकेत तयार केलेली झाडे या ठिकाणचे सौंदर्य आणि वातावरण दिव्य बनवतील. रामजन्मभूमी संकुलात रामायण काळातील वैभव दाखविणाऱ्या नक्षत्र वाटिकेत 27 नक्षत्रांशी संबंधित 27 झाडे लावण्यात आली आहेत. राममंदिर परिसर हिरवागार असावा, यासाठी संपूर्ण प्रांगणातील हिरवळीची विशेष काळजी घेतली जात आहे. विशेष म्हणजे मुख्यमंत्री योगी आदित्यनाथ यांनीही नक्षत्र वाटिकेत रोपटे लावले होते. रामायण काळातील वृक्षांमध्ये पिंपळ, पाकड, कडुनिंब, गुटेल, महुआ, शिशम, खैर, पळस, बेल, माउलीश्री, शमी, कदंब, आंबा, अर्जुन, गुलार, साल, वड, आवळा आदी वृक्षांची रोपे आहेत.
महत्त्वाच्या बातम्या:
Ram Lalla Pran Pratishtha : 10 लाख दिव्यांनी उजळणार अयोध्या, प्राणप्रतिष्ठा सोहळ्यानंतर शरयू नदीकाठावर 'रामज्योती'
महत्त्वाच्या बातम्या
