Weekly Horoscope 26 August To 01 September 2024 : तूळ, वृश्चिक, धनु, मकर, कुंभ आणि मीन राशीसाठी नवीन आठवडा कसा राहील? साप्ताहिक राशीभविष्य जाणून घ्या

Weekly Horoscope 26 August To 01 September 2024 : ऑगस्ट महिन्याचा शेवटचा आठवडा तुमच्यासाठी कसा असेल? तुमचा व्यवसाय, करिअर, आरोग्य आणि लव्ह लाईफ या काळात कशी असेल? यासाठी साप्ताहिक राशीभविष्य जाणून घ्या.

Weekly Horoscope 26 August To 01 September 2024

Source : ABP Web Team

Weekly Horoscope 26 August To 01 September 2024 : ऑगस्ट महिन्यातला शेवटचा आठवडा लवकरच सुरु होणार आहे. सण-समारंभांनी परिपूर्ण असलेला हा महिना सर्व राशींसाठी खास असणार आहे. तसेच आठवड्याच्या पहिल्याच दिवशी जन्माष्टमी आणि दहीहंडीचा उत्सव असल्या कारणाने या दिवसाचं महत्त्व अधिक वाढलं आहे. हा आठवडा काही राशींसाठी खूप शुभ असणार आहे. त्यामुळे ऑगस्ट महिन्याचा शेवटचा आठवडा तुमच्यासाठी कसा असेल? तुमचा व्यवसाय, करिअर, आरोग्य आणि लव्ह लाईफ या काळात कशी असेल? यासाठी तूळ ते मीन राशींचे साप्ताहिक राशीभविष्य (Weekly Horoscope) जाणून घ्या.

तूळ रास (Libra Weekly Horoscope)

तूळ राशीच्या लोकांसाठी नवीन आठवडा चांगला असणार आहे. जन्माष्टमीचा उत्सव असल्या कारणाने तुम्हाला अनेक गोष्टींचा लाभ मिळेल. तुमची आर्थिक स्थिती चांगली असणार आहे. जर तुम्हाला या आठवड्यात नवीन वाहन खरेदी करायचं असेल तर त्यासाठी हा काळ चांगला असणार आहे. तसेच, नवीन व्यवसाय जर तुम्हाला स्थापन करायचा असेल तर त्यासाठी तुम्ही योजना आखू शकता. तसेच, नवीन आठवडा हा विद्यार्थ्यांसाठीसुद्धा खास असणार आहे. विद्यार्थी अभ्यासात चांगली प्रगती करतील. आठवड्याच्या शेवटी तुमच्या आरोग्याची काळजी घ्या. 

वृश्चिक रास (Scorpio Weekly Horoscope)

वृश्चिक राशीच्या लोकांसाठी नवीन आठवडा उत्साहाचा असणार आहे. या आठवड्यात तुम्ही तुमच्या राहिलेल्या इच्छा पूर्ण करु शकता. जर तुम्हाला नवीन काहीतरी शिकायचं असेल तर त्यासाठी हा काळ चांगला असणार आहे. आठवड्याच्या शेवटी तुम्हाला आर्थिक तंगीचा सामना करावा लागू शकतो. त्यामुळे आत्तापासूनच पैशांची बचत करा. 

धनु रास (Sagittarius Weekly Horoscope)

धनु राशीच्या लोकांसाठी नवीन आठवडा सामान्य असणार आहे. या आठवड्यात तुम्ही तुमच्या आरोग्याची काळजी घेतली पाहिजे. तसेच, एखाद्या धार्मिक स्थळाला देखील तुम्ही भेट देऊ शकता. या काळात मित्रांचा सहवास तु्म्हाला लाभेल. त्यांच्याशी संवाद साधून तुम्हाला फार छान वाटेल. तसेच, कुटुंबातील वातावरण प्रसन्न असणार आहे. त्यामुळे तुम्हाला जास्त ताण जाणवणार नाही. 

मकर रास (Capricorn Weekly Horoscope)

मकर राशीच्या लोकांसाठी नवीन आठवडा लाभदायक असणार आहे. कामाच्या ठिकाणी तुम्हाला प्रमोशन मिळण्याची शक्यता आहे. भगवान श्री कृष्णाचा आशीर्वाद तुमच्या पाठीशी असेल. फक्त कोणत्या गोष्टीत घाई करु नका. तसेच, मित्र-मंडळींबरोबर तुम्ही अनेक गोष्टी शेअर करु शकता. आठवड्याच्या ठेवटी कामाच्या ठिकाणी तुम्हाला तणाव जाणवेल. यासाठीच तुम्ही नियमित योग आणि व्यायाम, ध्यान करण्यास सुरुवात करा. 

कुंभ रास (Aquarius Weekly Horoscope)

कुंभ राशीच्या लोकांसाठी नवीन आठवडा संकटांचा असणार आहे. या आठवड्यात तुम्हाला एका पाठोपाठ संकटांचा सामना करावा लागू शकतो. यामुळे तुम्ही निराश होऊ शकता. मात्र, अशा वेळी खचून जाऊ नका. योग्य संधीची वाट बघा. एक दिवस तुम्हाला तुमच्या मेहनतीचं फळ मिळेल. 

मीन रास (Pisces Weekly Horoscope)

मीन राशीच्या लोकांसाठी नवीन आठवडा सामान्य असणार आहे. या आठवड्यात कामाच्या ठिकाणी तुम्हालास काही अडचणींचा सामना करावा लागू शकतो. तसेच, तुम्हाला आर्थिक नुकसानीचा सामना करावा लागू शकतो. अशा वेळी मित्रांचं सहकार्य तुमच्यासाठी फार महत्त्वाचं ठरणार आहे. जर तुम्ही एखाद्या विषयाचा अभ्यास करत असाल तर त्यात तुमचं मन रमेल. नवीन गोष्टी शिकण्याची जिज्ञासू वृत्ती दिसून येईल. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हेही वाचा :