Weekly Horoscope 04 To 10 November 2024 : पुढचे 7 दिवस सर्व 12 राशींसाठी ठरणार खास; कसा असणार नवीन आठवडा? वाचा साप्ताहिक राशीभविष्य

Weekly Horoscope 04 To 10 November 2024 : सर्व 12 राशींसाठी शिक्षण, करिअर, आरोग्याच्या संदर्भात मेष ते मीन राशींसाठी नवीन आठवडा नेमका कसा असणार ते जाणून घेऊयात. 

Weekly Horoscope 04 To 10 November 2024

Source : ABP Web Team

Weekly Horoscope 04 To 10 November 2024 : नोव्हेंबर महिन्याला सुरुवात झाली आहे. त्यानुसार, नोव्हेंबरचा पहिला आठवडा आजपासून सुरु झाला आहे. हा आठवडा अनेक राशींसाठी खास असणार आहे. तर, काही राशींसाठी हा आठवडा आव्हानात्मक असणार आहे. या आठवड्यात मोठ्या ग्रहांच्या देखील हालचाली होणार आहेत. त्यामुळे सर्व 12 राशींसाठी शिक्षण, करिअर, आरोग्याच्या संदर्भात मेष ते मीन राशींसाठी नवीन आठवडा (Weekly Horoscope) नेमका कसा असणार ते जाणून घेऊयात. 

मेष रास (Aries Horoscope)

मेष राशीच्या लोकांसाठी नोव्हेंबरचा पहिला आठवडा शुभ राहील. तुम्हाला तुमच्या कामात सकारात्मक परिणाम मिळतील. तुम्ही नोकरी करत असाल तर तुम्हाला चांगला बोनस मिळेल. तुमची आर्थिक स्थिती मजबूत असेल. कुटुंबातील महत्त्वाचे निर्णय घेऊ शकाल. प्रेम जीवनात अनुकूलता राहील. वैवाहिक जीवनात आनंद राहील. व्यवसायात नफा आणि वाढ होईल.

वृषभ रास (Taurus Horoscope)

वृषभ राशीच्या लोकांसाठी नवीन आठवडा उत्तम राहील. तुमची स्वप्नं साकार करण्यासाठी तुम्ही कठोर परिश्रम कराल. घरामध्ये आनंदाचं वातावरण राहील. जोडीदार तुमच्या हौशेची, आनंदाची पूर्ण काळजी घेईल.

मिथुन रास (Gemini Horoscope)

मिथुन राशीच्या लोकांसाठी नवीन आठवडा उत्तम राहील. या आठवड्यात सणासुदीमुळे तुमचं काम चांगलं होईल. तुम्ही अचानक पिकनिकला जाऊ शकता. महिलांना धार्मिक कार्यात रस राहील. पूर्वी केलेल्या गुंतवणुकीतून तुमच्या सुख-संपत्तीत वाढ होईल. उत्पन्नाचे नवीन स्रोत निर्माण होतील.

कर्क रास (Cancer Horoscope)

कर्क राशीच्या लोकांसाठी नवीन आठवडा संमिश्र जाईल. तुमचा बॉस तुमच्यावर दया दाखवेल. कामाच्या ठिकाणी शत्रूंपासून सावध राहा. तुमचं नुकसान होऊ शकतं. लव्ह लाईफमध्ये तुम्ही मोठं पाऊल उचलू शकता. तुमचा प्रियदार तुम्हाला प्रत्येक निर्णयात पूर्ण साथ देईल. व्यावसायिकाला व्यवसायात काही मंदीचा सामना करावा लागू शकतो.

सिंह रास (Leo Horoscope)

सिंह राशीच्या लोकांना या आठवड्यात शुभ योगाची साथ मिळेल. तुमचं नशीब तुमची साथ देईल. करिअर आणि व्यवसायासाठी तुम्ही प्रवास करू शकता. सत्ता आणि सरकारमधील लोकांशी जवळीक वाढेल. तुम्हाला तुमच्या प्रियकरासोबत रोमान्सची संधी मिळेल. तुमच्या मुलांनी केलेली कोणतीही विशेष कामगिरी समाजात तुमचा सन्मान वाढवेल.

कन्या रास (Virgo Horoscope)

कन्या राशीच्या लोकांसाठी हा आठवडा थोडा कठीण जाईल. या आठवड्यात तुम्ही तुमच्या बोलण्यावर नियंत्रण ठेवा. मालमत्तेशी संबंधित व्यवहार करण्याचा विचार करत असाल तर सल्लागाराचा सल्ला घ्या. या आठवड्यात तुमचे पैसे जास्त खर्च होऊ शकतात. तुमच्या जोडादीरासोबत उत्तम समन्वय ठेवा.

तूळ रास (Libra Horoscope)

तूळ राशीच्या लोकांसाठी नवीन आठवडा चांगला असणार आहे. या काळात तुमचं मन अशांत असेल. तसेच, या आठवड्यात तुम्ही तुमच्या रागावर नियंत्रण ठेवणं गरजेचं आहे. तुम्हाला तुमच्या व्यवसायात जास्त लक्ष देण्याची गरज आहे. तसेच, तुम्हाला धन-संपत्ती कमावण्याची चांगली संधी मिळेल. कोणत्या नवीन कार्याची सुरुवात करण्यासाठी आठवड्याचा शेवटचा काळ चांगला असणार आहे. त्यामुळे तुम्ही निश्चिंत राहा. तसेच, तुमची लव्ह लाईफ चांगली असेल. 

वृश्चिक रास (Scorpio Horoscope)

वृश्चिक राशीच्या लोकांसाठी नोव्हेंबरचा पहिला आठवडा महत्त्वाचा असणार आहे. या काळात तुम्हाला तुमच्या वाणीवर लक्ष केंद्रित करावं लागेल. तसेच, कुटुंबियांची साथ तुम्हाला मिळेल. या आठवड्यात कोणत्याही व्यक्तीला तुमच्या भावनांशी खेळू देऊ नका. तसेच, व्यक्तीला ओळखायला शिका. अन्यथा कोणीही तुमच्या भावना दुखवू शकता. तसेच, आठवड्याच्या शेवटी तुम्ही धार्मिक यात्रेला जाण्याचा योग आहे. 

धनु रास (Sagittarius Horoscope)

धनु राशीसाठी नवीन आठवडा चांगला आणि उत्साहाचा असणार आहे. या आठवड्यात तुमचं मन प्रसन्न असेल. तुमचा आत्मविश्वास वाढेल. कामाच्या ठिकाणी तुम्हाला काही बदल करण्याची गरज आहे. तसेच, तुम्ही तुमच्या करिअरमध्ये बदल करण्याची गरज आहे. तुम्हाला जर नवीन प्रॉपर्टी खरेदी करायची असेल तर त्यासाठी हा काळ चांगला असणार आहे. मित्रांचा सहवास चांगला लाभेल. 

मकर रास (Capricorn Horoscope)

मकर राशीच्या लोकांसाठी नवीन आठवडा शुभकारक असणार आहे. या काळात थोड्याफार प्रमाणात तुमच्या आत्मविश्वासात कमतरता दिसेल. तुमची आर्थिक स्थिती चांगली असेल. तसेच, या आठवड्यात तुम्ही तुमच्या आरोग्याबाबत जास्त सतर्क असण्याची गरज आहे. पैशांच्या बाबतीत तुमची अनेकजण मदत मागू शकतात. तसेच, या आठवड्यात तुम्ही तुमच्या फिटनेसवर लक्ष ठेवणं गरजेचं आहे. 

कुंभ रास (Aquarius Horoscope)

कुंभ राशीच्या लोकांसाठी नोव्हेंबर महिन्याचा पहिला आठवडा चांगला तसेच आशावादी असणार आहे. या काळात तुमचे अनेक दिवसांपासून रखडलेले काम पूर्ण होईल. शैक्षणिक क्षेत्रात तुमची चांगली प्रगती दिसून येईल. तसेच, प्रवासाला जाण्याचे अनेक योग आहेत. या आठवड्यात तुमच्या मनातील संपूर्ण नकारात्मकता दूर होईल. 

मीन रास (Pisces Horoscope)

मीन राशीच्या लोकांसाठी नवीन आठवडा प्रसन्नतेचा असणार आहे. नवीन कार्य करण्यासाठी तुम्ही खूप उत्सुक असाल. तसेच, जर तुम्हाला नवीन वाहन किंवा प्रॉपर्टी खरेदी करायची असेल तर त्यासाटी हा काळ चांगला असणार आहे. तुम्हाला तुमच्या गुंतवणुकीतून चांगला परतावा मिळेल. कामात वरिष्ठ अधिकाऱ्यांचा चांगला सपोर्ट तुम्हाला मिळेल. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हेही वाचा :