Shani Dev : शनीची साडेसाती म्हणजे काय? तुमच्या आयुष्यात का येते? याचा जीवनावर काय परिणाम होतो? जाणून घ्या

Shani Dev : शनीची साडेसाती म्हणजे काय? शनीच्या साडेसातीचा आपल्या जीवनावर काय परिणाम होतो? त्याबद्दल सविस्तर जाणून घ्या.

Shani Dev sade sati marathi news

Shani Dev :  शनिदेवाच्या कृपेचे जीवनात विशेष महत्त्व आहे, ज्योतिषशास्त्रात कलियुगाचा दंडाधिकारी म्हणून शनिचे वर्णन केले आहे. ज्योतिषशास्त्रानुसार शनिदेव कर्माच्या आधारे फळ देतात.  हिंदू धर्मात शनिदेवाच्या पूजेला विशेष महत्त्व आहे. शनिवारी शनिदेवाची पूजा करण्याची परंपरा आहे. ज्यांना साडेसाती आहे, अशा एखाद्या व्यक्तीने शनिवारी पूर्ण भक्तिभावाने शनिदेवाची पूजा केली तर शनिदेव प्रसन्न होतात आणि त्याच्या सर्व मनोकामना पूर्ण करतात. मात्र शनीची साडेसाती म्हणजे नेमकं काय? सविस्तर जाणून घ्या.

शनीची साडेसाती म्हणजे नेमकं काय? 

ज्योतिषशास्त्रानुसार शनीची साडेसाती साडेसात वर्षे राहते. ज्याच्या आयुष्यात साडेसाती असेल, ती साडेसात वर्षांपर्यंत टिकते, 22 वर्षांनी पुन्हा तुमच्या आयुष्यात शनीची साडेसाती येते. शनीची साडेसाती तुमच्या आयुष्यात का येते? ते जाणून घेऊया. 

शनिदेव सर्वांच्या कर्माचा हिशोब ठेवतात

चंद्रावरून मार्गी होत असताना शनिदेव बाराव्या भावात येतात तेव्हा शनि साडेसाती सुरू होते. शनिदेव सर्वांच्या कर्माचा हिशोब ठेवतात. शनीच्या साडेसातीच्या काळात शनिदेव त्यानुसार फळ देतात.

साडेसाती तीन टप्प्यांत येते

शनि साडेसाती तीन टप्प्यांत येते. शनीच्या साडेसातीमध्ये प्रत्येकी अडीच वर्षांचे तीन टप्पे असतात. पहिला टप्पा- आळस असतो, तुम्हाला कोणतेही काम करावेसे वाटत नाही, जर तुम्हाला ते करावेसे वाटले तर तुम्ही ते अचानक सोडून देता. विचार करता करता, मनन करता करता, हे सगळे साडेसातीच्या पहिल्या टप्प्यात खूप घडते. शरीरात आणि आरोग्यात बदल होतो. कोर्टाच्या फेऱ्या मारल्या जातात, हॉस्पिटलच्या फेऱ्या मारल्या जातात. म्हणजेच शनीच्या साडेसातीच्या पहिल्या चरणातून जात असलेल्यांना शनिदेव खूप फिरायला लावतात.

शनीच्या साडेसातीच्या दुस-या चरणात शनि तुम्हाला कठोर परिश्रम करायला लावतो, फळही मिळते. तुम्ही कठोर परिश्रम करता आणि त्याच वेळी तुम्हाला परिणाम मिळतात. शनिदेव तुम्हाला गरीबातून राजा बनवू शकतात. यामुळे तुमच्या जीवनात बदल होतात. 

शनीच्या साडेसतीचा तिसरा टप्पा मागील दोन टप्प्यांपेक्षा किंचित कमी हानिकारक आहे. या टप्प्यात लोकांना किरकोळ आर्थिक समस्या आणि आरोग्याशी संबंधित समस्यांना सामोरे जावे लागू शकते.

 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: