Palmistry: अफेअर, ब्रेकअप, घटस्फोट आणि लग्नाची शक्यता! तळहातावरील 'अशी' हस्तरेषा, जी सर्व काही सांगते, जाणून घ्या
Palmistry: हस्तरेखाच्या माध्यमातून तुम्ही प्रेम आणि लग्नाच्या भविष्याविषयी अनेक महत्त्वाच्या गोष्टी जाणून घेता येतात. तळहातावरील रेषा सांगतात की तुमचे वैवाहिक जीवन कसे असेल.
Palmistry: भारतीय ज्योतिषशास्त्रात हस्तरेषा ही हात वाचण्याची कला म्हणून ओळखली जाते. हे प्रामुख्याने ज्योतिषी वापरत असत. विविध प्राचीन भारतीय ग्रंथांमध्ये याचा उल्लेख आढळतो. हस्तरेषा हे एक जुने शास्त्र आहे, जे आपल्या तळहातावर बनवलेल्या रेषांच्या आधारे जीवनाविषयी माहिती देते. विशेषत: लोकांमध्ये प्रेम आणि लग्नाबद्दल जाणून घेण्याची उत्सुकता असते. हस्तरेखाच्या माध्यमातून तुम्ही प्रेम आणि लग्नाच्या भविष्याविषयी अनेक महत्त्वाच्या गोष्टी जाणून घेऊ शकता. तळहातावरील रेषा सांगतात की, तुमचे वैवाहिक जीवन कसे असेल? जाणून घेऊया...
तळहातावरील 'अशी' विवाह रेषा, जी सर्व काही सांगते...
हस्तरेखावरील लहान विवाह रेषा याबद्दल माहिती देतात. या रेषा तळहाताच्या काठावर, करंगळीच्या खाली असतात आणि त्यांची स्थिती प्रेम जीवन, घडामोडी आणि विवाहाचा अंदाज लावू शकता.
प्रेम आणि विवाहबद्दल हस्तरेखा काय सांगतात?
एकापेक्षा अधिक विवाह रेषा: तळहातावर अनेक लहान विवाह रेषा असल्यास, हे सूचित करते की त्या व्यक्तीच्या आयुष्यात अनेक प्रेम प्रकरणे असू शकतात. जर हलक्या रेषा असतील तर त्या व्यक्तीचे बरेच अफेअर्स असण्याची शक्यता असते, परंतु त्यापैकी बहुतेक ब्रेकअपमध्ये संपतात.
खोल रेषा: एकापेक्षा जास्त खोल विवाह रेषा असल्यास, व्यक्तीचे एकापेक्षा जास्त विवाह असू शकतात.
सरळ आणि न कापलेली रेषा: जर विवाह रेषा सरळ असेल आणि ती इतर कोणत्याही रेषेने कापली जात नसेल तर व्यक्तीचे वैवाहिक जीवन सुखी होते.
कट झालेली रेषा: लग्नाची रेषा इतर कोणत्याही रेषेने कापली, तर व्यक्तीच्या नात्यात समस्या निर्माण होऊ शकतात आणि हे नाते जास्त काळ टिकत नाही.
कटिंग किंवा हलकी रेषा: जर विवाह रेषा काही अंतरापर्यंत सरळ गेली आणि नंतर कट झाली किंवा हलकी झाली तर घटस्फोट होण्याची शक्यता असते.
मंगळाच्या पर्वतावरून उगम पावणारी रेषा: मंगळाच्या पर्वतावरून निघणारी रेषा जर बुध पर्वतावर संपत असेल, तर ती मेंदू, भाग्य आणि हृदयाच्या रेषांना छेदत असेल, तर व्यक्तीच्या आयुष्यात ब्रेकअप किंवा घटस्फोटाचा धोका असतो, आणि संबंध अडचणींनी भरलेले असू शकतात.
हस्तरेखाशास्त्र म्हणजे काय?
हस्तरेखाशास्त्राचा आधार हा विश्वासावर आधारित आहे की आपले हात आपल्या व्यक्तिमत्त्वाची वैशिष्ट्ये, आरोग्य आणि भविष्याबद्दल माहिती ठेवतात. तुमच्या हाताच्या तळहातावरील सर्व रेषा तुमचे व्यक्तिमत्व, भविष्य आणि आयुष्याविषयी महत्त्वाची माहिती सांगू शकतात. हा अभ्यास हस्तरेखाशास्त्र किंवा हस्तरेखा वाचन म्हणून ओळखला जातो. शतकानुशतके हाताने वाचन हा मानवी सभ्यतेचा एक महत्त्वाचा भाग आहे. तुमच्या तळहातावरील रेषा तुमच्याबद्दल काय सांगू शकतात हे या लेखाद्वारे समजून घेण्याचा प्रयत्न करूया.
हाताच्या मुख्य रेषा
सर्वसाधारणपणे, तीन प्रमुख रेषा आहेत ज्या जवळजवळ सर्व हातांवर दिसतात ज्या आवश्यक रेषा मानल्या जातात:
जीवनरेखा
मस्तिष्क रेषा
ह्रदय रेषा
हाताच्या तळहातावर आणखी एक रेषा असते, जी प्रत्येकाच्या हातात नसते, तिला भाग्यरेषा म्हणतात.
हेही वाचा>>>
Wedding Astrology: काय सांगता! पत्नीला खुश करू शकत नाहीत 'या' 3 राशीचे पुरुष? कारण काय? ज्योतिषशास्त्रात म्हटलंय..
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )
महत्त्वाच्या बातम्या
ट्रेंडिंग न्यूज
