Astrology : आज धन लाभ योगासह जुळून आला शुभ संयोग; 'या' 5 राशींवर असणार देवी लक्ष्मीची कृपा, अचानक येणार पैसा

Astrology Panchang 15 November 2024 : वैदिक ज्योतिष शास्त्रानुसार आज जुळू आलेल्या शुभ योगाचा लाभ पाच राशींना मिळणार आहे. या पाच राशी नेमक्या कोणत्या ते जाणून घेऊयात. 

Astrology Panchang 15 November 2024

Source : Abp Web Team

Astrology Panchang 15 November 2024 : आज 15 नोव्हेंबर म्हणजेच शुक्रवारचा दिवस हा फार खास असणार आहे. आज कार्तिक महिन्याच्या शुक्ल पक्षातील पौर्णिमा तिथी आहे. उत्तर भारतात आजचा दिवस हा 'देव दिवाळी' म्हणून साजरा करण्यात येतोय. त्यामुळे आजच्या दिवसाला विशेष महत्त्व आहे. तसेच, आजच्या दिवशी धन लाभ योगासह राशीपरिवर्तन योग (Yog) आणि भरणी नक्षत्र सुद्धा जुळून आले आहे. त्यामुळे आजच्या दिवसाचं महत्त्व फार वाढलं आहे. 

वैदिक ज्योतिष शास्त्रानुसार आज जुळू आलेल्या शुभ योगाचा लाभ पाच राशींना मिळणार आहे. या पाच राशी नेमक्या कोणत्या ते जाणून घेऊयात. 

मिथुन रास (Gemini Horoscope)

मिथुन राशीच्या लोकांसाठी आजचा दिवस फार शुभकारक असणार आहे. आज तुमच्या पर्सनल आणि प्रोफेशनल लाईफमध्ये येणारे अडथळे दूर होतील.  तसेच, देवी लक्ष्मीची तुमच्यावर विशेष कृपा असणार आहे. आज तुम्ही एखाद्या प्रॉपर्टीची खरेदी करु शकता. किंवा तुमच्या पैशांची गुंतवणूक देखील करु शकता. याचा तुम्हाला भविष्यात चांगला लाभ मिळेल. तसेच, तुमच्या आर्थिक स्थितीत सुधारणा पाहायला मिळेल. 

तूळ रास (Libra Horoscope)

तूळ राशीच्या लोकांसाठी आजचा दिवस लाभदायक असणार आहे. देवी लक्ष्मीच्या कृपेने तुमच्याकडे सुख, शांती, धन-संपत्तीचा वास असणार आहे. आर्थिकदृष्ट्या तुम्ही फार सक्षम असाल. तसेच, समाजात दान आणि पुण्याचं काम करण्यात तुम्ही पुढे असाल. आज व्यापारी वर्गातील लोकांना देखील व्यवसायातून दुप्पट लाभ मिळेल. संध्याकाळच्या वेळी पाहुणे घरात येण्याची शक्यता आहे. 

वृश्चिक रास (Scorpio Horoscope)

वृश्चिक राशीच्या लोकांसाठी आजचा दिवस विशेष खास असणार आहे. याचं कारण म्हणजे आज तुम्हाला नवीन काहीतरी शिकण्याची संधी मिळेल. आजचा दिवस तुम्ही धार्मिक कार्यात व्यस्त असाल. तसेच, व्यापारी वर्गातील लोकांना कामाच्या ठिकाणी नवीन ऑर्डर्स मिळतील. यातून तुम्हाला चांगला लाभ मिळेल. तसेच, विद्यार्थ्यांसाठी हा काळ फार महत्त्वाचा असणार आहे. 

धनु रास (Sagittarius Horoscope)

धनु राशीच्या लोकांसाठी आजचा दिवस आनंददायी असणार आहे. तुमच्या आयुष्यात येणाऱ्या समस्या हळूहळू दूर होतील. तसेच, तुमच्या आनंदात अधिक वाढ झालेली दिसेल. तसेच, आज तुमच्या घरी पाहुण्यांचं आगमन होऊ शकतं. लवकरच तुम्हाला शुभवार्ता मिळण्याची शक्यता आहे. नोकरदार वर्गातील लोकांना कामाच्या ठिकाणी चांगलं वातावरण पाहायला मिळेल. वरिष्ठ अधिकाऱ्यांचा तुम्हाला चांगला पाठिंबा मिळेल. 

कुंभ रास (Aquarius Horoscope)

कुंभ राशीच्या लोकांसाठी आजचा दिवस फायदेशीर असणार आहे. आज तुमच्यावर देवी लक्ष्मीची कृपा असणार आहे. धन कमावण्याची तुम्हाला चांगली संधी मिळेल. तसेच, परदेशात जाण्याची लवकरच चांगली संधी तुम्हाला मिळेल. तुमच्या व्यवसायात चांगलं यश तुम्हाला मिळेल. जोडीदाराबरोबर तुम्ही नवीन कार्याची सुरुवात करु शकता. तसेच, कामाच्या ठिकाणी तुम्हाला चांगलं सकारात्मक वातावरण पाहायला मिळेल. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा :