![ABP Premium](https://cdn.abplive.com/imagebank/Premium-ad-Icon.png)
Virat Kohli : खराब फॉर्मवर विराट कोहलीकडून एका वाक्यात टीकाकारांना उत्तर, म्हणाला..
IPL 2022 : भारताचा माजी कर्णधार विराट कोहली मागील काही काळापासून खराब फॉर्ममध्ये असून आयपीएल 2022 मध्ये देखील त्याचा बॅड पॅच सुरुच आहे.
![Virat Kohli : खराब फॉर्मवर विराट कोहलीकडून एका वाक्यात टीकाकारांना उत्तर, म्हणाला.. Virat Kohli says he mute tv and dont listen to what people saying after his bad form in IPL 2022 Virat Kohli : खराब फॉर्मवर विराट कोहलीकडून एका वाक्यात टीकाकारांना उत्तर, म्हणाला..](https://feeds.abplive.com/onecms/images/uploaded-images/2022/05/11/78ef96ae07a3fd7efa847160b05fb74d_original.jpeg?impolicy=abp_cdn&imwidth=1200&height=675)
Virat in IPL 2022 : अव्वल दर्जाचा क्रिकेटपटू विराट कोहली (Virat Kohli) मागील काही काळापासून खराब फॉर्ममध्ये दिसत आहे. 70 शतकं लगावणाऱ्या विराटने 2019 नंतर एकही शतक लगावलेलं नाही. त्यात सध्या सुरु असलेल्या आयपीएल 2022 मध्येही विराट खास कामगिरी करत नाहीये. आतापर्यंत त्याने 12 सामन्यात 216 धावा करत केवळ एक अर्धशतक झळकावलं आहे. दरम्यान या त्याच्या खराब फॉर्मवर सर्व स्तरातून टीका होत असताना विराटने पहिल्यांदाच यावर आपलं मत व्यक्त केलं आहे. विराटने सर्व टीकाकारांना एका वाक्यात उत्तर दिलं आहे.
आरसीबी (RCB) संघाच्या एका सोशल मीडियावरील एका मनोरंजन व्हिडीओमध्ये विराटची मुलाखत घेण्यात आली. यावेळी विराटला खराब फॉर्मबद्दल विचारण्यात आलं. तेव्हा विराट म्हणाला, ''मी अशावेळी टीव्हीचा आवाज बंद करतो, तसंच अशा लोकांच्या बोलण्याकडे लक्षही देत नाही.'' विराटने अशाप्रकारे एका वाक्यात उत्तर देत सर्व टीकाकारांना सडेतोड उत्तर दिलं आहे.
संपूर्ण मुलाखत पाहा -
IPL 2022 विराट कोहलीचे प्रदर्शन
आयपीएलच्या 15 व्या हंगामात विराट कोहलीचे प्रदर्शन अतिशय निराशाजनक राहिलेय. विराट कोहली यंदा तीन वेळा शून्यावर बाद झालाय. तर एक वेळा 1 धाव काढून परतलाय. कोलकाताविरोधात 12, राजस्थानविरोधात 5, दिल्लीविरोधात 12, राजस्थानविरोधात 9 धावा काढून बाद झालाय. विराट कोहलीने 11 सामन्यात 21 च्या सरासरीने आणि 111 च्या स्ट्राईक रेटने 216 धावा चोपल्या आहेत.
आयपीएलमध्ये विराट कोहली सहाव्यांदा शून्यावर बाद-
विरुद्ध संघ | गोलंदाजाचं नाव | वर्ष |
मुंबई इंडियन्स | आशीष नेहरा | 2008 |
पंजाब किंग्ज | संदीप शर्मा | 2014 |
कोलकाता नाईट रायडर्स | नाथन कुल्टर नाईल | 2017 |
लखनौ सुपर जायंट्स | दुष्मंता चमीरा | 2022 |
सनरायजर्स हैदराबाद | मार्को जेनसन | 2022 |
सनरायजर्स हैदराबाद | जे सुचित | 2022 |
आयपीएल 2022 मधील विराट कोहलीचं प्रदर्शन-
1) 41*(29)
2) 12(7)
3) 5(6)
4) 48(36)
5) 1(3)
6) 12(14)
7) 0(1)
8) 0(1)
9) 9(10)
10) 58(53)
11) 30(33)
12) 0(1)
हे देखील वाचा-
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)